1 Jɔ̀ɔ̌n 2:23 - Nyesoaa Kuo Win Jajle

²³ Nyu wùɛ ɔ̈ mi Ɔɔ Jǔǒ jleě mǒ sàba, è Ɔɔ Gbeǐǒ ɔ sà jleě mɔ̀ ke. Nyu wùɛ ɔ̈ mii Jǔǒ jebo kmema, è Ɔɔ Gbeǐǒ ɔ kme jebo ke.

1 Jɔ̀ɔ̌n 2:23 ပူးပေါင်းရင်းမြစ်များ

Matiɔ̌n 11:27

È kě Ɔ dɛ̌a nyopòǒ je Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do, è nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 10:30

Ně Gbeǐ klee Mǒ Ä moo dɛɛ do.”

Jɔ̀ɔ̌n 16:3

U se Gbeǐ ji plě u se Ně chɛ̀ ji, tèǒ nì kɔn tè dɛǒ nɛ̀ u mi numa.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 5:23

ɛ̈ di ɛɛ numa nyu wùɛ miǒ Jǔà tù keǒ u nii ǔ tùiǒo Nyesoa Ɔ̈ monoo Gbeǐ. È nyu wùɛ ɔ̈ seǒo Jǔ tù, ɔ seǒ Gbeǐ tù ke Ɔ̈ dboo Jǔà.

Jɔ̀ɔ̌n 8:19

È u gbɛ̀a Ɔ wan u je, “È tà Gbèǐ neě kɛ?” È Jùsu tùa u kɛ̀ɛn Ɔ je, “A se Mǒ klee Ně Gbeǐ ji. Bɛ̌ nu bǎ jii Mǒ, è a mii Ně Gbeǐ jiba ke.”

1 Jɔ̀ɔ̌n 2:22

È mɔ monoǒ kɛ sen le tmɔ̌ nyu de? Ɛ moo nyu wùɛ ɔ̈ chnɛ̀ nii mǒ ɛ̈ moo Jùsu se Tentǎn Jǔ Ɔ̈ Nyesoa peea lěe Bɔ dboaa Ɔ̈ mǐaa tùonyopo gblà klě uu kpni kukwǐi plɔɔ tu kɛn bo maěa bobo. Nyu taeǒ ɔ moo Tentǎn Jǔu jlae nyu plě ɔ sà äa Gbeǐ Nyesoa jleě mɔ̀ klee Ɔɔ Jǔ.

1 Jɔ̀ɔ̌n 4:15

Nyu wùɛà mi nii kàan tè poba ɔ̈ boɛ lii ɛ̈ moo Jùsu moo Nyesoaa Jǔ, Nyesoa neeě ɔ mǒ no plě ɔ̌ neeě Nyesoa mǒ.

1 Jɔ̀ɔ̌n 4:2

Dɛ a wɔ̀le je ba jboo loo Nyesoaa Sùsu nɛ̀ moo nyu wùɛà mi ɛ boɔba ɛ̈ moo Jùsu Tentǎn Jǔ diiaě tùonyugbe tǔn wlòmo, ɔ kɔn Sùsuǒ lo Ɛ̈ sɔn lěe Nyesoa mɔ̀ mǒ.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.