1 Jɔ̀ɔ̌n 3:10 - Nyesoaa Kuo Win Jajle

¹⁰ Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.

1 Jɔ̀ɔ̌n 3:10 ပူးပေါင်းရင်းမြစ်များ

Matiɔ̌n 13:38

È chè fòɛǒ nɛ̀ nynaǒ kmɔ̌à pènmo bo, è kouǒ nɛ̀ nynaǒ nyopòà pènmo bo ü neěe Nyesoaa win kwa konkɔn bobo, è nenanyɔǒ nɛ̀ nynaǒ kǔu jlǔ pènmo bo.

Lǔkù 6:35

A bɔ̌ ɛ nunuɛ, a noɛɛ aa jlae nyo mǒ, a nu u kàan dɛ mǒ plě a nye u noǎ aǎ pɛ̀n bu ja i de le kělɔ a mɔ̀, è a mi snǒ sàe dɛ fòɛ kɔnma klee a mǐ Ja Tmɔ Nyesoaa jlǔ tù. Mɛ̌oǒ joo nɛ̀ moo Nyesoa ni kàan dɛ keǒ nyopòà mɔ̀ üǔ pe Ɔɔ tàto klee dɛ kukǔ nu nyo.

Jɔ̀ɔ̌n 1:12

Kɛɛ nyopò wùɛ ü mi Ɔɔ jebo kmema plě ü mi Ɔɔ tè kàan tè poba, Ɔ mi u kpě nyema keǒ bu moo Nyesoaa jlǔ.

Jɔ̀ɔ̌n 11:52

È ɛ sea uu do sosǒ, kɛɛ ɛ mooa Bɔ poaǒ Nyesoaa jlǔ wùɛ tàa do ke ü wlɛ̀ɛ kmɔ̌à kɛn bo.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Jɔ̀ɔ̌n 8:47

Nyesoaa jlǔ wɛ̌n tèǒ Nyesoa boɛɛ le. Kɛɛ a se Nyesoaa jlǔ, nɛ̀ kɔn tè aǎ po Ɔɔ win nɔkǔ jebo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:10

kě ɔ dɛ̌a ɔ je ɔ je, “Mòo kǔu jǔ, mòo kàan dɛ wùɛ ɛɛ jlae nyu! Noǎ kukwǐi doědoe ii kplakplǒ nɛ̀ jiěè měne, mò ɔɔ̌ bɔ̌ dɛ keǒ bɔ sàǒ Koɔnʼɔ mǒ slɛɛ̌ dɛ snǔ mɔ̀!

Wlǔmɔ 13:8

Aǎ beblěe tùgbe kwa le, ɛ̀ sìnʼǒ tùgbaa do ba beblě lee kwa le nɛ̀ moo mǒ nonoɛɛa. Nyu wùɛ ɔ̈ mii nyopò tùu mǒ noɛɛma, è Nyesoaa teteǎǒ ɔ tùiǒ bo.

Ifisiɛ̌n 5:1

Nyesoa noɛ a mǒ no keà Ɔɔ jlǔ, nɛ̀ kɔn tè a kɔn ba tɛ̀n ɛ mǒ ba nu dɛ bɛ wǒ Ɔ je.

Klasɔ̌n 3:14

Mǒ noɛnoɛ nɛ̀ bɛ pɛnʼǒ dɛ wùɛ dlǒ mǒ bo. Mǒ noɛnoɛ nɛ̀ ni nyopò wùɛ ǔ kenkmeeǒ mɔ̀ ble kpǎkpǎ.

1 Timɛtě 1:5

Dɛ kɔn tè Ě tmɛɛ̌ mòo dɛà nɛ̀ moo u mǐ nyopò tùu mǒ noɛɛ ne ɛ̈ sonwɛ lěe wlèà snǎ lěe kɛn le mǒ klee kàan tè le jbojbɛ mǒ plě klee uu tè wlò popoɛ mǐ ɛ nynɛ̌ sɛ̀n.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.

1 Jɔ̀ɔ̌n 3:1

Ba jě ke äa Gbeǐ Nyesoa nu ämoo mǒ noɛɛa, dɛǒ nɛ̀ nu ɛ Ɔ̌ dɛɛ ä Ɔɔ jlǔ. Dɛǒ nɛ̀ ä mono! Dɛ kɔn tè dɛ kukǔ nyoǒ neěe kmɔ̌ wlòmo uǔ kme ämoo jebo nɛ̀ moo uǔ kme Nyesoa jebo.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

1 Jɔ̀ɔ̌n 4:21

Dɛà nɛ̀ moo tè Nyesoa tmɔɔ̌ ämo ɛ̈ moo nyu wùɛ ɔ̈ mi Ɔɔ mǒ noɛɛma bɔ noɛɛ nyopò tùu mǒ.

1 Jɔ̀ɔ̌n 4:6

Kɛɛ ämoà ä sɔnʼě mǒ Nyesoa mɔ̀, nyu wùɛà jii Nyesoa ɔ pe ä jebo nɔkǔ. Nyu wùɛà seǒo Nyesoa mɔ̀ mǒ sɔn ɔɔ̌ po äa win nɔkǔ jebo. Dɛǒ nɛ̀ ä jbee Nyesoaa kàan Sùsu klee sùsuà gbee lee nyopò mǒ.

1 Jɔ̀ɔ̌n 4:8

Nyesoa Nɔ̀ moo mǒ noɛnoɛɛ Mǎ, ii tè nyu wùɛ ɔ̈ see nyopò tùu mǒ noɛɛ ne, ɔ se Nyesoa ji.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

1 Jɔ̀ɔ̌n 5:2

Bä noɛɛ Nyesoa mǒ, è dɛà Ɔ tmɛɛ̌ ämoo ä tùiǒ ɛ bo. Dɛǒ nɛ̀ bä nu, è ä ji ɛle ɛ̈ moo ä noɛɛ Nyesoaa jlǔ mǒ no.

3 Jɔ̀ɔ̌n 1:11

Ně mǒ noɛɛ nyu, nyuà nii kàan dɛ ɔ sɔnʼě mǒ Nyesoa mɔ̀, kɛɛ nyuà nii dɛ kukǔ ɔ sěɛ Nyesoa jě, ii tè nè sɛ̀ě dɛ kukǔu fì le, kɛɛ sàě kàan dɛɛ fì le.