Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Jɔ̀ɔ̌n 2:16 - Nyesoaa Kuo Win Jajle

16 Mɛ̌oǒ joo nɛ̀ moo noǎ wùɛà neɔɔ kmɔ̌ɔ mɔ̀, jà blǒ fǒo kpni kukwǐi jlajlǎ dɛ klee jě dɛ bɛ kɔnʼɔ̀ tǒn klee dɛ konkɔnʼɔ de jaě sùsu, imoǒ i slě Nyesoa mɔ̀ mǒ sɔn Ɔ̈ moo äa Gbeǐ, kɛɛ i sɔnʼě mǒ kmɔ̌ǒ wlòmo.

အခန်းကိုကြည့်ပါ။ ကော်ပီ




1 Jɔ̀ɔ̌n 2:16
34 ပူးပေါင်းရင်းမြစ်များ  

Ii tè kǔ dǔa Ɔ mǒ de ɔ̌ kpalaě Ɔ togbee fòɛ dlǒ ɔ̌ tea Lɔ kmɔ̌ɔ deplě wùɛɛ win kwa konkɔn je le klee ii pònpan noǎ klee kpě.


Kɛɛ Ě tmɛɛ̌ ane, nyu wùɛ ɔ̈ mii nynɔ jěba ɔ̈ kɔn wlò mii waba keǒ ɔ mɔ̀, ɔ nu wlawleǒ lo ɛ̌ wɛ̀ mɔ̀le klě ɔɔ wlò jleě.


È kǔ dǔa Ɔ mǒ de ɔ̌ kpalaě Ɔ ja tmɔ tà ɔ̌ tea Lɔ kmɔ̌ɔ deplě wùɛɛ win kwa konkɔn je le klě jǐi kapǒa wlòmo.


kɛɛ dɛ ba nuu nɛ̀ moo a poě aa chɛ̀ Koɔn Jùsu Tentǎn Jǔ kwete mǒ, a bɔ̌ dɛ kukǔu dlǒ le sìɛnsiɛn tǐ wùɛ mɔ̀.


Noǎǒ kpalaa tùɔn nì tmɛɛ̌ kekɛɛ ämo ɛ̈ di ɛɛ numa äǎ di noǎ kukwǐi dlǒ le sìɛnsiɛn doǒ kɔn wòje ke u nuaa.


Dɛà tùonyugbee kpni kukwǐ kmɔ̌ǒ neě ɔɔ mǒ ɛ poo ble ɛ wɛ̀n Ngmà Je Ne Sùsuu dɛ Ɛ jlɛ̌ɛ je, è dɛǒ Ngmà Je Ne Sùsu jlɛ̌ɛ ɛ wɛ̀n dɛǒ tùonyugbee kmɔ̌ jlɛ̌ɛ je. Ii sɔ̌n wùɛǒ i tetbɛɛě le kɛn, nɛ̀ ni ɛ kàan dɛà a jlɛ̌ ba nuu aǎ nu ɛ.


Nyopòà kɔn lěe Jùsu Tentǎn Jǔ mɔ̀ u bɔ̌ uu kpni kukwǐ kmɔ̌ǒ de nena ne klee ɛɛ noǎ kukwǐ wùɛ ɛ jlɛ̌ɛ.


Sɛjesɛ klě tǐǒ sìin wlòmo plě ä mǐa tè wlò popoɛ kɔn keǒ uu ka nee je kě äa wùɛ äa ka nea je. Noǎ kukwǐà äa kpni kukwǐ kmɔ̌ jlɛ̌ɛ nì ä kwɛa mɔ̀le ä nia dɛ wùɛ äa fǒ klee dlǒ le sìɛnsiɛn jlɛ̌ bä nuaa. Ɛmo kmɔ̌ taeǒ ä neaa, Nyesoaa plɔ tu kɛn bo maěa blɛɛa ä je wòje keǒ nyu wùɛɛ ka nee je.


Ɔ tee ɛ ä le keǒ bä tɛ äa se Nyesoa ji kmɔ̌à bo klee kmɔ̌ɔ noǎ ä jlɛ̌ɛ, è bä jiǒ äa chɛ̀ɛ wlò mɔ̀ kwa bleblɛ̌ klee bä siǐnʼǒ jebo plě klě tǐà wlòmo bä nee Nyesoa dɛ kmɔ̌ kělɔ kmɔ̌à ä neɔɔ mɔ̀


Bi beěè wlò jleě ä moo pnɔ nyopòà kɔn plɔ kǒaa klee üǔ tùaǒo Nyesoa bo. U booa ä mǒ no plě ä mooa kèiapo keǒ kmɔ̌ kukǔu jlajlǎ dɛ wùɛ mɔ̀ klee ɛɛ plɔɔ bloo noǎa doědoe. Ä nea pnɔě kmɔ̌ kukǔ slè klee chea nunuɛ, ä fonfaea ne plě nyopò tùu faenʼa ämo ke.


È ɛmo tɔ̀n taeǒ ɛ slě Nyesoa mɔ̀ mǒ sɔn, kɛɛ ɛ sɔn lě mǒ kmɔ̌ wlòmo klee klě a mǒ plě klee klě kǔ mɔ̀.


Kɛɛ aǎ nu ɛ, a jɛɛě aa chɛ̀ le plě ǎ boɛ win fòe le. Ii wùɛǒ i moo dɛ kukǔ.


A tùǒ Nyesoa bo wòje Ɔɔ jlǔ, è aǎ ne kmɔ̌ kukǔǒ a ne pnɔɔ plě ǎ jii kàan dɛɛ tè.


Ně mǒ noɛɛ nyopò ane, Ě bɛ̀te ale, ɛ̈ kɔn amo monoo dakpě klee nyopò se lɔɔ kmɔ̌ɔ mɔ̀ kɔn, ba sà kpni kukwǐ jleě mɔ̀ ï kpɛ amoo to mɔ̀.


Sɛjesɛ Nyesoa mɛɛ̌ǒ nyopòà uu plɔ tu kɛn bo ü uu kpni kukwǐi jlajlǎ dɛ kɔnʼɔ win kwa plě ü sɛ̀ɛǒo Nyesoaa kpěe tè le. Nyopò taeǒ u kun le je plě ǔ jɛɛě uu chɛ̀ le plě uǔ pe fanoo chɛ̀ keǒ bu po najiǒpò fla wan.


U pe wun fòe le ɛ̈ see dɛ mǒ ne klee u ni tùonyuu jlajlǎ dɛ kukǔ ǔ sɛ̀ǒ nyopò Nyesoa demǒ ü kèke u tùi Nyesoa dɛ wlò bü plùu luu nyopòǒ neěe kpni kukwǐ slè je.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ