1 Jɔ̀ɔ̌n 2:14 - Nyesoaa Kuo Win Jajle

¹⁴ Ně jlǔ ale, dɛ kɔn tè Ě chleě amoo mɔ̀ nɛ̀ moo a ji Nyesoa le Ɔ̈ moo äa Gbeǐ. Ně gbeǐpò ale, dɛ kɔn tè Ě chleě amoo mɔ̀ nɛ̀ moo a ji Nyesoa le Ɔ̈ moo äa Gbeǐ. Nyengmè ale, dɛ kɔn tè Ě chleě amoo mɔ̀ nɛ̀ moo aa tè wlò popoɛ ne kɛn kbě plě Nyesoaa win neě a mǒ plě ǎ du kǔ wan.

1 Jɔ̀ɔ̌n 2:14 ပူးပေါင်းရင်းမြစ်များ

Jɔ̀ɔ̌n 15:7

Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

Jɔ̀ɔ̌n 5:38

Ɔɔ winʼà a seǒ i bo tù. Mɛ̌oǒ joo nɛ̀ moo a se Nyuà Ɔ dboo Ɔɔ tè kàan tè po.

Jɔ̀ɔ̌n 8:31

È kě Jùsu dɛ̌a Jùwɛ nyoǒ poa Ɔɔ tè kàan tè je Ɔ je, “Bɛ̌ nu bǎ keǒ winʼà Ě tee amoo bo tùi, è sɛjesɛ amo moo Ně mɔ̀ na nyo.

Jɔ̀ɔ̌n 8:37

Ě ji ɛle a moo Eblɛ̌hɛ̀moo jlǔu jlǔ, kɛɛ a tɛ̀n ɛ mǒ kaǒ keǒ ba dbǎ Mǒ. Mɛ̌oǒ joo nɛ̀ moo aǎ jbo winʼà Ě tee amoo le.

Ifisiɛ̌n 6:10

Dɛà nɛ̀ moo ně win wɔ̀ɔn popoɛ, aa tè wlò popoɛ bɛ ne kbě kɛn klě Koɔn mǒ, a nu Ɔɔ kbě kɛne kpě.

Flepiɛ̌n 4:13

Bo Tentǎn Jǔà nye mǒo kpě Bɔ̌ sɛ̀ɛ leě mǒ, è Ě wɔ̀le ɛle keǒ bo nu dɛ wùɛ.

Klasɔ̌n 1:11

Ä bɛ̀te Nyesoa Ɔ mǐ a kbě nye ï sonwɛě Ɔɔ tè jǐ boaboǎ kpě wlòmo ɛ̈ di ɛɛ numa a miě ɛ wɔ̀ keǒ ba nyna dɛ wùɛ jebo klě wlò dbadbǎ klee chǒn mǒ.

Klasɔ̌n 3:16

Nɛ bo Tentǎn Jǔu win bi neě a mǒ. A nu Nyesoaa tɔ̀n wùɛ a mǐ tetee le klee a miǒ snǔ mɔ̀le popoo lo. A ble Sàǎmʼa wleǎ klee wleǎ tìi, jà wleǎà Ngmà Je Ne Sùsu nɛɛ nee, a blee Nyesoa mɔ̀le klě chǒn le nunuɛ mǒ.

2 Timɛtě 2:1

Keǒ mòà mɔ̀ ɔ̈ moo něe jǔ, nɛ bo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒò mɔ̀ bɛ poò kbě ja le.

Hiblǔ 8:10

“Dɛà nɛ̀ moo kuo win Ě miǎ poba klě Ǐsòwɛ̌ kwɛɛn mɔ̀ klě kmɔ̌ɔ nya ɛ̈ moo, Ě miě Ně teteǎ klě uu dlě wlòmo poba klee Ě miě i ùu wlè jleě chlě ɛ̈ di ɛɛ numa Ě mǐ uu Nyesoa tù, u mǐ Ně nyopò tù.

1 Jɔ̀ɔ̌n 1:1

Ä chleě a mɔ̀ ɛ̈ kwɛɛǒo Nyuà u dɛɛ Win Ɔɔ tè jleě mǒ bo Ɔ̈ nye ämoo kmɔ̌ sie fònfno. Sɔɔnʼě kmɔ̌ɔ wlò tùla mǒ Ɔ nea kmɔ̌. Äa chɛ̀ ä wɔ̌na Ɔɔ win ä kpalaǒ Ɔ jleě mɔ̀ plě ä jěa Ɔ, ä nua äa sonwe ä tǒa Ɔ le.

1 Jɔ̀ɔ̌n 1:10

Bɛ̌ nu bä dǎ bò ɛ̈ moo ä sěɛlǎ kpni kukwǐ ni, è ä nu Ɔ mǒ sen le tmɔ̌ nyu, è Ɔɔ winʼà iǐ sàǒ ä dɛ jleě mǒ.

1 Jɔ̀ɔ̌n 2:13

Ně gbeǐpò ale, dɛ kɔn tè Ě chleě amoo mɔ̀ nɛ̀ moo a ji Tentǎn Jǔ lu Ɔ̈ neaa kmɔ̌ sɔɔnʼě ɛɛ wlò tùla mǒ. Nyengmè ale, dɛ kɔn tè Ě chleě amoo mɔ̀ ke nɛ̀ moo a du kǔ wan.

2 Jɔ̀ɔ̌n 1:2

Nyesoaa kàan dɛà neɔ ämoo mǒ plě ɛ̈ miɔ ämoo mǒ bo nema ke ɛ mii jleě mǒ bo tonma, nɛ̀ mi ä numa ä mǐ a mǒ noɛɛ ne.

3 Jɔ̀ɔ̌n 1:3

Tà ně nenawa tùu dia lěe u tmɔɔ̌a mǒo ke nùu Nyesoaa kàan dɛ wlò kpaea plě è nee ɛɛ kmɔ̌, ně plɔ bloa chɔɔ.

Wlɛ̀velesɔ̌n 2:3

A kɔn wlò dbadbǎ plě ǎ jě sònwɛ keǒ Ně tè mɔ̀, a sěɛ seɛ kaǒ.

Wlɛ̀velesɔ̌n 2:7

Nyu wùɛ bɔ̈ kɔn nɔkǔ, è bɔ po dɛǒ Nyesoaa Sùsu boɛɛ nɔkǔ jebo klě Tentǎn Jǔu wǎnʼa tàkpɛ̌ǒ mɔ̀. Nyopò wùɛà mii duduɛ kɔnma, nù Ě mi tu buoǒ neěe Nyesoaa bò fòɛ mǒ nyema u mǐ ɛ di, ɛ̈ nyee nyu kmɔ̌ sie fònfno.”