1 Jɔ̀ɔ̌n 2:8 - Nyesoaa Kuo Win Jajle

⁸ Kɛɛ Ě chlě ɛɛ dɛ jajlo ke keǒ a mɔ̀. Ɛɛ kàan dɛ ɛ̈ neě ɛɛ mǒ nyopò jě ɛle klě Tentǎn Jǔu kmɔ̌ neneɛ mǒ klee klě aa chɛ̀ mǒ. Mɛ̌oǒ joo nɛ̀ moo kwijlěǒ a nea lěe slè ɛ sìn ni klě tǐà wlòmo, è kàan pepě diě le ɛ̌ fɛn ɛ̌ wɛ̀ mɔ̀le.

1 Jɔ̀ɔ̌n 2:8 ပူးပေါင်းရင်းမြစ်များ

Matiɔ̌n 4:16

ü neěe kwijlě slè u miǎ Pepě Fòɛǒ jěba. Pepěǒ Ɛ mǐǎ fɔnma keǒ nyopòǒ mɔ̀ ü neěe kokoɛ̌ɛ kwijlě blǒǒ kɛn.” (Is 9.1-2)

Lǔkù 1:79

Bɛ fɔɔn nyopòà dlǒ ü neěe kwijlě slè plě ü neěe kokoɛ̌ɛ sùsu bobo. Pepěǒ nɛ̀ mi ä fɛ snǔǒ mɔ̀ naama ɛ̈ miěe ně bo wnawnaa tùɔn kɛn.”

Jɔ̀ɔ̌n 1:9

Ɛmo kàan Pepěǒ nɛ̀ moo Nyuà Ɔ̈ diɔɔ kmɔ̌ɔ mɔ̀ keǒ Bɔ̈ fɔɔnʼǒo nyopò wùɛ dlǒ.

Jɔ̀ɔ̌n 12:35

È Jùsu tùa u kɛ̀ɛn Ɔ je, “Pepěà Ɛ miɔ a slè nema klě tǐ pɛ̀ti gbei wlòmo. Tèǒ nì kɔn tè tà Pepěǒ Ɛ neě jèɔ amoo slè, a na Ɛ měne ɛ̈ di ɛɛ numa kwijlě ně di a jǐ mǒ be. Bɛ̌ nu nyu wùɛ bɔ̌ ke kwijlě mǒ nɛ, ɔ se tà ɔ miěe ji.

Jɔ̀ɔ̌n 12:46

Mǒà Mǒ moo Pepě Ɔ diɔ kmɔ̌ɔ mɔ̀. Ii tè nyu wùɛ ɔ̈ mi Něe tè kàan tè poba ɔ seě kwijlě slè bo nema mu.

Jɔ̀ɔ̌n 13:34

Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.

Jɔ̀ɔ̌n 8:12

Ɛ kɔna tà tɔ̀ɔ u wǒaǒo de Jùsu boɛaěe nyopòǒ mɔ̀, kě Ɔ dɛ̌a Ɔ je, “Mǒà Mǒ moo Pepě keǒ kmɔ̌ ne tùonyopo mɔ̀, nyu wùɛ ɔ̈ mi Mǒo mɔ̀ nama ɔ seǎě kwijlě slè le nama mu kpe, kɛɛ ɔ mi Pepě kɔnma ɛ̈ nyee nyu kmɔ̌ siee fònfno.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:30

Klě tǐǒ sìin wlòmo ɛmo se dɛ ji kmɔ̌ taeǒ Nyesoa blɛa ɛ jleě le, kɛɛ klě tǐà ä neěe wlòmo Ɔ sòɛ nyopò wùɛ ü nee tà wùɛ bu bitǐ uu wlè bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:18

mì uu jǐ kna, mì u bo dawlǎ mìě u kwijlě slè sà, mìɔ u pepě mǒ ja plě mìě u Setɛ̀nʼɛ kpě bobo sà ɔ̈ monoo sìsi kukwǐi klɔ̀ba, mìɔ u Nyesoa mɔ̀ ja ɛ̈ di ɛɛ numa u mǐ tè wlò popoɛ kɔn klěě mǒ. Klě ɛmo dɛǒ mǒ uu kpni kukwǐi tè mǐ wlò le poo lo u mǐ tùɔn kɔn klě nyopòǒ Nyesoa nuu jebo siǐn nyo mǒ slè.’

Wlǔmɔ 13:12

Tǒnʼà ɛ di dlǒ chlɛ̀baà, è chnɛ̀ gbà le muǎa, tèǒ nì kɔn tè bä bɔ̌ noǎ kukwǐ nunuɛ plě bä po äa chɛ̀ Nyesoaa to noǎa měne ä mǐ dɛ kukǔ je wɔ̀n.

2 Kwnɛtiɛ̌ 8:9

Bi beě a wlòmo ke Koɔn Jùsu Tentǎn Jǔ nu Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ konkɔn keǒ a mɔ̀, kàan tè Ɔ pàna ne, kɛɛ sònwɛ ni Ɔ keǒ aa tè mɔ̀ ɛ̈ di ɛɛ numa a mǐ pònpan Sùsu kɔn.

Ifisiɛ̌n 5:8

A ne pnɔě kwijlě slè, kɛɛ klě tǐà wlòmo a kɔn tè wlò popoɛ klě Koɔn mǒ, nɛ̀ nu ɛ ǎ neě pepě slè. A ne kmɔ̌ wòje Nyesoaa jlǔ.

2 Timɛtě 1:10

È Nyesoa tee ä Ɔɔ wlòo jlajlǎ dɛ le ɛ̈ Ɔ kɔnʼɔ keǒ ä mɔ̀. Ke Ɔ nu ɛɛ nunuɛ nɛ̀à, Tentǎn Jǔ Jùsu Ɔ̈ moo äa Wowa Nyu Nɔ̀ diɔ kmɔ̌ɔ mɔ̀ Ɔ̌ sùe kokoɛ̌ɛ kpě gbè klee Ɔ̌ nye ä Nyesoaa kàan tuposà ɛ̈ poo kmɔ̌ sie fònfno pepě mǒ keǒ ä mɔ̀.

1 Pitɛ̌ 1:21

Tentǎn Jǔ Nɔ̀ nu ɛ ǎ kɔn wlò kpaea klě Nyesoa mǒ Ɔ̈ dǔa Ɔɔ jemǒ Ɔ̈ sàlaě Ɔɔ kǒla mǒ Ɔ̌ nyea Ɔ tè jǐ boaboǎ ɛ̈ di ɛɛ numa a mǐ Ɔmo Nyesoa wlò kpae le klee a mǐ Ɔ wlò je kuun nu.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.

1 Jɔ̀ɔ̌n 4:11

Ně mǒ noɛɛ nyopò ane, bɛ̌ nu bo Nyesoa Bɔ̌ nu bo ä mǒ noɛnoɛ, è bä nonoɛɛ měne ke.

1 Jɔ̀ɔ̌n 4:21

Dɛà nɛ̀ moo tè Nyesoa tmɔɔ̌ ämo ɛ̈ moo nyu wùɛ ɔ̈ mi Ɔɔ mǒ noɛɛma bɔ noɛɛ nyopò tùu mǒ.