1 Jɔ̀ɔ̌n 3:2 - Nyesoaa Kuo Win Jajle

² Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

1 Jɔ̀ɔ̌n 3:2 ပူးပေါင်းရင်းမြစ်များ

Matiɔ̌n 5:8

Ɛ moo ngmna keǒ nyopòà mɔ̀ ü kɔn wlè snǎ lěe kɛne. Mɛ̌oǒ joo nɛ̀ moo nù miǎ Nyesoa jěba.

Lǔkù 17:30

Dɛɛ doǒ nɛ̀ ɛ miǎ mooma chnɛ̀ jlǒ waěǒ Jbɛjuu Jǔà Ɔ miǎ tàmo wǒba.

Lǔkù 20:36

U seǎa kɛ̀ kǒba mu de. Mɛ̌oǒ joo nɛ̀ moo uu ka kɔn bɛ wǒǎ je Nyesoaa najiǒpò ü see kokoɛ̌ kɔn. Ke ɛ toon jleě mǒ bo Nyesoa miǎ uu jemǒ dǔba, u miǎ Ɔɔ jlǔ mooma.

Jɔ̀ɔ̌n 1:12

Kɛɛ nyopò wùɛ ü mi Ɔɔ jebo kmema plě ü mi Ɔɔ tè kàan tè poba, Ɔ mi u kpě nyema keǒ bu moo Nyesoaa jlǔ.

Jɔ̀ɔ̌n 11:52

È ɛ sea uu do sosǒ, kɛɛ ɛ mooa Bɔ poaǒ Nyesoaa jlǔ wùɛ tàa do ke ü wlɛ̀ɛ kmɔ̌à kɛn bo.

Jɔ̀ɔ̌n 17:24

Ně Gbeǐò, Ě jlɛ̌ nyopòà ü nyè Mǒo bu neǒǒ gbàa tà wùɛ Ě miǒo nema ɛ̈ di ɛɛ numa tè jǐ boaboǎà nyèa Mǒo keǒ tà noɛɛ Mǒo mǒ ɛɛ tè mɔ̀, u mǐ ɛ jě ɛ̈ Ě kɔnaa plě kmɔ̌ɔ chɛ̀à ɛ mǐi nuu nu.

Wlǔmɔ 8:16

Nyesoaa Sùsuu chɛ̀ Nɛ̀ tmɛɛ̌ äa sùsu ɛ̈ moo ä moo Nyesoaa jlǔ.

Wlǔmɔ 8:18

Ě po i mǒ kàan tè äa sònwɛ jejeɛ̌à ä jěe klě tǐà wlòmo ɛ se dɛ nyu bɔ poo tè jǐ boaboǎǒ Nyesoa miǎ tàmo sàba je keǒ ä mɔ̀.

Wlǔmɔ 8:19

Noǎ wùɛà Nyesoa nuu kělɔ kmɔ̌ɔ mɔ̀ ii fě nymɛ̌ ne ǐ fe Nyesoa kɛn mǒ keǒ Bɔ sà Ɔɔ jlǔ kwlǎ mǒ.

Wlǔmɔ 8:29

Umoǒ nù Nyesoaa chɛ̀ sàlaǒ seela tǐ jleě plě ü moo nyopò Ɔ se jlǎ bo dɛ kukǔ bɛ neě mǒ wòje keǒ Ɔɔ Jǔ nuu teěn ɛ̈ di ɛɛ numa Ɔɔ Jǔǒ Ɔ mǐ nyane Nyu tù keǒ Ɔɔ mamǔpò fòfoa mɔ̀.

1 Kwnɛtiɛ̌ 13:12

Klě tǐà wlòmo äǎ jě Nyesoa tɛɛ wòje ke ä ni äa chɛ̀ jejeɛ̌ klě jělaě wlòmo, kɛɛ ä miǎ Ɔ jěba Ɔ klee ämo ä miǎ jeja popoo lo. Klě tǐà wlòmo dɛ wùɛ ɛ̈ kwɛɛǒo Nyesoa jleě mǒ bo Ě ji ɛɛ wakěe tìe sosǒ. Kɛɛ Ě miǎ noǎ wùɛ jiba keǒ Nyesoa jleě mǒ wòje keǒ Ɔ nuu noǎ wùɛ jijiɛ kěàǎ jleě mǒ.

1 Kwnɛtiɛ̌ 15:49

Tèǒ nì kɔn tè keà ɛ nuu äa fǒ wǒo je jbɛjuǒ ɔ̈à nuuaa fnò, a nɛ äle kmɔ̌ bɛ wǒ je Jbɛjuà Ɔ̈ sɔn lěe jɔkɛn mǒ.

1 Kwnɛtiɛ̌ 2:9

Tɔ̀nʼà nɛ̀ kɔn tè ä boɛ wòje ke ɛ nuu chleěa klě Nyesoaa win wlòmo ɛ̈ moo, “Noǎà Nyesoa wɔ̀ɔ mɔ̀ keǒ nyopòà noɛɛ Ɔɔ mǒ mɔ̀, jleě sěɛlǎ i jě plě nɔkǔ sěɛlǎ i wɛ̌n plě dlǒ le sìɛnsiɛn sěɛlǎ i kwlǎ mǒ sɛ̀.” (Is 64.4)

2 Kwnɛtiɛ̌ 3:18

Ä se äa jigbè tata je kaen ne, ii tè ä jě Koɔnʼɔ tè jǐ boaboǎ le, ɛmo tè jǐ boaboǎǒ ɛ̈ǒ sɔn lěe Koɔn mɔ̀ mǒ Ɔ̈ monoo Sùsu nɛ̀ sɛ̀ äa kmɔ̌ de le, ä wǒ Ɔ je chɔɔ plě ä kɔn Ɔɔ tè jǐ boaboǎǒ ɛɛ kpɛntɛɛ̌.

2 Kwnɛtiɛ̌ 4:17

Äa sònwɛ jejeɛ̌ chěnchaěà ɛ se mǒ tmɔ ɛ̈à ä jěe kělɔ kmɔ̌ɔ mɔ̀, ɛ se dɛ mono ɛ seǒ kmɔ̌ siee tè jǐ boaboǎ fòɛǒ ɛ̈ nyee ämoo mǒ sìn.

Kalesiɛ̌n 3:26

Aa wùɛ a moo Nyesoaa jlǔ klě tè wlò popoɛ a kɔnʼɔ mǒ klě Tentǎn Jǔ Jùsu mǒ.

Kalesiɛ̌n 4:6

Ke ɛ toon jleě mǒ bo ǎ moo Nyesoaa jlǔ, Nyesoa dbo Ɔɔ Jǔu Sùsu klě aa wlè jleě. Ɛ pnɛ̌ dɛ jleě le klě Nyesoa mɔ̀ kě Ɛ dɛ̌, “Abà!” ɛ̈ sɛ̀nʼɛ nynɛ̌ Ně Gbeǐ.

Flepiɛ̌n 3:21

Ɔ mi äa fǒà mii kǒba numa ɛ mǐ ponpnɔɔ no Ɔ mǐ ɛ tè jǐ boǎ fǒ mǒ nu wòje keǒ Ɔɔ nenɛ nuu. Ɔɔ kpěǒ nu Ɔɔ Ɔ̌ wɔ̀le ɛɛ Bɔ poě noǎ wùɛ Ɔɔ win kwa konkɔn bobo nì Ɔ mi numa.

Klasɔ̌n 3:4

Bɛ̌ nu Tentǎn Jǔà nye ämoo kmɔ̌ sie fònfno Bɔ̌ sàla Ɔɔ chɛ̀ tàmo, è aa chɛ̀ɔ̌ a miǎ tàmo wǒba ke a miǎ Ɔɔ tè jǐ boaboǎ kɔn.

Hiblǔ 9:28

kě Tentǎn Jǔ nua Ɔ nyee Ɔɔ chɛ̀ keǒ pète bɛ̌ tu jleě waěe do keǒ Bɔ pooa nyopò fòfoaa kpni kukwǐi tè wlò le. Bɛ̌ nu Bɔ̌ diǎ de wěe sɔ̌n nenɛ mɔ̀, Ɔ seǎǒ kpni kukwǐ dɛ jleě mǒ numa mu, kɛɛ Ɔ miǎě diba keǒ Bɔ gblàla nyopòǒ fe Ɔɔ kɛn mǒ.

2 Pitɛ̌ 1:4

Keǒ imo nyee noǎǒ ii tè mɔ̀, Nyesoa nye ä pee noǎ ï kɔn tè kmaa chɔɔ klee ï nuu kàan ɛ̈ di ɛɛ numa Ɔɔ ngmà je ne kmɔ̌ Ɔ nee ä miě ɛ wakǎ jleě mǒ kɔn, ä mǐ noǎ sòenʼà neɔɔ kmɔ̌ wlòmo je plùu lu ï dɛ kukǔ wlògbaee jlɛjlɛ̌ dɛ jɛ lěe.

1 Jɔ̀ɔ̌n 2:28

Ně jlǔ ale, sɛjesɛ klě tǐà wlòmo aa tè wlò popoɛ bɛ muu nya klě Tentǎn Jǔ mǒ ɛ̈ di ɛɛ numa Bɔ̌ tbaeǎ je, ä miǎ wlò je kunkuɛn kɔn klee äǎ diǎ tònwe měne be plě äǎ diǎ Ɔ je wɛɛ̌ le.

1 Jɔ̀ɔ̌n 2:7

Ně mǒ noɛɛ nyopò ane, ɛ se tetě jajlo bo chlě ɛ keǒ a mɔ̀, kɛɛ tetě dakǎa do a kɔnaa sɔɔnʼě ɛɛ wlò tùla mǒ nɛ̀à. Ɛmo tetě dakǎǒ nɛ̀ moo tuposàǒ a wɔ̌naa.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

1 Jɔ̀ɔ̌n 3:10

Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.

1 Jɔ̀ɔ̌n 3:21

Ně mǒ noɛɛ nyopò ane, ke ɛ toon jleě mǒ bo äa wlògbai iǐ jɛɛ ämoo tè, ä kɔn wlò je kunkuɛn keǒ Ɔ jemǒ.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

Wlɛ̀velesɔ̌n 2:28

Ě mi u Nyuà u dɛɛ Kènta Jɔtnàe nyema ke.’ (Num 24.17)

Wlɛ̀velesɔ̌n 22:4

U mi Nyesoaa jigbà jěba, è Ɔɔ nynɛ̌ mi chleěba keǒ uu jigbèe gblee wnana mǒ.