1 Jɔ̀ɔ̌n 2:1 - Nyesoaa Kuo Win Jajle

¹ Ně jlǔ ale, noǎǒ nì kɔn tè Ě chleě a mɔ̀ ɛ̈ di ɛɛ numa aǎ di kpni kukwǐ nu plě a mǐ ɛ ji ɛ̈ moo bɛ̌ nu nyu bɔ̌ nu kpni kukwǐ, ä kɔn Jùsu Tentǎn Jǔ Ɔ̈ moo Jebo Siǐn Nyu Ɔ̈ bɛ̀tee keǒ ä pènmo keǒ Ɔɔ Gbeǐ Nyesoa jemǒ.

1 Jɔ̀ɔ̌n 2:1 ပူးပေါင်းရင်းမြစ်များ

Lǔkù 10:22

È Jùsu chèa Ɔɔ mɔ̀ na nyoǒ ja Ɔ̌ kpleaǒ je Ɔ̌ tmɔɔ̌a nu, kě Ɔ dɛ̌a Ɔ je, “Ně Gbeǐ nyeě noǎ wùɛ, ii tè nyu wùɛ nɔ̀ seě ji ɛ̀ sìnʼǒ Gbeǐi do. È nyu wùɛ nɔ̀ se Gbeǐ ji ɛ̀ sìnʼǒ Ně do klee nyopòà Ě jlɛ̌ Bo sàe Něe Gbeǐ kwlǎ mǒ.

Jɔ̀ɔ̌n 10:15

wòje keǒ ɛ nuu Ě ji Něe Gbeǐ plě Ně Gbeǐ ji Mǒo. Ě wɔɔn ɛ kɛn keǒ Bo kǒ keǒ blableǎǒ ii tè mɔ̀.

Jɔ̀ɔ̌n 13:33

Ně jlǔ ale, tǐ gbei nì siǒ Ě mǐɔ a slè mǒ sɔn. Dɛà Ě tmɔɔ̌ noo Jùwɛ nyo nɛ̀à Ě tmɛɛ̌ amo, a miǐ le pɔ̀nma, kɛɛ tà Ě miě a seě mumuɛ wɔ̀.

Jɔ̀ɔ̌n 14:16

È Ě mi Ně Gbeǐ wan gbàba Ɔ mǐ Wlò Wlòmo Ble Tùɔ̌ dbo kělɔ a mɔ̀ Ɔ̈ miě amoo mɔ̀ nema tǐ wùɛ mɔ̀.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 21:5

È Jùsu pnaěaě jɔ mǒ Ɔ̌ gbɛ̀a u wan Ɔ je, “Ně mɔ̀niapo ale, a sěɛ kɛ dɛ jě le?” U tùa Ɔ kɛ̀ɛn u je, “Dɛɛ̌dɛ̀ɛ wùɛ nɛ̀ ä sěɛ jě.”

Jɔ̀ɔ̌n 5:14

Tà tǐ gbei sìnʼaa, è Jùsu jɛɛaě jbɛjuǒ klě Nyesoaa kǎ fòɛ bo, kě Ɔ dɛ̌a ɔ je Ɔ je, “Ke ɛ toon jleě mǒ bo klě tǐà wlòmo nè dɛ bɔ̌ɔ dɛ, nè nii kɛ̀ kpni kukwǐ, nɛ̀ bò se nu, tǐ tìi tà dɛ jakǎ miì jebo beeba.”

Jɔ̀ɔ̌n 5:36

Kɛɛ konkwe fòeà Ně Gbeǐ nye Mǒo Bo nuu nì moo sàse fòɛ keǒǒ mɔ̀ ɛ̌ sìnʼǒ Jɔ̀ɔ̌n mǒ. Wlòlekaen noǎà Ě nii nì tee ɛ ɛ̈ moo Ně Gbeǐ Nɔ̀ dbo Mǒ.

Jɔ̀ɔ̌n 6:27

Aǎ ni didi dɛà ɛ̈ mii jǐ le nymima ɛɛ konkwa, kɛɛ a nu Didi Dɛà nyee nyu kmɔ̌ sie fònfnoo konkwa, nɛ̀ Jbɛjuu Jǔà Ɔ mi a nyema. Mɛ̌oǒ joo nɛ̀ moo Ɔɔ Gbeǐ Nyesoa poo ɛ kɛn kòo keǒ Ɔ mɔ̀.”

Jɔ̀ɔ̌n 8:11

È ɔ tùa Ɔ kɛ̀ɛn ɔ je, “Uuǔn, Koɔn.” È kě Jùsu dɛ̌a ɔ je Ɔ je, “Ně chɛ̀à Ě seè kokǒ wun kɛn bɛ̌ba mu, kɛɛ mu, nè niǎ kɛ̀ kpni kukwǐ de.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:52

A wɔ̀le je ba sà kɛě Nyesoaa wnɔsàɔpoo nyuu doo nynɛ̌ ɔ̈ kɔn tè aa gbeǐpò seaa mɔ̀ tè le? U dedbǎe nyopòǒ le ü tmɔɔ̌a nuu seela tǐ jleě ɛ̈ kwɛɛǒo Nyesoaa Jebo Siǐn Nyu Ɔ̈ mia lěe diba Ɔɔ tè jleě mǒ bo. È tà Ɔmo Nyuǒ Ɔ diěe, a mu ǎ sàě Ɔ bo demǒ ǎ poo Ɔ mnùngma.

Wlǔmɔ 5:10

Tǐǒ jleě ä mooa Nyesoaa jlae nyo, Ɔ̀ nu ä mǒ Ɔɔ nenawa ɛ̈ diiěe Ɔɔ Jǔ Jùsuu kokoɛ̌ mǒ. Klě tǐà wlòmo ä moo Ɔɔ mɔ̀niapo ii tè ä ji ɛle sɛjesɛ ɛ̈ moo Ɔɔ Jǔ mi ä waba klě Ɔɔ chɛ̀ɛ fònfno mǒ.

Wlǔmɔ 6:15

Klě tǐà wlòmo ä neě Nyesoaa wlòo jlajlǎ dɛ ɛ̈ɛ̌ sàa wlò kǔ mǒ bobo ä slě teteǎ bobo ne, ɛ sɛ̀n kɛ nynɛ̌ nɛ̀ kɔn tè ä mǐ kpni kukwǐ nu le? Ɛ se bò nu!

Wlǔmɔ 8:34

Mɔ miǐ kɛ ä kokǒ wun kɛn bɛ̌ba? Tentǎn Jǔ Jùsu kǒ keǒ ä mɔ̀ plě ɛ se ɛɛ do, Nyesoa sàě Ɔ kǒla mǒ. È klě tǐà wlòmo Ɔ neeě Nyesoaa dilǎ son mɔ̀ bo Ɔ̌ bɛ̀te keǒ äa tè mɔ̀.

1 Kwnɛtiɛ̌ 15:34

A di aa chɛ̀ mɔ̀ a mǐ kpni kukwǐ bɔ̌. Aa tìe tùu ni dɛ wòje keà nyu see Nyesoa ji, Ě boɛ ili ɛ miǒ a tònwe je po.

2 Kwnɛtiɛ̌ 5:21

Nyesoa nua Tentǎn Jǔà dɛ kukǔ slě mǒ ne keǒ Bɔ wǒa dɛ kukǔ nuɔ keǒ äa tè mɔ̀ ɛ̈ di ɛɛ numa Ɔmo Nyesoa Ɔ mǐ ä jebo siǐn nyo mǒ nu klě Tentǎn Jǔ mǒ.

Kalesiɛ̌n 4:19

Ně jlǔ ale, ɛ moo ɛ blěe chnechně dɛ ɛ̌ neěě fǒ mɔ̀ aa tè wòje keà nynɔ neǒo kmàeaa chnechně noǎa slè ɛ mǐ ɛ kpa kpa Tentǎn Jǔu kmɔ̌ miě a mǒ be.

Ifisiɛ̌n 2:18

Tentǎn Jǔǒ Nɔ̀ kɔn tè Ngmà Je Ne Sùsuu doǒ Ɛ nu ɛ ämo Jùwɛ nyo klee kuodakwɛ̌ ä wɔ̀le ɛ keǒ bä boɔě Nyesoa mɔ̀ Ɔ̈ moo äa Gbeǐ.

Ifisiɛ̌n 4:26

Bɛ̌ nu aa nyu bɔ̌ be jlo měne, ɔɔ̌ ni dɛ kukǔ wòje keǒ Nyesoaa win dɛ̌ɛ. (Ps 4.4) È aǎ pɛɛn jlo popoɛǒ bo

1 Timɛtě 2:5

ɛ̈ moo Nyesoa ne do sosǒ plě Nyuu do sosǒ Nɔ̀ jaě tùonyopo klee Nyesoaa sɔ̌n tàa do, Ɔmo Nyuǒ Nɔ̀ moo Tentǎn Jǔ Jùsu

1 Timɛtě 3:14

Klě tǐà wlòmo ɛ̈ kɔn mǒ chlě imoo noǎà klěè mɔ̀, Ě kuun ɛ je wlò ɛ̈ moo Ě miě diba pase,

Hiblǔ 9:24

Tentǎn Jǔ seaě bleà tùonyopo poo bobo pa ɛ̈ mooa blee chɛ̀ǒ ɛɛ sùsu. Ɔ muě jɔkɛn klě Ɔ neě kekɛɛà keǒ Nyesoa jemǒ Ɔ̌ bɛ̀te keǒ äa tèe tà.

Jìmǐse 1:27

È äa Gbeǐ Nyesoa dɛ Ɔ pɛ̀ɛnʼěe nyopò ja le ü snǎ lěe mɔ̀le kpǎkpǎ plě sɛjesɛ ü moo Ɔɔ nyopò nɛ̀ moo bu sɛ̀ɛ kwiějlu klee kotia nyno měne üà dɛ pɛɛ wan le, è bu tù uu chɛ̀ jǐ mɔ̀ kmɔ̌ɔ noǎ kukwǐ iǐ se u jǐlenymii ni.

Jìmǐse 3:9

Ä ni mɛ ä pe Koɔn klee äa Jɔkɛn Gbeǐi nynɛ̌ le, è ɛmo mɛɛ doǒ nɛ̀ ä ni ä pe nyopò tùu chlǒ mɔ̀ üà Nyesoa nuu ü kɔn nunu kmɔ̌ wǒ Ɔɔ je.

1 Pitɛ̌ 2:22

wòje ke Nyesoaa win dɛ̌ɛ ɛ̈ moo, “Ɔ sea dɛ kukǔ nu plě Ɔ sěɛlǎ sen tmɛ̌.” (Is 53.9)

1 Pitɛ̌ 3:18

Tentǎn Jǔ kǒa waěe do keǒ kpni kukwǐ wùɛɛ tè mɔ̀, Nɔ̀ moo Jebo Siǐn Nyu Ɔ̈ kǒa keǒ ämo se jebo siǐn nyoo tè mɔ̀ ɛ̈ di ɛɛ numa Ɔ miě ä Nyesoa mɔ̀ kpa. U dbǎla Ɔɔ fǒ, kɛɛ Ɔɔ Sùsu neě jè kmɔ̌.

1 Jɔ̀ɔ̌n 3:18

Ně jlǔ ale, äǎ nu wun sosǒ äǎ noɛɛ nyopò měne klee äǎ nu boɔboɔ win, kɛɛ äa nunu kmɔ̌ bɛ tee kàan mǒ noɛnoɛ ke.

1 Jɔ̀ɔ̌n 3:5

A ji ɛle ɛ̈ moo Tentǎn Jǔ diě keǒ Bɔ poo äa kpni kukwǐi tè wlò le plě a ji ɛle ɛ̈ moo Ɔɔ̌ nu kpni kukwǐ.

1 Jɔ̀ɔ̌n 3:7

Ně jlǔ ale, aǎ sonwɛǒ nyu wùɛ mɔ̀ mǒ ɔɔ̌ gbee a mǒ. Nyu wùɛà nii jebo siǐn dɛ ɔ moo jebo siǐn nyu wòje Tentǎn Jǔ.

1 Jɔ̀ɔ̌n 4:4

Ně jlǔ ale, a sɔnʼě mǒ Nyesoa mɔ̀ plě a du Tentǎn Jǔu jlae nyo wan. Mɛ̌oǒ joo nɛ̀ moo Sùsuǒ neě amoo ja Ɛ kun nu Ɛ̌ sìnʼǒ sùsuǒ neěe kmɔ̌ɔ nyopò ja mǒ.

1 Jɔ̀ɔ̌n 5:17

Kenkan dɛ wùɛà nyu nii ɛ moo kpni kukwǐ, kɛɛ kpni kukwǐ neǒ ïǐ kpa lěe nyu kmɔ̌ sie kokoɛ̌ slè.

1 Jɔ̀ɔ̌n 5:21

Ně jlǔ ale, a tmɔɔ aa chɛ̀ nǔkpuǐi wɛ̀ sèsa mɔ̀.

3 Jɔ̀ɔ̌n 1:4

Dɛ nii mǒo chǒn nɛ̀ moo keǒ bo di ɛ wɔ̌n ɛ̈ moo nyopòà Ě jaeɔɔ Koɔn mɔ̀ u nee Nyesoaa kàan dɛ kmɔ̌.