1 Jɔ̀ɔ̌n 3:16 - Nyesoaa Kuo Win Jajle

¹⁶ Dɛ ä jii lii mǒ noɛnoɛ nɛ̀ moo Tentǎn Jǔ koǒǒ äa tà. Tèǒ nì kɔn tè bä wɛ̀ mɔ̀le keǒ bä koǒǒ Tentǎn Jǔu wǎn tùu pènmo ke.

1 Jɔ̀ɔ̌n 3:16 ပူးပေါင်းရင်းမြစ်များ

Matiɔ̌n 20:28

Dɛɛ doǒ nɛ̀ ɛ mono, Mǒ Jbɛjuu Jǔà Ě slě di nyopò mi Ně konkwa nu, kɛɛ Ě diě keǒ Bo mǐ nyopòo konkwa nu plě Ě mǐ kǒ, dɛǒ nɛ̀ mi tùonyopo fòfoa gblàba klě uu kpni kukwǐi plɔɔ tu kɛn bo maěa slè.”

Jɔ̀ɔ̌n 10:11

Mǒà Mǒ moo Kàan Blableǎ Jǐ Mɔ̀ Tùɔ̌ Ɔ̈ wɔɔn ɛɛ kɛn Bɔ̈ kǒo keǒ blableǎa tè mɔ̀.

Jɔ̀ɔ̌n 10:15

wòje keǒ ɛ nuu Ě ji Něe Gbeǐ plě Ně Gbeǐ ji Mǒo. Ě wɔɔn ɛ kɛn keǒ Bo kǒ keǒ blableǎǒ ii tè mɔ̀.

Jɔ̀ɔ̌n 13:34

Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:28

A tù aa chɛ̀ jǐ mɔ̀ a mǐ aa bǐì Tentǎn Jǔu wǎn jǐ mɔ̀ tù ü Ngmà Ne Je Sùsu poě amoo kwete mǒ ba tùu jǐ mɔ̀. Ba moo jǐ mɔ̀ tù nyo keǒ Tentǎn Jǔu wǎn mɔ̀ ü Nyesoa nu Ɔɔ chɛ̀ɛ nyopò mǒ keǒ Ɔɔ Jǔu kokoɛ̌ kɛn.

Wlǔmɔ 16:4

üà poǒ uu chɛ̀ɛ fònfno blǒ mɔ̀ bo ně tè. Ɛ se ně do ně pe u tàto, kuodakwɛ̌à moo Tentǎn Jǔu wǎn uu wùɛ u pe u tàto ke.

Wlǔmɔ 5:8

Kɛɛ tà ä neěa jè lěe kpni kukwǐ slè, Tentǎn Jǔ kǒa keǒ ä mɔ̀. Klě ɛmoǒ mǒ klě Nyesoa pooě Ɔɔ mǒ noɛnoɛ fòɛ pepě mǒ keǒ ä mɔ̀.

2 Kwnɛtiɛ̌ 4:12

Ii tè ä neě kokoɛ̌ gbàe wan keǒ bä po a kàan tuposàà je ɛ̈ di ɛɛ numa a mǐ kmɔ̌ sie fònfno kɔn.

Ifisiɛ̌n 5:2

È a nɛ mǒ noɛnoɛ bɛ kɔn aa kmɔ̌ neneɛ win kwa wòje dɛɛ doǒ Tentǎn Jǔ nuu Ɔ̌ noɛɛ ämoo mǒ ii tè Ɔ̌ kǒo keǒ äa tè mɔ̀ wòje keà wan nmɔ nyee dɛ ɛ̈ pee sonsnǒ klee chɔ̀no ɛ̈ pie lee Nyesoa je.

Ifisiɛ̌n 5:25

Amo jbeapò, keǒ Tentǎn Jǔ nuu Ɔ̌ noɛɛ Ɔɔ wǎn mǒ Ɔ̌ kǒo keǒ uu tè mɔ̀, kě ba nu a noɛɛ aa nyno mǒ.

Flepiɛ̌n 2:17

Bɛ̌ nu bo kɔn bo kǒo chɛ̀ wòje piepie chɔ̀no keǒ a mǐ tè wlò popoɛ kɔn tè mɔ̀, Ě miǐ jè chǒn le numa plě a klee mǒo sɔ̌n ä miǒ plɔɔ bloblɛ tàa do kɔn.

Flepiɛ̌n 2:30

Mɛ̌oǒ joo nɛ̀ moo ɔ dukwla kokoɛ̌ keǒ Tentǎn Jǔu konkwaà ɛɛ nunu tè mɔ̀ plě ɔ̌ poo ɔɔ chɛ̀ɛ fònfno kla kɛn keǒ bɔ nyeě mǒ sɛ̀ɛa taeà a slě wɔ̀ ba nye mǒo.

1 Tɛseloniǎ 2:8

Ä noɛɛ a mǒ no chɔɔ, dɛǒ nɛ̀ kɔn tè äa plɔ bloo ɛ kɛn keǒ bä po a Nyesoaa kàan tuposàà je. Ɛ se bä po ɛ a jee do, kɛɛ klee keǒ bä nu dɛ wùɛ ä wɔ̀le je bä nuu keǒ aa mǒ sɛ̀ɛa mɔ̀. Ä noɛɛ a mǒ no chɔɔ!

Taetɔ̌ 2:13

ɛ̈ kɔn ämo fee ü kuun ɛ wlò je keǒ ngmna ä miǎa kɔnma mɔ̀ bo äa Nyesoa Ɔ̈ kɔn tè kuun plě ï boǎa jǐ klee äa Wowa Nyu Jùsu Tentǎn Jǔ Bǔ wǒǎ tàmo.

1 Pitɛ̌ 1:18

Mɛ kɔɔ̌n tèǒ joo nɛ̀ moo a ji dɛ Ɔ sàa le keǒ Bɔ sà amoo dbǐ mǒ klě kmɔ̌ kukǔà slè ɛ̈ see dɛ mǒ ne ɛ̈ aa gbeǐpò teea amoo. Ɔ se dɛà see wlɛ̀ɛa kɔn nu wòje keà sěbla klee klòo ka nee je,

1 Pitɛ̌ 2:24

Tentǎn Jǔu chɛ̀ Nɔ̀ blěa äa kpni kukwǐ gbɛ̀ɛ keǒ pète bɛ̌ tu jleě ɛ̈ di ɛɛ numa ä mǐ dɛ kukǔ nunuɛ bɔ̌ ä mǐ jebo siǐn kmɔ̌ ne. Noǎǒ tbaea Ɔɔ le nì pean ämo.

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

1 Jɔ̀ɔ̌n 2:6

Bɛ̌ nu nyu bɔ̌ boɔ li ɛ̈ moo Ɔ ne kmɔ̌ keǒ Nyesoa mɔ̀, è kmɔ̌ɔ doǒ Jùsu neaa nɛ̀ ɔ kɔn bɔ ne.

1 Jɔ̀ɔ̌n 2:9

Nyu wùɛ ɔ̈ mi bòo dǎba ɛ̈ moo ɔ neě pepě mǒ plě ɔ̈ faen ɔɔ bě tùonyugbe, kwijlě kmɔ̌ǒ nɛ̀ ɔ neěe jè le slè.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 5:9

U blea wlɛ̌ jajlo, è kě uu wlɛ̌ win dɛ̌a ɛ̈ moo, “Mò ɛ blɛɛ je Bɔ̈ dǔ ɛmo plaplǎ chněedɛ̌à mǒ Bɔ̈ sà ɛ sluu wùɛǒ jele. Mɛ kɔɔ̌n tèǒ joo nɛ̀ moo u dbǎlaà le, è Nè nymɔǒ nɛ̀ nù È tɔ̀n nyopò keǒ Nyesoa mɔ̀ ü sɔnʼɔ blǒ wùɛ kɛn mǒ plě ü pee winʼi doědoe plě ü sɔnʼɔ dakwɛ̌ wùɛ mɔ̀ měne klee tùonyopoo doědoe wùɛ.