1 Jɔ̀ɔ̌n 2:5 - Nyesoaa Kuo Win Jajle

⁵ Nyu wùɛ ɔ̈ miǒ Ɔɔ win tùba, ɔmo nyuǒ ɔɔ mǒ noɛnoɛ keǒ Ɔ mɔ̀ ɛ wɛ̀ě le je kàan tè. Dɛǒ nɛ̀ kɔn mǒ ä jiiě ɛ ɛ̈ moo ɔmo nyuǒ ɔ ne kmɔ̌ keǒ Nyesoa mɔ̀ kàan tè.

1 Jɔ̀ɔ̌n 2:5 ပူးပေါင်းရင်းမြစ်များ

Lǔkù 11:28

È kě Jùsu dǎla ɔ je Ɔ je, “Sɛjesɛ nyopòà wɛ̌nʼɛ Nyesoaa win plě ü tùiě ii bo ɛ moo ngmna kpɛntɛɛ̌ fòɛ keǒ u mɔ̀.”

Jɔ̀ɔ̌n 14:21

È nyopòà ü noɛɛ Mǒo mǒ nù moo nyopò ü blěe Ně teteǎǒ kwa klee ü tùiǒ ii bo. Ně Gbeǐ mi nyu wùɛ ɔ̈ noɛɛ Mǒo mǒ mǒ noɛɛma plě Ě mi nyuǒ mǒ noɛɛma ke Ě mǐ Ně chɛ̀ pepě mǒ po keǒ ɔmo nyuǒ mɔ̀.”

Jɔ̀ɔ̌n 14:23

È Jùsu tùa ɔ kɛ̀ɛn Ɔ je, “Bɛ̌ nu nyu bɔ̌ noɛɛ neě mǒ ɔ tùiǒ Ně teteǎ bo, è Ně Gbeǐ mi ɔ mǒ noɛɛma, è Mǒ klee Ně Gbeǐ Ä miě ɔ mɔ̀ diba Ä miě tǐn.

Jɔ̀ɔ̌n 15:5

Mǒà Mǒ tuǒ ɛ nynaǒ pènmo bo, è amo ɛɛ beǒ ï sɔɔnʼǒ ɛ jleě měne i nynaǒ pènmo bo. Nyu wùɛ ɔ̈ miǒ Mǒo jleě mǒ nema, Ě miǒ ɔ jleě mǒ nema, è ɔ miě ɛ wɔ̀ba keǒ bɔ nu noǎ fòfoa keǒ Nyesoa mɔ̀, kɛɛ Bo seǒ mǎ, aa do a slě wɔ̀ ba nu dɛ keǒ aa chɛ̀ mɔ̀.

Jɔ̀ɔ̌n 6:56

nyu wùɛ ɔ̈ mi Něe fǒ diba plě ɔ̈ mi Něe nymɔ nǎma ɔ miěě mǒ nema plě Ě miě ɔ mǒ ne.

Wlǔmɔ 8:1

È dɛ äa wùɛ ä jboo le nɛ̀ moo nyopòà poo Jùsu Tentǎn Jǔu tè kàan tè, Nyesoa se u gbè sùeba mu.

1 Kwnɛtiɛ̌ 1:30

Nyesoa Nɔ̀ jaě amo a klee Tentǎn Jǔ Jùsu ǎ nu dɛɛ do Ɔ̌ nye ä tɔ̀n klě Tentǎn Jǔ mǒ, è plě Ɔ̌ nu ä jebo siǐn nyo klee ngmà je ne nyo mǒ plě Nɔ̀ gblà ämo klě kpni kukwǐi plɔɔ tu kɛn bo maěa bobo klě Ɔ mǒ.

2 Kwnɛtiɛ̌ 5:17

Tèǒ nì kɔn tè bo nyu bɔ̌ kɔn tè wlò popoɛ klě Tentǎn Jǔ mǒ, ɔ moo nyejajlo, kmɔ̌ dakǎǒ ɔ niaa ɛ sìn ni, kmɔ̌ jajlo nɛ̀ tùu wlò klě ɔ mǒ.

2 Kwnɛtiɛ̌ 5:21

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Jìmǐse 2:22

È nè jěe lɛ ɛ̈ moo ɔɔ tè wlò popoɛ klee kàan dɛ i beaǒ tàa do, ii tè dɛǒ ɔ nuaa nɛ̀ nua ɔɔ tè wlò popoɛ ɛ̌ wɛ̀aě jele kpǎkpǎ.

1 Jɔ̀ɔ̌n 3:24

Nyu wùɛà tùiǒo Nyesoaa teteǎ ɔ neeě Nyesoa mǒ plě Nyesoa neeě ɔ mǒ. Ke ä nu ɛɛ jijiɛ ɛ̈ moo Nyesoa neɔ ä mǒ no nɛ̀ moo Ngmà Je Ne Sùsuǒ Ɔ nye ämoo Nɛ̀ nu ɛ ä ji ɛ.

1 Jɔ̀ɔ̌n 4:17

Dɛ kɔn tè Nyesoa nu Ɔɔ mǒ noɛnoɛ ɛ wɛ̀ lěe jele kělɔ ä slè nɛ̀ moo ɛ̈ di ɛɛ numa ä miǎ wlò je kunkuɛn kɔn klě blilǐ tù chnɛ̀ jlǒ waěǒ mɔ̀. Äa kmɔ̌ neneɛ snǎě le mɔ̀ wòje keǒ Tentǎn Jǔ nuaa, ii tè ä miǎ wlò je kunkuɛn kɔnma.

1 Jɔ̀ɔ̌n 4:18

Bo Nyesoa Bɔ̌ noɛɛ neè mǒ, sè kɔn mì fano pe, kɛɛ Ɔɔ mɔ̀le snǎ mǒ noɛnoɛ sàà mǒ fano keǒ plɔɔ tu kɛn bo maěa mɔ̀. Plɔɔ tu kɛn bo maěa jɛě fano, ii tè nyu wùɛà kɔnʼɔ fano keǒ Nyesoa mɔ̀, ɛ sɛ̀n nynɛ̌ Nyesoa se ɔ mǒ noɛɛ ne.

1 Jɔ̀ɔ̌n 5:2

Bä noɛɛ Nyesoa mǒ, è dɛà Ɔ tmɛɛ̌ ämoo ä tùiǒ ɛ bo. Dɛǒ nɛ̀ bä nu, è ä ji ɛle ɛ̈ moo ä noɛɛ Nyesoaa jlǔ mǒ no.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.

2 Jɔ̀ɔ̌n 1:6

Bɛ̌ nu bä noɛɛ Nyesoa mǒ, è ä ni dɛ Ɔ tmɛɛ̌ ämoo no. Sɔɔnʼě ɛɛ wlò tùla mǒ tetěe doǒ a wɔ̌naa nɛ̀à, ba nonoɛɛ měne.

Wlɛ̀velesɔ̌n 12:17

È dɔsmɛ nɔ̀ǒ bea jlo měne chɔɔ keǒ nynɔǒ mɔ̀, ii tè ɔ mua ɔ̌ tòala to keǒ nynɔǒ ɔɔ jlǔu jlǔ tùu mɔ̀ ü tùiǒo dɛà Nyesoa tmɛɛ̌ uu bo klee ü nii Jùsuu sàse dɛ keǒ nyopò tùu mɔ̀.

Wlɛ̀velesɔ̌n 14:12

Dɛǒ nɛ̀ kɔn tè Nyesoaa nyopòà ü tùiǒ Ɔɔ teteǎ ble plě ü kɔnʼɔ tè wlò popoɛ klě Jùsu mǒ u kɔn bu nyna ɛ jebo ɛ̈ di ɛɛ numa uǔ diǒ ɛ jleě mǒ kplɛɛ le plě Ɔɔ̌ se lu ù kɛn po keǒ plɔɔ tu kɛn bo maěa mɔ̀.