1 Jɔ̀ɔ̌n 1:6 - Nyesoaa Kuo Win Jajle

⁶ Bɛ̌ nu bä nu wiěn Ɔ klee ämo ä nɛǒ tàa do, kɛɛ bä neě kwijlě slè, è dɛǒ ä nii klee tèǒ ä boɛɛ i moo sen ä tmɛ̌ ni.

1 Jɔ̀ɔ̌n 1:6 ပူးပေါင်းရင်းမြစ်များ

Matiɔ̌n 7:22

Klě blilǐ tù chnɛ̀ jlǒ waěǒ wlòmo kě nyopò fòfoa miǎǎ je dǎba, ‘Koɔn, Koɔn, deě ɛ sea kɛ ämo äǎ sàla wan klě Nè nynɛ̌ wlòmo, äǎ sàlaě kǔ sìsi nyopò ja le klě Nè nynɛ̌ wlòmo plě äǎ nua wlòlekaen noǎ fòfoa klě Nè nynɛ̌ wlòmo le?’

Jɔ̀ɔ̌n 11:10

Kɛɛ bɛ̌ nu nyu bɔ̌ keě kwijlě slè le nɛ, ɔ mi bojoɛɛ bòba. Mɛ̌oǒ joo nɛ̀ moo pepě seǒ ne keǒ ɔ mɔ̀.”

Jɔ̀ɔ̌n 12:35

È Jùsu tùa u kɛ̀ɛn Ɔ je, “Pepěà Ɛ miɔ a slè nema klě tǐ pɛ̀ti gbei wlòmo. Tèǒ nì kɔn tè tà Pepěǒ Ɛ neě jèɔ amoo slè, a na Ɛ měne ɛ̈ di ɛɛ numa kwijlě ně di a jǐ mǒ be. Bɛ̌ nu nyu wùɛ bɔ̌ ke kwijlě mǒ nɛ, ɔ se tà ɔ miěe ji.

Jɔ̀ɔ̌n 12:46

Mǒà Mǒ moo Pepě Ɔ diɔ kmɔ̌ɔ mɔ̀. Ii tè nyu wùɛ ɔ̈ mi Něe tè kàan tè poba ɔ seě kwijlě slè bo nema mu.

Jɔ̀ɔ̌n 8:12

Ɛ kɔna tà tɔ̀ɔ u wǒaǒo de Jùsu boɛaěe nyopòǒ mɔ̀, kě Ɔ dɛ̌a Ɔ je, “Mǒà Mǒ moo Pepě keǒ kmɔ̌ ne tùonyopo mɔ̀, nyu wùɛ ɔ̈ mi Mǒo mɔ̀ nama ɔ seǎě kwijlě slè le nama mu kpe, kɛɛ ɔ mi Pepě kɔnma ɛ̈ nyee nyu kmɔ̌ siee fònfno.”

Jɔ̀ɔ̌n 8:55

A se Ɔ ji, kɛɛ Ě ji Ɔlo. Bɛ̌ nu Bo ke bò dɛ̌ ɛ̈ moo Ě se Ɔ ji, è ɛ moo sen Ě tmɛ̌ ni, kɛɛ Ě ji Ɔlo plě Ě tùiǒ Ɔɔ win bo.

1 Timɛtě 4:2

Ɛmo teea taeǒ ɛ sonwɛě mǒ sen le tmɔ̌ ä jěè kɛn ä daà kàan chènyɔ Nyesoa nyo mɔ̀ ü kɔn tèe de jbojbɛ sǔnʼu wòje keà pneě smunǔ siɛnʼɛ dɛ.

Jìmǐse 2:14

Ně bǐì Tentǎn Jǔu wǎn ane, è kàan dɛ tae ɛ miǐ kɛ numa bò nyu bɔ̌ dǎ bò ɛ̈ moo ɔ kɔn tè wlò popoɛ klě Jùsu mǒ, kɛɛ ɔɔ̌ nu kàan dɛ? Tè wlò popoɛ taeǒ ɛ wɔ̀le je bɛ gblà kɛ ɔ lo klě kpni kukwǐ slè le?

Jìmǐse 2:16

bɛ̌ nu aa nyu bɔ̌ dǎ bò ɔ je ɛ̈ moo, “Nyesoa Bɔ poò ngmna mɔ̀, mu fèflɛ bɛɛ̌ pɛɛ̀ fǒ mǒ, mò dɛ di nè kwlě miě jǐ,” è kàan dɛ tae ɛ miǐ kɛ ɔ mǒ numa?

Jìmǐse 2:18

Kɛɛ tǐ tìi tà nyu tɔ̀ɔ mi chɛtlǐiba, kě ɔ miǐ je dǎba ɛ̈ moo, “Mò kɔn tè wlò popoɛ, è mǒà mǒ ni kàan dɛ.” È kě Ě mi ɔ je dǎba ɛ̈ moo, “Tee leě nè tè wlò popoɛǒ ɛ̈ǒ kàan dɛ see debo mǎ, è ně nunu dɛ mi ɛɛ̀ teeba ɛ̈ moo Ě kɔn tè wlò popoɛ.”

1 Jɔ̀ɔ̌n 1:10

Bɛ̌ nu bä dǎ bò ɛ̈ moo ä sěɛlǎ kpni kukwǐ ni, è ä nu Ɔ mǒ sen le tmɔ̌ nyu, è Ɔɔ winʼà iǐ sàǒ ä dɛ jleě mǒ.

1 Jɔ̀ɔ̌n 1:3

Dɛà äa chɛ̀ ä jěaa plě ä wɔ̌naa nɛ̀ kɔn tèà ä tmɛɛ̌ amo ɛ̈ di ɛɛ numa a mǐ ä kɛn be ä miǒ tàa do na klě Nyesoa dɛ mǒ Ɔ̈ moo äa Gbeǐ klee Ɔɔ Jǔ Jùsu Tentǎn Jǔ

1 Jɔ̀ɔ̌n 1:8

Bɛ̌ nu bä nu wiěn ä se kpni kukwǐ nu, è ä gbee äa chɛ̀ mǒ no plě tèǒ ä boɛɛ i se kàan tè,

1 Jɔ̀ɔ̌n 2:4

Nyu wùɛ bɔ̈ nu wiěn ɔ ji Nyesoa le, kɛɛ ɔ̈ɔ̌ tùǒo dɛǒ Ɔ boɛɛ bo, ɔɔ moo sen le tmɔ̌ nyu plě ɔ slě wɔ̀ bɔ boɔ kàan tè.

1 Jɔ̀ɔ̌n 4:20

Bɛ̌ nu bo nyu bɔ̌ nu ɔ noɛɛ Nyesoa mǒ no plě bɔ̌ faen nyu tɔ̀ɔ, ɔ̀ moo sen le tmɔ̌ nyu. Mɛ kɔɔ̌n tèǒ joo nɛ̀ moo bɛ̌ nu bɔ̌ se nyuǒ mǒ noɛɛ ne ɔ̈ ɔ jěe, ɔ slě wɔ̀ bɔ noɛɛ Nyesoa mǒ Ɔ̈ ɔ sěɛlǎa jě.