1 Jɔ̀ɔ̌n 1:7 - Nyesoaa Kuo Win Jajle

⁷ Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 1:7 ပူးပေါင်းရင်းမြစ်များ

Matiɔ̌n 6:12

Poo ä dɛ kukǔ ä nii ɛɛ tè wlò le wòje keǒ ä nii nyu bɔ̌ nu ämoo dɛ kukǔ mǒ ä pee ɔɔ tè wlò le.

Jɔ̀ɔ̌n 1:29

Tà chnɛ̀ tɛ̀ɛ gbàlaa le, Jɔ̀ɔ̌n jěa Jùsu Ɔ̌ diaě ɔ mɔ̀, è kě ɔ dɛ̌a ɔ je, “A chèǒ bo, Nyesoaa Blajǔ Ɔ wɔ̀ɔ mɔ̀le keǒ chɔ̀no mɔ̀ keǒ kmɔ̌ɔ nyopòo kpni kukwǐi tè mɔ̀ Nɔ̀à.

Jɔ̀ɔ̌n 12:35

È Jùsu tùa u kɛ̀ɛn Ɔ je, “Pepěà Ɛ miɔ a slè nema klě tǐ pɛ̀ti gbei wlòmo. Tèǒ nì kɔn tè tà Pepěǒ Ɛ neě jèɔ amoo slè, a na Ɛ měne ɛ̈ di ɛɛ numa kwijlě ně di a jǐ mǒ be. Bɛ̌ nu nyu wùɛ bɔ̌ ke kwijlě mǒ nɛ, ɔ se tà ɔ miěe ji.

Jɔ̀ɔ̌n 5:4

Ɛ kɔn tǐ ï Koɔn Nyesoaa najiǒpòi jɛ lěe ɔ̌ tɛkɛ̌ɛ něǒ le, è bɛ̌ nu bɔ̌ takǎ něǒ, nyuǒ mii klekle tùba ɔ̈ miěe pnèe wulǒǒ mɔ̀ beba nɔ̀ kɔn kwɛ̌ mi dɛ bɔ̌ba, kwɛ̌ɛ do tae bɛ jě bɛ tù.

Wlǔmɔ 13:12

Tǒnʼà ɛ di dlǒ chlɛ̀baà, è chnɛ̀ gbà le muǎa, tèǒ nì kɔn tè bä bɔ̌ noǎ kukwǐ nunuɛ plě bä po äa chɛ̀ Nyesoaa to noǎa měne ä mǐ dɛ kukǔ je wɔ̀n.

1 Kwnɛtiɛ̌ 6:11

Aa tìe tùu kmɔ̌ǒ nɛ̀ a ne pnɔě slè plě ǎ bitǐ aa wlè bo, kɛɛ äa Koɔn Jùsu Tentǎn Jǔ klee Nyesoaa Sùsu nì jla amo klě kpni kukwǐ slè nɛ̀ nu a ngmà je ne nyo klee jebo siǐn nyo mǒ klě Nyesoa jǐ kɛn.

Ifisiɛ̌n 1:7

Bɛ̌ nu bä kɔn tè wlò popoɛ klě Tentǎn Jǔ mǒ, è ä wan mǒ dbǐ klě plɔɔ tu kɛn bo maěa bobo plě Nyesoa poo äa kpni kukwǐi tè wlò le keǒ Tentǎn Jǔ Bɔ koǒǒ äa tà. Dɛǒ nɛ̀ moo Nyesoaa wlòlekaen wlòo jlajlǎ dɛ ɛ̈ɛ̌ sà Lɔɔ wlò kǔ mǒ

Ifisiɛ̌n 5:8

A ne pnɔě kwijlě slè, kɛɛ klě tǐà wlòmo a kɔn tè wlò popoɛ klě Koɔn mǒ, nɛ̀ nu ɛ ǎ neě pepě slè. A ne kmɔ̌ wòje Nyesoaa jlǔ.

1 Timɛtě 6:16

Nyesoaa do sosǒ Nɔ̀ se kokoɛ̌ kɔn plě Nɔ̀ neě pepě slè ɛ̈ fɛnʼɛ chɔɔ nyu wùɛ seǒo gbàa nyninynɛ wɔ̀. Nyu wùɛ nɔ̀ sěɛlǎ Nyesoa jě plě nɔ̀ slě wɔ̀ bɔ̈ jě Ɔ. Nɛ Bɔ kɔnʼǒ bo tùtuɛ klee Bɔ kɔn kpě tǐ wùɛ mɔ̀, kě bɛ ne.

Taetɔ̌ 2:14

Tentǎn Jǔ koǒǒ äa tèe tà keǒ ä mǒ dbǐ mǒ wan klě kmɔ̌ kukǔ wùɛ slè plě Ɔ mǐ ä mɔ̀le snǎ nyo mǒ nu ü kɔnʼǒ Ɔɔ mɔ̀ɔ do plě ü kɔn fě nymɛ̌ɛ bü nuu kàan dɛ.

Hiblǔ 9:14

Kɛɛ Tentǎn Jǔu kokoɛ̌ nu dɛ fòɛ keǒ ä mɔ̀ ɛ̌ sìnʼǒ i mǒ. Kmɔ̌ sie Sùsu Nɛ̀ nu Tentǎn Jǔ Ɔ̌ wɔ̀le ɛ keǒ Bɔ nyee Ɔɔ chɛ̀ Nyesoa keǒ Bɔ moo Chɔ̀no Ɛ̈ snǎ lěe mɔ̀le kpǎkpǎ. Ɛmo Chɔ̀noǒ Nɛ̀ snǎě ä mɔ̀le ɛ̈ di ɛɛ numa ä bɔ̌ noǎà nunuɛ ï miě ämoo kmɔ̌ sie kǒla mǒ kpaba, ä mǐ kmɔ̌ ne Nyesoaa konkwa nu.

Jìmǐse 1:17

Kàan klee mɔ̀le snǎ nyee noǎ wùɛ i sonwɛ lě mǒ Nyesoa mɔ̀ Ɔ̈ moo äa Jɔkɛn Gbeǐ Ɔ̈ nuaa pepě ɛ̈ neěe jɔ mǒ plě Ɔ̈ kɔn kmɔ̌ ɛɛ̌ wǒo de le wòje keà wɛnʼɛ sùsu nii.

1 Pitɛ̌ 1:19

kɛɛ Ɔ nua Tentǎn Jǔu nymɔ Ɔ̈ snǎ lěe mɔ̀le wòje blajǔ u dbɛ̌ɛ keǒ Dlǒ Mǒ Sìin Didi Dɛɛ de ngmnengmnɛ̌ mɔ̀ ɔ̈ kɔɔ̌ dɛ klee kɛɛ seǒo jleě mǒ ne.

1 Jɔ̀ɔ̌n 1:3

Dɛà äa chɛ̀ ä jěaa plě ä wɔ̌naa nɛ̀ kɔn tèà ä tmɛɛ̌ amo ɛ̈ di ɛɛ numa a mǐ ä kɛn be ä miǒ tàa do na klě Nyesoa dɛ mǒ Ɔ̈ moo äa Gbeǐ klee Ɔɔ Jǔ Jùsu Tentǎn Jǔ

1 Jɔ̀ɔ̌n 1:5

Tuposàǒ ä wɔ̌na lěe Tentǎn Jǔ wan Ɔ poaa ɛ̈à ä jlɛ̌ bä tmɔɔ̌ amoo nɛ̀ moo Nyesoa moo Pepě, kwijlě slě Ɔ mǒ ne.

1 Jɔ̀ɔ̌n 5:6

Jùsu Tentǎn Jǔ Nɔ̀ moo Nyu Ɔ̈ diɔ ämoo mɔ̀ klě ně dlǒ popoɛ klee Ɔɔ kokoɛ̌ mǒ. Ɔ slě ně dlǒ popoɛɛ do mǒ dii li, kɛɛ Ɔ diiě ně dlǒ popoɛ klee kokoɛ̌ mǒ. Ngmà Je Ne Sùsu Nɛ̀ moo Sàse keǒ ɛ jleě mǒ plě Nɛ̀ tmɛɛ̌ ä kàan tè.

1 Jɔ̀ɔ̌n 5:8

I moo Ngmà Je Ne Sùsu klee ně dlǒ popoɛ klee Tentǎn Jǔu kokoɛ̌, ii tan wùɛǒ i wonwɔɔ kɛn.

2 Jɔ̀ɔ̌n 1:4

Ɛ ni niǐ chǒn chɔɔ bo di ɛ wɔ̌n ɛ̈ moo aa tìe nee äa Gbeǐ Nyesoaa kàan dɛ kmɔ̌ wòje ke Ɔ nu ɛ ämoo tmɔɔ̌a bä nuu.

3 Jɔ̀ɔ̌n 1:4

Dɛ nii mǒo chǒn nɛ̀ moo keǒ bo di ɛ wɔ̌n ɛ̈ moo nyopòà Ě jaeɔɔ Koɔn mɔ̀ u nee Nyesoaa kàan dɛ kmɔ̌.

Wlɛ̀velesɔ̌n 1:5

klee klě Jùsu Tentǎn Jǔ mɔ̀ Ɔ̈ moo wlò kpae Sàse klee klekle Nyu Ɔ̈ sàeěe kǒla mǒ plě Ɔ̈ kɔnʼɔ klɔ̀bapoo wùɛ win kwa ü neɔɔ blǒɔ mɔ̀. Bìsea keǒ Jùsu mɔ̀ keǒ Bɔ di ä mǒ noɛɛ ne Bɔ di ä kpni kukwǐi plɔ tu kɛn bo maěe dbǔ mɔ̀ bɛ̌ ɛ̈ Ɔɔ kokoɛ̌ nuu.

Wlɛ̀velesɔ̌n 12:11

Blajǔu nymɔ klee Nyesoaa win ï u tmɛɛ̌aa nyopò tùu nì u nua ǔ dua lɔ. U pooa uu chɛ̀ɛ fònfno kla kɛn keǒ winʼǒ ii boɔboɔ tè mɔ̀.

Wlɛ̀velesɔ̌n 7:14

Ě tùa ɔ kɛ̀ɛn Ě je, “Kunkunyɔò, Ě se ɛ ji.” È ɔ tmɔɔ̌a mǒ ɔ je, “Nyopòà sɔn lěe tǐ jakě fòeà slè mǒ nùǒò ü jla uu wlawlě klě Blajǔu nymɔ slè i mǐi plɛ̌.