1 Jɔ̀ɔ̌n 3:3 - Nyesoaa Kuo Win Jajle

³ Nyu wùɛ ɔ̈ kɔn ɛmoo wlò je kuuan taeǒ bɔ snǎě ɔɔ chɛ̀ mɔ̀le keǒ Tentǎn Jǔ nuu.

1 Jɔ̀ɔ̌n 3:3 ပူးပေါင်းရင်းမြစ်များ

Matiɔ̌n 5:48

Tèǒ nì kɔn tè keǒ aa Gbeǐǒ neěe jɔkɛn Ɔ nuu Ɔ̌ snǎ lěe mɔ̀le kpǎkpǎ kě ba nu ke.”

Lǔkù 6:36

Tèǒ nì kɔn tè ba kɔn wɔle je jbojbɛ keǒ nyopò wùɛ mɔ̀ wòje keǒ aa jɔkɛn Gbeǐ nii Ɔ̌ kɔnʼɔ wɔle je jbojbɛ keǒ nyopò wùɛ mɔ̀.”

Jɔ̀ɔ̌n 17:19

Ě tù Ně chɛ̀ je ngmà keǒ u mɔ̀ ɛ̈ di ɛɛ numa Nè kàan win i mǐ u ngmà je tù.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 15:9

Nyesoa nu ɛ ɛ se dɔ̌ ne keǒ u klee ämoo sɔ̌n slè, ke kɔn do Ɔ nuě ämoo mɔ̀le snasnǎ keǒ äa tè wlò popoɛ kɛn, kě kɔn do Ɔ nuě u mɔ̀le snasnǎ klě uu tè wlò popoɛ mǒ.

Wlǔmɔ 15:12

Nyesoaa wnɔsàɔ Aesaeǎ boɔla ɛle ke seela tǐ jleě ɛ̈ moo, “Ɛ kɔn Nyu miǎ lěe jbɛjuǒ moo Jɛ̀sěe ɔɔ jlǔu jlǔ slè diiba Ɔ̈à Nyesoa miǎ kpě nyema Ɔ̈ miǎ kmɔ̌ ne nyopò win kwa kɔnma, è kuodakwɛ̌ miǎ wlò je kunkuɛn kɔnma keǒ Ɔɔ tè mɔ̀.” (Is 11.10)

2 Kwnɛtiɛ̌ 7:1

Tèǒ nì kɔn tè ně mɔ̀niapo ale, ɛ̈ kɔn ämo kɔn imoo pee noǎ fòfoaǒ ǐ sɔn lěe Nyesoa mɔ̀ mǒ, a nɛ bä sà noǎ wùɛ fǒ měne ï ni äa blǒ fǒ klee wlè ǐ nymii jǐ le plě a nɛ bä tùǒ Nyesoa ä mǐ äa chɛ̀ ngmà je tù kpǎkpǎ.

Klasɔ̌n 1:5

Dɛ nu ɛɛ nɛ̀ moo a tɔɔn ɛ wlò keǒ ba jě dɛǒ Nyesoa tùu bo keǒ a mɔ̀ ɛ̈ neěe jɔkɛn ɛ̈ kɔn tè a wɔ̌naa klě Ɔɔ kàan tuposà wlòmo. Ɔɔ tuposàǒ ɛ̈

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

Taetɔ̌ 3:7

Dɛ sɔnʼě ɛɛ wlòmo nɛ̀ moo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀, nɛ̀ nu ämo ä moo jebo siǐn nyo klě Ɔ jǐ kɛn klee ä moo Ɔɔ jlǔ ü kɔnʼɔ wlò je kunkuɛn keǒ kmɔ̌ sie fònfno mɔ̀.

Hiblǔ 12:14

Nyu wùɛ ɔ̈ see ngmà je ne, ɔ se Koɔn Nyesoa jěba mu. Ii tè a tɛ̀n ɛ mǒ keǒ ně bo wnawna bɛ neǒ a klee nyopò tùu slè plě a tɛ̀n ɛ mǒ keǒ ba ne ngmà je.

Hiblǔ 6:18

ɛ̈ di ɛɛ numa ɛ mǐ noǎ kplěe sɔ̌n kɔn ï see de wowoɛ̌ kɔn, ï kɔn tè Nyesoa slě wɔ̀ Bɔ tmɔɔ̌ sen. Tèǒ nì kɔn tè ämoà diɔɔ Nyesoa mɔ̀ keǒ mǒ sɛ̀ɛa mɔ̀, dɛǒ nɛ̀ bɛ po ä kbě ja le ä miǒ äa wlò je kunkuɛnʼǒ Nyesoa nye ämoo klě Tentǎn Jǔ mǒ mɔ̀ kwa blě kpankpa.

Hiblǔ 7:26

Bodiɔ taeǒ moo Jùsu Nɔ̀ sɛ̀ dɛ ä sòɛɛ tàmo. Mɛ̌oǒ joo nɛ̀ moo Ɔ ne je ngmà, tè jɛɛa seǒ Ɔ jleě mǒ ne, Ɔ snǎě mɔ̀le plě Nyesoa sàě Ɔ dɔ̌ klě kpni kukwǐ nyo slè Ɔ̌ dǔ Ɔ jemǒ Ɔ̌ kpaě Ɔ jɔkɛn klě tùɔnʼà kɔn tè kmaa kɛn.

Jìmǐse 4:8

A diě a mǎ aa chɛ̀ Nyesoa debo, è Ɔ miě diba Ɔ mǐ a debo mǎ. Kpni kukwǐ nu nyo, ba bɔ̌ kpni kukwǐǒ a nii. Amo ä jěè kɛn ä daà kàan chènyɔ Nyesoa nyo, ba snǎě aa wlè jleě le a sàě kpni kukwǐǒ neěe.

1 Pitɛ̌ 1:15

Dɛ wùɛ a mii numa a ne ngmà je keǒ Nyesoa nuu Ɔ̈ da amoo.

1 Pitɛ̌ 1:3

De bìsea keǒ Nyesoa mɔ̀ Ɔ̈ moo äa Koɔn Jùsu Tentǎn Jǔu Gbeǐ Ɔ̈ kɔnaa wɔle je jbojbɛ chɔɔ keǒ ä mɔ̀ plě Ɔ̈ nyea ämoo wlò je kunkuɛn keǒ kmɔ̌ sie fònfno mɔ̀ ɛ̈ Ɔ jaeěe Tentǎn Jǔ Jùsuu jemǒ duduɛ̌ mǒ keǒ Bɔ sɔnʼě kǒla mǒ.

2 Pitɛ̌ 1:4

Keǒ imo nyee noǎǒ ii tè mɔ̀, Nyesoa nye ä pee noǎ ï kɔn tè kmaa chɔɔ klee ï nuu kàan ɛ̈ di ɛɛ numa Ɔɔ ngmà je ne kmɔ̌ Ɔ nee ä miě ɛ wakǎ jleě mǒ kɔn, ä mǐ noǎ sòenʼà neɔɔ kmɔ̌ wlòmo je plùu lu ï dɛ kukǔ wlògbaee jlɛjlɛ̌ dɛ jɛ lěe.

2 Pitɛ̌ 3:14

Tèǒ nì kɔn tè ně mǒ noɛɛ nyopò ane, ɛ̈ kɔn amo pɛ̀n imoo noǎǒ snǔ mɔ̀le, ba poě kbě a nu dɛ a wɔ̀lee nunuɛ a miě mɔ̀le snǎ tè jɛɛa ɛɛ̌ diǒ a jleě mǒ ne plě ně bo wnawna miǒ a klee Nyesoa slè ne.

1 Jɔ̀ɔ̌n 2:6

Bɛ̌ nu nyu bɔ̌ boɔ li ɛ̈ moo Ɔ ne kmɔ̌ keǒ Nyesoa mɔ̀, è kmɔ̌ɔ doǒ Jùsu neaa nɛ̀ ɔ kɔn bɔ ne.

1 Jɔ̀ɔ̌n 4:17

Dɛ kɔn tè Nyesoa nu Ɔɔ mǒ noɛnoɛ ɛ wɛ̀ lěe jele kělɔ ä slè nɛ̀ moo ɛ̈ di ɛɛ numa ä miǎ wlò je kunkuɛn kɔn klě blilǐ tù chnɛ̀ jlǒ waěǒ mɔ̀. Äa kmɔ̌ neneɛ snǎě le mɔ̀ wòje keǒ Tentǎn Jǔ nuaa, ii tè ä miǎ wlò je kunkuɛn kɔnma.