1 Jɔ̀ɔ̌n 1:3 - Nyesoaa Kuo Win Jajle

³ Dɛà äa chɛ̀ ä jěaa plě ä wɔ̌naa nɛ̀ kɔn tèà ä tmɛɛ̌ amo ɛ̈ di ɛɛ numa a mǐ ä kɛn be ä miǒ tàa do na klě Nyesoa dɛ mǒ Ɔ̈ moo äa Gbeǐ klee Ɔɔ Jǔ Jùsu Tentǎn Jǔ

1 Jɔ̀ɔ̌n 1:3 ပူးပေါင်းရင်းမြစ်များ

Jɔ̀ɔ̌n 17:11

Klě Ě diěè mɔ̀, ii tè Ě see kɛ̀ɔ kmɔ̌ɔ wlòmo nema mu, kɛɛ umoà nù Ě siɔ kmɔ̌ɔ mɔ̀. Tèǒ nì kɔn tè Ngmà Je Ne Gbeǐ, tù nyopòà jǐ mɔ̀ klě Nè nynɛ̌ wlòmo ɛ̈ di ɛɛ numa u mǐ dɛɛ do nu wòje keà Ä nuu Ä nuu dɛɛ do.

Jɔ̀ɔ̌n 17:21

Ě bɛ̀tee le ɛ̈ di ɛɛ numa uu wùɛ u mǐ dɛɛ do nu. Ně Gbeǐ, keà nùu È neeě Mǒo mǒ plě Ě neeě Mòo mǒ, kě bu nu bu neeě Ä mǒ.

Jɔ̀ɔ̌n 17:25

Ně Jebo Siǐn Gbeǐ, kmɔ̌ɔ nyopòà u seè ji, kɛɛ Mǒà Ě jiì li plě nyopòà ǔ ji ɛ ɛ̈ moo Mò dbo Mǒ.

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 19:35

Nyuà ɔ̈ jěaa dɛǒ ɛ̌ kpalaa tùɔn nɔ̀à sèsɛɛ a wlòmo ɛɛ tè. È ɔ ji ili ɛ̈ moo tèǒ ɔ sèsae amoo wlòmo i moo kàan tè ɛ̈ di ɛɛ numa a mǐ Jùsuu tè kàan tè po ke.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:32

Ä tmɛɛ̌ a kàan tuposà ɛ̈ Nyesoa peeaě äa gbeǐpò seela tǐ jleě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:41

‘A tanàle amo se kàan tè po nyoà, bi kàea a wan bo, a kǒ. Mɛ̌oǒ joo nɛ̀ moo Ě mi dɛ tɛ̀ɛ numa klě aa tǐà a nenee kmɔ̌ wlòmo ɛ̈ a see kàan tè popoɛ kɔnma mu kpe, baǎje nyu tɔ̀ɔ bɔ̌ sèsae ɛ kɛn le keǒ a mɔ̀ɔ chɛ̀!’ ” (Hab 1.5)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:42

Klě tǐ fòfoa wlòmo u gbèa le ǔ pea Nyesoaa tuposà kpa nyoǒ uu teea nɔkǔ jebo. Tǐ wùɛ mɔ̀ u klee uu sɔ̌n ǔ beaǒ tàa do ǔ sɛ̀a Nyesoaa wɛ̀ ǔ dia Koɔnʼɔ wìti didi dɛ plě ǔ boɛaě Nyesoa mɔ̀ keǒ tàa do.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:27

Ě tmɔɔ̌ a Nyesoaa kɛn wɔɔn dɛ wùɛ le, Ě se ii dɛ bo si.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:20

Ä se nyopò tùu tmɔɔ̌a bɔ̌ba mu keǒ noǎà ä jěaa plě noǎà ä wɔ̌naa ii tè mɔ̀.”

Wlǔmɔ 15:27

Ɛ moo tùgba ǔ blě ɛ ù mɔ̀ kwa, ii tè uu plɔ bloa le keǒ bu nua nɛ. Ke ɛ toon jleě mǒ bo Jùwɛ nyo klee kuodakwɛ̌ ǔ sèsɛɛ Jùwɛ nyoo Sùsuu ngmna mɔ̀ po noǎ kwete měne, kuodakwɛ̌ klee Jùwɛ nyo bu sèsae umo kuodakwɛ̌ǒ uu konkɔn noǎ kwete měne ke.

1 Kwnɛtiɛ̌ 1:30

Nyesoa Nɔ̀ jaě amo a klee Tentǎn Jǔ Jùsu ǎ nu dɛɛ do Ɔ̌ nye ä tɔ̀n klě Tentǎn Jǔ mǒ, è plě Ɔ̌ nu ä jebo siǐn nyo klee ngmà je ne nyo mǒ plě Nɔ̀ gblà ämo klě kpni kukwǐi plɔɔ tu kɛn bo maěa bobo klě Ɔ mǒ.

1 Kwnɛtiɛ̌ 1:9

Nyesoaà monoo Wlò Kpae Nyu Nɔ̀ da amo keǒ a klee Ɔɔ Jǔ Jùsu Tentǎn Jǔ ba moo nenawa Ɔ̈à moo äa Koɔn.

1 Kwnɛtiɛ̌ 15:1

Ně bǐì Tentǎn Jǔu wǎn ane, Ě jlɛ̌ bi beě a wlò jleě Nyesoaa kàan tuposàà Ě poa amoo je plě a blěaǒo mɔ̀ kwa ɛ̈ a nynaa kɛn bo klě tǐà wlòmo.

2 Kwnɛtiɛ̌ 13:14

Nɛ bo Koɔn Jùsu Tentǎn Jǔu wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ a mɔ̀ klee Nyesoaa mǒ noɛnoɛ plě klee Ngmà Je Ne Sùsuu mǒ nyenymaea bi muu nya keǒ aa wùɛ mɔ̀.

Ifisiɛ̌n 3:6

Ɛmo je wɛ̌ dɛ nɛ̀à, klě Nyesoaa kàan tuposà mǒ kuodakwɛ̌ mi ngmnaa doǒ Jùwɛ nyo kɔnʼɔ kɔnma. Uu wùɛǒ u beě tàa do ǔ nu dɛɛ do wòje fǒ, è kmɔ̌ sie fònfnoǒ Nyesoa peea lěe keǒ nyopòà kɔnʼɔ tè wlò popoɛ klě Tentǎn Jǔ Jùsu mǒ, uu wùɛ u mi ɛ mǒ paěnma.

Flepiɛ̌n 1:7

Baǎje mǒ poo wùlo ɔ̀ɔ̌ mǒ se wùlo poo lo, Ě wɛ̀ɛn kàan tuposàà ɛɛ tè kɛn klee Ě pee ɛ kòo kɛn keǒ nyopò tùu mɔ̀, ɛ wɛɛnʼǒ le keǒ bo nu chǒn keǒ aa tè mɔ̀. Mɛ̌oǒ joo nɛ̀ moo Ě jě ɛ ɛ̈ moo aa wùɛà a klee mǒo sɔ̌n ä moo mɔ̀niapo keǒ konkwa taeà Nyesoa nye mǒo ɛɛ nunuɛ mɔ̀.

Flepiɛ̌n 2:1

Tèǒ nì kɔn tè bɛ̌ nu keǒ a klee Tentǎn Jǔ ba moo dɛɛ do bɛ̌ po a kbě ja le klee Ɔɔ mǒ noɛnoɛ bɛ̌ nye a wlò wlòmo ble tùtuɛ plě a klee Ngmà Je Sùsu bǎ keǒ tàa do be plě bo Nyesoa Bɔ̌ nu kàan keǒ a mɔ̀ klee Bɔ̌ jboa a wɔle je,

Flepiɛ̌n 3:10

Tèǒ nì kɔn tè Ě jlɛ̌ boǒ ji Tentǎn Jǔ klee kpěǒ sàlaě Ɔɔ kǒla mǒ plě Ě jlɛ̌ bo kɔnʼǒ kàan noǎǒ Ɔɔ kokoɛ̌ klee sònwɛ jejeɛ̌ nye ämoo wakǎ jleě mǒ.

Klasɔ̌n 1:13

Nyesoa Nɔ̀ gblà ämo klě kpni kukwǐi kpě bobo Ɔ̌ jaě ämo klě Ɔɔ mǒ noɛɛ Jǔu win kwa konkɔn bobo.

1 Tɛseloniǎ 1:10

U tmɛɛ̌ äne ke a ni Ɔɔ Jǔ Jùsu kɛn mǒ fofoɛ Bɔ sɔn lěe jɔkɛn mǒ Ɔ̈ Nyesoa dǔaa jemǒ Ɔ sàla lěe kǒla mǒ plě Ɔ̈ gblà ämoo klě Nyesoaa jlo bobo ɛ̈ diěe keǒ nyopòo kpni kukwǐ mɔ̀.

1 Timɛtě 6:2

Nyebajle klee nynejlu kɔn chì kpa ämopò monoo Tentǎn Jǔu wǎn, buǔ sɛ̀ɛǒ uu tè le. Mɛ̌oǒ joo nɛ̀ moo u moo uu bǐì wǎn nyo. Bu nuu u konkwa mɔ̀ tɛɛ tɛɛ. Dɛ ɛ nuu nɛ̀ moo uu chì kpa ämopòǒ ü uu kàan konkwaǒ u nii ɛ peǒo dɛ bo, u po Tentǎn Jǔu tè kàan tè plě Nyesoa noɛ u mǒ. Tee imo noǎǒ mì i nyopò je boɔ.

Hiblǔ 2:12

Kě Ɔ dǎ Nyesoa je Ɔ je, “Ě mi Nè nynɛ̌ Ně mamǔpò tmɔɔ̌ma. Ě mi bleba Ě mǐ Nè nynɛ̌ le po keǒ Nè nyopò jemǒ.” (Ps 22.22)

Hiblǔ 3:1

Ii tè ně ngmà je ne Tentǎn Jǔu wǎn ane, amoà Nyesoa daa a po Jùsu nɔkǔ jebo Ɔ̈ moo Nyesoaa tuposà kpa Nyu klee Bodiɔ keǒ äa tè wlò popoɛ mɔ̀ ɛ̈ kɔn tè ä sà lěe wun mǒ.

Hiblǔ 3:14

Bɛ̌ nu bä kme wlò je kunkuɛn ä kɔnaa bo kpankpa sosǒ klě ɛɛ wlò tùla mǒ bɛ̌ kpa ɛ kpa bɛ̌ jɛɛ ɛɛ dlǒ chlɛ̀ɛa mǒ, è ä klee Tentǎn Jǔ ä niǒ tàa do konkwa.

1 Pitɛ̌ 5:1

Ě gbɛ̀ɛ ɛ amo Tentǎn Jǔu wǎnʼa bòlibo wan, ně chɛ̀à Ě moo bòlibopoi plě Ě moo Tentǎn Jǔu sàse keǒ Ɔɔ sònwɛ jejeɛ̌ mɔ̀. Tè jǐ boaboǎǒ Nyesoa mii tàmo sàba pase Ě miǒ ɛ wakǎ jleě mǒ kɔnma.

2 Pitɛ̌ 1:16

Tà ä tmɔɔ̌a amoo ɛ̈ kwɛɛǒo äa Koɔn Jùsu Tentǎn Jǔu kpě klee Ɔɔ de didiɛ jleě mǒ bo, äǎ beaě wlòmene äǎ boɔa dɛ, kɛɛ äa chɛ̀ ä jěa ke Ɔɔ tè nuaa kunkuɛn ne.

1 Jɔ̀ɔ̌n 1:1

Ä chleě a mɔ̀ ɛ̈ kwɛɛǒo Nyuà u dɛɛ Win Ɔɔ tè jleě mǒ bo Ɔ̈ nye ämoo kmɔ̌ sie fònfno. Sɔɔnʼě kmɔ̌ɔ wlò tùla mǒ Ɔ nea kmɔ̌. Äa chɛ̀ ä wɔ̌na Ɔɔ win ä kpalaǒ Ɔ jleě mɔ̀ plě ä jěa Ɔ, ä nua äa sonwe ä tǒa Ɔ le.

1 Jɔ̀ɔ̌n 1:5

Tuposàǒ ä wɔ̌na lěe Tentǎn Jǔ wan Ɔ poaa ɛ̈à ä jlɛ̌ bä tmɔɔ̌ amoo nɛ̀ moo Nyesoa moo Pepě, kwijlě slě Ɔ mǒ ne.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.