1 Jɔ̀ɔ̌n 2:7 - Nyesoaa Kuo Win Jajle

⁷ Ně mǒ noɛɛ nyopò ane, ɛ se tetě jajlo bo chlě ɛ keǒ a mɔ̀, kɛɛ tetě dakǎa do a kɔnaa sɔɔnʼě ɛɛ wlò tùla mǒ nɛ̀à. Ɛmo tetě dakǎǒ nɛ̀ moo tuposàǒ a wɔ̌naa.

1 Jɔ̀ɔ̌n 2:7 ပူးပေါင်းရင်းမြစ်များ

Matiɔ̌n 5:43

È Jùsu kpɛɛa Ɔɔ win nya Ɔ je, “Dɛà nɛ̀ nyopò dǔa a tmɔɔ̌a mǒ ɛ̈ moo, ‘Noɛɛ nè nenawa mǒ, kɛɛ faen nè jlae nyo.’ (Lev 19.18)

Jɔ̀ɔ̌n 13:34

Tèǒ nì kɔn tè klě tǐà wlòmo tetě jajloà nɛ̀ Ě tmɛɛ̌ amo, a nonoɛɛ měne. Aa měne nonoɛɛ bɛ wǒ je keà Ě nu amoo mǒ noɛɛa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:19

Ii tè u dǔa ɔ mǒ ǔ kpalaě ɔ togbeeǒ u dɛɛ Masè dlǒ tà Kwlǐki nyo wɛ̀ɛě de ǔ tùii tè, è kě u dɛ̌a ɔ je u je, “Ä jlɛ̌ bä jbo ɛmo teea jajloà le ɛ̈ jà lěe ɛ̈ kɔn tè bòɛɛ lee kɛn.

Hiblǔ 6:9

Ně mǒ noɛɛ nyopò ane, kàan tè kě ä ni imo tèà boɔboɔ, äa chɛ̀ ä ji ɛle tɛɛ ɛ̈ moo a kɔn wowa dɛ, dɛǒ nɛ̀ kɔn tè a kɔn kàan ngmna.

1 Jɔ̀ɔ̌n 2:24

Sɔɔnʼě ɛɛ wlò tùla mǒ tèǒ a wɔ̌na lěe Tentǎn Jǔ jleě mǒ a poǒ jè ii tè kàan tè. Bɛ̌ nu bǎ nu ɛ, è a klee Nyesoaa Jǔ klee Nyesoa Ɔ̈ moo äa Gbeǐ a miǒ tàa do nama.

1 Jɔ̀ɔ̌n 3:11

Sɔɔnʼě ɛɛ wlò tùla mǒ a wɔ̌na winʼi doǒ lo ɛ̈ moo bä nonoɛɛ měne.

1 Jɔ̀ɔ̌n 3:2

Ně mǒ noɛɛ nyopò ane, klě tǐà wlòmo ä moo Nyesoaa jlǔ plě Ɔ sěɛ ɛ pepě mǒ pe keǒ ä mɔ̀ ke tae ä miǎa nema, kɛɛ ä ji ɛle ɛ̈ moo bɛ̌ nu bo Tentǎn Jǔ Bɔ̌ tbaeǎ je, ä miǎ Ɔ jěba wòje tǔnʼǒ Ɔ neěe wlòmo, tèǒ nì kɔn tè ä miǎ Ɔ je wǒba.

1 Jɔ̀ɔ̌n 3:21

Ně mǒ noɛɛ nyopò ane, ke ɛ toon jleě mǒ bo äa wlògbai iǐ jɛɛ ämoo tè, ä kɔn wlò je kunkuɛn keǒ Ɔ jemǒ.

1 Jɔ̀ɔ̌n 3:23

Nyesoaa win Ɔ tmɛɛ̌ ämoo nì moo bä po Ɔɔ Jǔǒ Ɔɔ nynɛ̌ɛ tè kàan tè Ɔ̈ moo Tentǎn Jǔ Jùsu plě bä nonoɛɛ měne wòje keǒ Jùsu nu ämoo tmɔɔ̌a.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

1 Jɔ̀ɔ̌n 4:11

Ně mǒ noɛɛ nyopò ane, bɛ̌ nu bo Nyesoa Bɔ̌ nu bo ä mǒ noɛnoɛ, è bä nonoɛɛ měne ke.

1 Jɔ̀ɔ̌n 4:21

Dɛà nɛ̀ moo tè Nyesoa tmɔɔ̌ ämo ɛ̈ moo nyu wùɛ ɔ̈ mi Ɔɔ mǒ noɛɛma bɔ noɛɛ nyopò tùu mǒ.

1 Jɔ̀ɔ̌n 4:7

Ně mǒ noɛɛ nyopò ane, mǒ noɛnoɛ sɔnʼě mǒ Nyesoa mɔ̀, è nyu wùɛ ɔ̈ mii nyopò tùu mǒ noɛɛma, ɔ moo Nyesoaa jǔ plě ɔ̌ ji Nyesoa. Ii tè bä nonoɛɛ měne.