1 Jɔ̀ɔ̌n 2:18 - Nyesoaa Kuo Win Jajle

¹⁸ Ně jlǔ ale, demǒ bɔɔ̌ tǐ nìà ä neě wlòmo. A wɛ̌na i ni ɛ̈ moo Tentǎn Jǔu jlae nyu diě le, uu fòfoa ne kɛn tùɔn ɛ̌ wɛ̀ mɔ̀le. Dɛǒ nɛ̀ kɔn mǒ ä jiiě ɛ ɛ̈ moo demǒ bɔɔ̌ tǐ nìà ä neě wlòmo.

1 Jɔ̀ɔ̌n 2:18 ပူးပေါင်းရင်းမြစ်များ

Matiɔ̌n 24:11

Sen wnɔsàɔpo fòfoa nù miǎě diba u miǎ nyopò fòfoa mǒ boo lo.

Matiɔ̌n 24:24

Mɛ kɔɔ̌n tèǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Matiɔ̌n 24:5

Mɛ̌oǒ joo nɛ̀ moo nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, ‘Ämoà ämo moo Nyesoaa Tentǎn Jǔ.’ U mǐǎ nyopò fòfoa mǒ boo lo.

Mǎkè 13:6

Nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, u moo Nyesoaa Tentǎn Jǔ. U mǐǎ nyopò fòfoa mǒ boo lo.

Jɔ̀ɔ̌n 21:5

È Jùsu pnaěaě jɔ mǒ Ɔ̌ gbɛ̀a u wan Ɔ je, “Ně mɔ̀niapo ale, a sěɛ kɛ dɛ jě le?” U tùa Ɔ kɛ̀ɛn u je, “Dɛɛ̌dɛ̀ɛ wùɛ nɛ̀ ä sěɛ jě.”

Wlǔmɔ 13:11

Ke ɛ toon jleě mǒ bo tǐà ä neěe wlòmo ǐ monoo tǐ keǒ kokǒ nyoo jeměne duduɛ̌ mɔ̀ plě ǐ monoo tǐ keǒ äa wowa dɛ mɔ̀ ɛ̈ kɔn tǐ mǎa jebo ɛ̈ sìnʼǒo tǐǒ ä poaa kàan tè mǒ, dɛǒ nɛ̀ sɛjesɛ ba nu.

Wlǔmɔ 13:12

Tǒnʼà ɛ di dlǒ chlɛ̀baà, è chnɛ̀ gbà le muǎa, tèǒ nì kɔn tè bä bɔ̌ noǎ kukwǐ nunuɛ plě bä po äa chɛ̀ Nyesoaa to noǎa měne ä mǐ dɛ kukǔ je wɔ̀n.

Hiblǔ 1:2

kɛɛ klě demǒ bɔɔ̌ tǐà wlòmo Ɔ boɛě ä mɔ̀ klě Ɔɔ Jǔ mǒ Ɔ̈ Ɔ mii win kwa kɔn Nyu mǒ numa keǒ tùonyopo klee noǎ wùɛ mɔ̀. Nɔ̀ kɔn mǒ Nyesoa nuuě kmɔ̌ wùɛà.

1 Pitɛ̌ 1:20

Plě Nyesoa mǐa kmɔ̌à ɛɛ nunuɛ wlò tù, Tentǎn Jǔ Nɔ̀ Ɔɔ chɛ̀ tbala Bɔ̈ nua ɛmo konkwaà, kɛɛ Nyesoa po Ɔ pepě mǒ keǒ aa tè mɔ̀ klě kmɔ̌à ɛɛ demǒ bɔɔ̌ chnɛ̀ jlǒ wě wlòmo.

1 Pitɛ̌ 1:5

Tè wlò popoɛǒ a kɔnʼɔ klě Tentǎn Jǔ mǒ nɛ̀ nu ɛ Nyesoaa kpě ǐ tùi a jǐ mɔ̀ ɛ mǐ ɛ kpa kpa a mǐ gblàgbla kɔn ɛ̈ wɛ̀ɛ mɔ̀le ɛ̈ mǐi pepě mǒ be klě kmɔ̌ɔ dlǒ chlɛ̀ɛa mǒ.

1 Pitɛ̌ 4:7

Noǎ wùɛ mi dlǒ chlɛ̀ba pase, tèǒ nì kɔn tè aa dlǒ le sìɛnsiɛn bɛ snǎě mɔ̀le klee a jiǒ aa chɛ̀ɛ wlò mɔ̀ kwa bleblɛ̌ ɛ̈ di ɛɛ numa a miě ɛ wɔ̀ a miě Nyesoa mɔ̀ boɔboɔ ji tɛɛ.

2 Pitɛ̌ 2:1

Klě tǐǒ sìnʼaa wlòmo ɛ kɔna sen le tmɔ̌ wnɔsàɔpo ü nea lěe nyopò slè wòje ke ɛ mii numa ke sen le tmɔ̌ tee nyo miě amoo slè ne. U mi je wɛ̌ba u miě gbè sùe win ja klě a slè. U mi Koɔn mɔ̀ chnɛ̀maa chɛ̀ Ɔ̈ gblà luu klě uu kpni kukwǐ slè, dɛǒ nɛ̀ mi ɛ numa Nyesoa mǐ u gbè sùe kekǎ kekǎ.

2 Pitɛ̌ 3:3

Klekle dɛ ba jboo le nɛ̀ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo, nyopòà pee Nyesoa dɛ pà kɛn u miǎě diba, u nɛ uu chɛ̀ɛ noǎ kukwǐi jlajlǎ dɛ de.

1 Jɔ̀ɔ̌n 2:22

È mɔ monoǒ kɛ sen le tmɔ̌ nyu de? Ɛ moo nyu wùɛ ɔ̈ chnɛ̀ nii mǒ ɛ̈ moo Jùsu se Tentǎn Jǔ Ɔ̈ Nyesoa peea lěe Bɔ dboaa Ɔ̈ mǐaa tùonyopo gblà klě uu kpni kukwǐi plɔɔ tu kɛn bo maěa bobo. Nyu taeǒ ɔ moo Tentǎn Jǔu jlae nyu plě ɔ sà äa Gbeǐ Nyesoa jleě mɔ̀ klee Ɔɔ Jǔ.

1 Jɔ̀ɔ̌n 4:1

Ně mǒ noɛɛ nyopò ane, aǎ pe nyu wùɛɛ tè kàan tè ɔ̈ dɛ̌ bòo ɛ̈ moo ɔ kɔn Ngmà Je Ne Sùsu, kɛɛ ba tɛ̀n ɔ mǒ a mǐ ɛ jě bɛ̌ nu bo Sùsuǒ Bɛ̌ sɔnʼě Nyesoa mɔ̀ mǒ. Dɛ ɛ nuu nɛ̀ moo sen le tmɔ̌ wnɔsàɔpo fòfoa nù neɔ kmɔ̌ɔ mɔ̀.

1 Jɔ̀ɔ̌n 4:3

Kɛɛ nyu wùɛà chnɛ̀ nii mǒ keǒ Jùsu Bɔ diiě tǔnʼǒ wlòmo, ɔ se Sùsuǒ kɔn Ɛ̈ sonwɛ lěe Nyesoa mɔ̀ mǒ. Ɛmo sùsu taeǒ ɛ sɔnʼě mǒ Tentǎn Jǔu jlae nyu mɔ̀ ɔ̈ moo kǔ. A wɔ̌na ini ɛ̈ moo Tentǎn Jǔu jlae nyu miǎě diba, klě tǐà wlòmo u neɔ kmɔ̌ɔ mɔ̀ no.

2 Jɔ̀ɔ̌n 1:7

Nyopò fòfoa neɔ kmɔ̌ɔ mɔ̀ u gbee lee nyopò tùu mǒ. U tmɛɛ̌ u ɛ̈ moo Jùsu slě tùonyugbe tǔn wlòmo dii li. Nyu taeǒ kɔn ka ne bòo je ɔ moo nyopò mǒ boo nyu plě ɔ̌ moo Tentǎn Jǔu jlae nyu.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:18

U tmɔɔ̌a ane ɛ̈ moo klě demǒ bɔɔ̌ chnɛ̀ jlǒ wě wlòmo ɛ miǎ nyopò kɔnma ü miǎ amoo pà kɛn poba klee ü miǎ uu chɛ̀ɛ noǎ kukwǐi jlajlǎ dɛ de nama.