1 Jɔ̀ɔ̌n 2:2 - Nyesoaa Kuo Win Jajle

² Jùsuu chɛ̀ Nɔ̀ sàe äa kpni kukwǐi tùgba, ɛ̈ see äa kpni kukwǐi do, kɛɛ keǒ nyopò wùɛɛ kpni kukwǐ mɔ̀ ü neɔɔ kmɔ̌ɔ mɔ̀ ke.

1 Jɔ̀ɔ̌n 2:2 ပူးပေါင်းရင်းမြစ်များ

Lǔkù 14:22

Tà nyebajloǒ ɔ diaa de, è kě ɔ dɛ̌a ɔ je, ‘Nyefòɛ, dɛ wùɛà jè bo nuu Ě nu ɛ ne, kɛɛ fɔ̌ neě jèà keǒ nyopò fòfoa mɔ̀.’

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 12:32

È bɛ̌ nu bǔ sàǒǒ blǒ mɔ̀ bǔ poǒ jɔ mǒ, Ě mi nyopò pɛpɛ wùɛ chlìba kělɔ Ně chɛ̀ mɔ̀.”

Jɔ̀ɔ̌n 4:42

È nyopòǒ u tmɔɔ̌a nynɔǒ u je, “Ä po Ɔɔ tè kàan tè, ɛ se bò tmɔɔ̌ ämo ɛɛ doǒ ɛɛ tè. Ä wɔ̌n dɛ Ɔ boɔɔ lo äa chɛ̀, ii tè ä po Ɔɔ tè kàan tè plě ä ji ɛle sɛjesɛ Nɔ̀ moo Wowa Nyu keǒ kmɔ̌ɔ nyopòà mɔ̀.”

Hiblǔ 2:17

Tèǒ nì kɔn tè Jùsu kɔn Bɔ wǒa Ɔɔ mamǔpò je klě wakǎ wùɛ mǒ ɛ̈ di ɛɛ numa Ɔ mǐa Nyesoaa konkwa nu keà Bodiɔ Ɔ̈ kɔnʼɔ wɔle je jbojbɛ klee Ɔ̈ moo Wlò Kpae Nyu keǒ u mɔ̀ ɛ̈ di ɛɛ numa Nyesoa mǐ uu kpni kukwǐi tè wlò le poo lo.

1 Pitɛ̌ 2:24

Tentǎn Jǔu chɛ̀ Nɔ̀ blěa äa kpni kukwǐ gbɛ̀ɛ keǒ pète bɛ̌ tu jleě ɛ̈ di ɛɛ numa ä mǐ dɛ kukǔ nunuɛ bɔ̌ ä mǐ jebo siǐn kmɔ̌ ne. Noǎǒ tbaea Ɔɔ le nì pean ämo.

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 3:5

A ji ɛle ɛ̈ moo Tentǎn Jǔ diě keǒ Bɔ poo äa kpni kukwǐi tè wlò le plě a ji ɛle ɛ̈ moo Ɔɔ̌ nu kpni kukwǐ.

1 Jɔ̀ɔ̌n 4:10

Mǒ noɛnoɛǒ neě ɛɛ mǒ ɛ se bä noɛɛ Nyesoa mǒ, kɛɛ ɛ moo Nyesoa Ɔ̌ noɛɛ ä mǒ, ii tè Ɔ dbo Ɔɔ Jǔ keǒ Bɔ moo äa kpni kukwǐi Chɔ̀no.

1 Jɔ̀ɔ̌n 4:14

Äa chɛ̀ ä jě Nyesoaa Jǔǒ lo plě ä moo sàsepo keǒ nyopò tùu mɔ̀ ɛ̈ moo Nyesoa Ɔ̈ moo äa Gbeǐ Ɔ dbo Ɔɔ Jǔ Ɔ mǐ tùonyopo gblà klě uu kpni kukwǐi plɔ tu kɛn bo maěa bobo.

1 Jɔ̀ɔ̌n 5:19

Ä ji ɛle ɛ̈ moo ä moo Nyesoaa jlǔ, è kmɔ̌ wùɛà ɛ neě kǔu win kwa konkɔn bobo.

Wlɛ̀velesɔ̌n 12:9

Dɔsmɛ fòɛǒ ǔ sàlaě ɔ jɔkɛn. Nɔ̀ moo smɛ kpaklǎà u dɛɛ kǔ ɔ̀ɔ̌ Setɛ̀n ɔ̈ boo kmɔ̌ wùɛà mǒ. U tuǔnʼa lɔɔ klee ɔɔ nablewa blǒ mɔ̀.