1 Jɔ̀ɔ̌n 3:12 - Nyesoaa Kuo Win Jajle

¹² Aa ka ɛɛ̌ wɛ̌ je Keèn ɔ̈ sɔna lěe kǔ mɔ̀ mǒ ɔ̈ pooa ɔɔ chɛ̀ɛ mamǔ jbɛju mnùngma mǒ. I be kɛě a mǒ wlò tè kɔn tè ɔ pooa ɔɔ mnùngma le? Ɛ mooa dɛ kukǔǒ ɔmo Keèn niaa ɛɛ tè, è ɔɔ mamǔ nɔ̀ nia mǒ slɛɛ̌ dɛ.

1 Jɔ̀ɔ̌n 3:12 ပူးပေါင်းရင်းမြစ်များ

Matiɔ̌n 13:19

Jɔ̌ǒ beaǒo fɛ snǔ mɔ̀ i nynaǒ pènmo bo nyopòà ü wɔ̌nʼɔ Nyesoaa tuposà ɛ̈ kwɛɛǒo Ɔɔ win kwa konkɔn tè jleě mǒ bo, kɛɛ ü se ɛɛ le jbo. Ii tè kǔ diě ɔ̌ sà lě winʼǒ Nyesoa poě uu wlè jleě.

Matiɔ̌n 13:38

È chè fòɛǒ nɛ̀ nynaǒ kmɔ̌à pènmo bo, è kouǒ nɛ̀ nynaǒ nyopòà pènmo bo ü neěe Nyesoaa win kwa konkɔn bobo, è nenanyɔǒ nɛ̀ nynaǒ kǔu jlǔ pènmo bo.

Matiɔ̌n 23:35

Tèǒ nì kɔn tè jebo siǐn nyo klɛɛkpɛ wùɛ u dǔaa dbadbǎ mǒ, sɔɔnʼě Ebòo mnùngma mǒ poo tǐ jleě mǒ bò jɛ Sɛkɛwlaeɔ̌ ɔ̈ monoo Bɛwlěchìaa jbɛjuju ɔ̈ aa gbeǐpò pooaa mnùngma ɔɔ tǐ ɔ̈ u dbaěaǒo Nyesoaa kǎ fòɛ klee chɔ̀no tògbee kǒngmà pǎnpe, uu tè jɛɛa miǒ a klee aa gbeǐpò kɛn beba.

Matiɔ̌n 27:23

Kɛɛ ɔ gbàla u wan de ɔ je, “Mɛ̌oǒ? Mɛ sɛje Ɔ nuǔ kɛ ɛ̈ monoǒ kenkan dɛ?” Kɛɛ u pnɛɛ̌aě jɔ mǒ chɔɔ u je, “Kɔǒ Ɔ pète bɛ̌ tu jleě!”

Matiɔ̌n 5:37

Kɛɛ nè uuǔn bɛ moo uuǔn, nè òooǒn bɛ moo òooǒn. È win tìi bǐ beǒ i dlǒ mǒ i sonwɛě mǒ kǔ mɔ̀.”

Lǔkù 11:51

Sɔɔnʼě Ebòo mnùngma pooa jleě mǒ bò jɛ Sɛkɛwlaeɔ̌ ɔ̈ u dbǎlaa keǒ Nyesoaa kǎ fòɛ klee chɔ̀no kǒngmà pǎnpe. Kòo, Bo tmɔɔ̌ amo, u mi tè jɛɛa kɔnma keǒ ɛ kɛn.

Jɔ̀ɔ̌n 10:32

kɛɛ kě Ɔ dǎla u je Ɔ je, “Ě te a je wlòlekaen noǎ fòfoa ï sɔnʼě Něe Gbeǐ mɔ̀ mǒ. Ii noǎ tae kɔn tè a miǐ kɛ Mǒ seɛ̌à beeba?”

Jɔ̀ɔ̌n 8:40

Kɛɛ tà Ě tmɛɛ̌ amoo kàan tèà Ě wɔ̌nʼɔ ï sɔn lěe Nyesoa mɔ̀ mǒ, è a tɛ̀n ɛ mǒ keǒ ba dbǎ Mǒ. Eblɛ̌hɛ̀mo sěɛlǎ dɛ taeǒ ni.

Jɔ̀ɔ̌n 8:41

Noǎ aa gbeǐ nii nì a ni.” È u tùa Ɔ kɛ̀ɛn u je, “Ä se gblà nynoo jlǔ! Äa Gbeǐi do ä kɔnʼɔ sosǒ Nɔ̀ moo Nyesoa!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:52

A wɔ̀le je ba sà kɛě Nyesoaa wnɔsàɔpoo nyuu doo nynɛ̌ ɔ̈ kɔn tè aa gbeǐpò seaa mɔ̀ tè le? U dedbǎe nyopòǒ le ü tmɔɔ̌a nuu seela tǐ jleě ɛ̈ kwɛɛǒo Nyesoaa Jebo Siǐn Nyu Ɔ̈ mia lěe diba Ɔɔ tè jleě mǒ bo. È tà Ɔmo Nyuǒ Ɔ diěe, a mu ǎ sàě Ɔ bo demǒ ǎ poo Ɔ mnùngma.

1 Tɛseloniǎ 2:14

Ně bǐì Tentǎn Jǔu wǎn ane, dɛɛ doǒ kpalaa tùɔn klě Nyesoa nyopò mɔ̀ klě Jùdǐa wakǎ kɛn ü kɔnʼɔ tè wlò popoɛ klě Tentǎn Jǔ mǒ, nɛ̀à kpa tùɔn keǒ amo kuodakwɛ̌ mɔ̀. Ke kɔn do umo Jùwɛ nyo u nuu ǔ jěe sònwɛ klě uu chɛ̀ɛ blětà nyo kwete mǒ, kě a nu ke ǎ jě sònwɛ klě aa blětà nyo kwete mǒ.

Hiblǔ 11:4

Tè wlò popoɛǒ nɛ̀ǒ Ebò kɔna ɔ̌ piea tɛɛ chɔ̀no keǒ Nyesoa mɔ̀ ɛ̌ sìnʼaǒ Keèn mǒ. Tà Nyesoa boɔlaa dɛ keǒ Ebòo nyee noǎǒ jleě mǒ, ɛ mooa ɔɔ tè wlò popoɛ ɔ kɔnaa ɛɛ tè nɛ̀ kɔn tèǒ Ɔ daea Ebò jebo siǐn nyu. Kàan tè ɔ kǒa le, kɛɛ tè wlò popoɛɛ doǒ nɛ̀ nu ɛ kekɛɛ ɔ̌ boɛɛ̌ jè wien klě jɔkɛn.

Hiblǔ 12:24

A diɔ Jùsu mɔ̀ Ɔ̈ neǒo Nyesoaa kuo win jajle klee tùonyopo pǎnpe. A diɔ Jùsuu nymɔà gblɛ̀ɛ le mɔ̀ ɛ̈ boɛɛ tɛɛ win ɛ̈ sìnʼǒo Ebòo nymɔ mǒ.

1 Pitɛ̌ 4:4

Klě tǐà wlòmo tà aǎ bee se Nyesoa ji nyoǒ kɛn keǒ ba nee se wòn mɔ̀ɔ wɛ̀ kmɔ̌ǒ, nɛ̀ kɔn tè ɛ kɛɛn u wlò le plě u pe a fla wan.

1 Jɔ̀ɔ̌n 3:8

Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:11

Nyesoa miě uu plɔ tu kɛn bo maěma. Mɛ̌oǒ joo nɛ̀ moo uu kmɔ̌ǒ u nee ɛ wǒ je kmɔ̌ Keèn neaa. U kpa chìnchin keǒ bu nu kenkan dɛɛ doǒ Belìan nuaa keǒ bɔ mǐaa wlě fòfoa jě. U sɛ̀ɛǒ Nyesoaa tè le wòje dɛǒ Kowlà nuaa, è u mi gbè sùeba klě tǔnʼu doǒ wlòmo.

Wlɛ̀velesɔ̌n 17:6

Ě jěa nynɔǒ Nyesoaa nyopòo nymɔɔ nmɔ nia nɔ klee nyopòà tmɛɛ̌ nee nyopò tùu Jùsuu tè uu nymɔ ke. Tà Ě keaǒo gblà nynɔǒ mɔ̀ bo chè, ì kàeaǎ le wan chɔɔ.