1 Jɔ̀ɔ̌n 2:12 - Nyesoaa Kuo Win Jajle

¹² Ně jlǔ ale, dɛ kɔn tè Ě chleě amoo mɔ̀ nɛ̀ moo aa kpni kukwǐi tè poo le wlò klě Tentǎn Jǔu nynɛ̌ wlòmo.

1 Jɔ̀ɔ̌n 2:12 ပူးပေါင်းရင်းမြစ်များ

Lǔkù 24:47

È kě imo winʼǒ i dɛ̌a ke ɛ̈ moo, ‘Ba boɔ Jùsuu tè dakɔ̌ wùɛ je, ba tmɔɔ̌ u bu bitǐ uu wlè bo, Nyesoa mǐ uu kpni kukwǐi tè wlò le poo lo.’ Ɛmo dɛǒ klě Jlǔsnɛ klě bǎ tùuě ɛ wlò.

Lǔkù 5:20

Tà Jùsu jěa uu tè wlò popoɛ taeǒ, kě Ɔ dɛ̌a Ɔ je, “Ně nenawai, Ě poo nè kpni kukwǐi tè le wlò.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:43

Nyesoaa wnɔsàɔpo wùɛ sèsae i le kɛn ï kwɛɛǒ Ɔɔ jleě mǒ bo seela tǐ jleě ɛ̈ moo nyu wùɛ ɔ̈ mi Ɔɔ tè kàan tè poba ɔɔ kpni kukwǐi tè mi wlò le pooba klě Ɔɔ nynɛ̌ wlòmo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:38

Ně nyopò ane, a blɛɛ je ba ji ɛ ɛ̈ moo ä pe a je kàan tuposà ɛ̈ moo Nyesoa mi aa kpni kukwǐi tè wlò le pooba klě Jùsu mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:12

Nyu wùɛ slě wɔ̀ bɔ nye nyu tɔ̀ɔ wowa dɛ, ɛ̀ sìnʼǒ Jùsuu do. Mɛ̌oǒ joo nɛ̀ moo ɛ se nynɛ̌ wùɛ kɔn kělɔ kmɔ̌ɔ mɔ̀ ɛ̈ Nyesoa nyee tùonyugbe bɛ̈ wa ämoo klě äa kpni kukwǐi plɔɔ tu kɛn bo maěa slè.”

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Ifisiɛ̌n 1:7

Bɛ̌ nu bä kɔn tè wlò popoɛ klě Tentǎn Jǔ mǒ, è ä wan mǒ dbǐ klě plɔɔ tu kɛn bo maěa bobo plě Nyesoa poo äa kpni kukwǐi tè wlò le keǒ Tentǎn Jǔ Bɔ koǒǒ äa tà. Dɛǒ nɛ̀ moo Nyesoaa wlòlekaen wlòo jlajlǎ dɛ ɛ̈ɛ̌ sà Lɔɔ wlò kǔ mǒ

Ifisiɛ̌n 4:32

A tbɛ imo noǎǒ kɛn, a nu kàan dɛ a miě tè mɔ̀ konkɔɔ no. Ba popoo tè wlò le wòje keǒ Tentǎn Jǔ nu aa tè wlò le pooa.

Klasɔ̌n 1:14

Klě Ɔɔ Jǔu kokoɛ̌ wlòmo äa kpni kukwǐi tè poo le wlò, dɛǒ nɛ̀ nu ɛ ä wan dbǐ mǒ klě plɔɔ tu kɛn bo maěǒ blɛɛ ämoo je bobo.

1 Jɔ̀ɔ̌n 1:4

ɛ̈ di ɛɛ numa äa plɔ bloblɛ miě jele wɛ̀ tɛɛ. Dɛǒ nɛ̀ kɔn tè ä chlě noǎà ii tè klě a mɔ̀.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 1:9

kɛɛ bɛ̌ nu bä wɔɔn äa kpni kukwǐ je, è Nyesoaà moo Wlò Je Kuun Nyu klee Ɔ̈ kɔn kmɔ̌ slɛɛ̌ mǒo Ɔ mi äa kpni kukwǐi tè wlò le pooba Ɔ miǒ äa seǒ jebo siǐn kmɔ̌ wùɛǒ slè sà.

1 Jɔ̀ɔ̌n 2:1

Ně jlǔ ale, noǎǒ nì kɔn tè Ě chleě a mɔ̀ ɛ̈ di ɛɛ numa aǎ di kpni kukwǐ nu plě a mǐ ɛ ji ɛ̈ moo bɛ̌ nu nyu bɔ̌ nu kpni kukwǐ, ä kɔn Jùsu Tentǎn Jǔ Ɔ̈ moo Jebo Siǐn Nyu Ɔ̈ bɛ̀tee keǒ ä pènmo keǒ Ɔɔ Gbeǐ Nyesoa jemǒ.

1 Jɔ̀ɔ̌n 2:21

Ɛ se bo chleě a mɔ̀ ɛ̈ moo a se Nyesoaa kàan dɛ ji, kɛɛ a ji ɛle plě Ě jlɛ̌ ba ji ɛ ɛ̈ moo sen slě wɔ̀ bi neě kàan dɛǒ slè.

1 Jɔ̀ɔ̌n 2:7

Ně mǒ noɛɛ nyopò ane, ɛ se tetě jajlo bo chlě ɛ keǒ a mɔ̀, kɛɛ tetě dakǎa do a kɔnaa sɔɔnʼě ɛɛ wlò tùla mǒ nɛ̀à. Ɛmo tetě dakǎǒ nɛ̀ moo tuposàǒ a wɔ̌naa.