1 Jɔ̀ɔ̌n 1:2 - Nyesoaa Kuo Win Jajle

² Tà Ɔ wǒaa tàmo, ä jěa Ɔ lo plě ä ni Ɔɔ sàse dɛ klě tǐà wlòmo klě a mɔ̀, Nɔ̀ kɔn tè ä tmɛɛ̌ amo, Ɔ̈ nye ämoo kmɔ̌ sie fònfno. Ɔ neaě Nyesoa mɔ̀ Ɔ̈ moo äa Gbeǐ plě Nyesoa poa Ɔ pepě mǒ keǒ ä mɔ̀.

1 Jɔ̀ɔ̌n 1:2 ပူးပေါင်းရင်းမြစ်များ

Jɔ̀ɔ̌n 1:18

Nyu wùɛ nɔ̀ sěɛlǎ Nyesoa jě, ɛ̀ sìnʼǒ Nyesoaa Jǔu do Ɔ̈ konwaě Ɔɔ Gbeǐ Nyesoa le Nɔ̀ tee Ɔ ämo.

Jɔ̀ɔ̌n 1:4

È Win Nɔ̀ moo kmɔ̌ sie fònfnoo Mǎ, è Fònfnoǒ Ɛ moo Pepě keǒ tùonyopo mɔ̀.

Jɔ̀ɔ̌n 10:28

Ě nye u kmɔ̌ sie fònfno, tèǒ nì kɔn tè u seǎ gbè sùe kpe plě nyu slě uǔ kwete mǒ sàba mu.

Jɔ̀ɔ̌n 14:6

È Jùsu tùa ɔ kɛ̀ɛn Ɔ je, “Mǒà Mǒ moo Snǔ Ɛ̈ pee kàan tè pepě mǒ keǒ Nyesoa jleě mǒ klee Ɛ̈ nyee tùonyopo kmɔ̌ sie fònfno. Nyu wùɛ slě wɔ̀ bɔ muě Gbeǐ mɔ̀, ɛ̀ sìnʼǒ bɔ̌ diiɔɔ̌ mǒ plě.

Jɔ̀ɔ̌n 15:27

Sɔɔnʼě Ně konkwaa wlò tùla mǒ a klee Mǒo sɔ̌n ä dǔa nena mǒ no, tèǒ nì kɔn tè a mi aa bǐì wlòmo sèsaeba ke keǒ Ně tè mɔ̀.

Jɔ̀ɔ̌n 16:28

Ě siaě Ně Gbeǐ jɔ mǒ Ě dia lɔ kmɔ̌ɔ mɔ̀. È klě tǐà wlòmo Ě sonwɛɔ kmɔ̌ɔ mɔ̀ mǒ no Ě mi de klě Ɔ mɔ̀.”

Jɔ̀ɔ̌n 17:3

Kmɔ̌ sie fònfnoo konkɔn nɛ̀ moo nyu bɔ ji Mò kàan Nyesoa Nè do plě klee Jùsu Tentǎn Jǔà dbòo.

Jɔ̀ɔ̌n 17:5

Ně Gbeǐ, klě tǐà wlòmo nyeě tè jǐ boaboǎ keǒ Nè chɛ̀ jemǒ, tè jǐ boaboǎà Ě kɔnaa plě kmɔ̌à ɛ mǒaa wlò tùu lu.

Jɔ̀ɔ̌n 19:35

Nyuà ɔ̈ jěaa dɛǒ ɛ̌ kpalaa tùɔn nɔ̀à sèsɛɛ a wlòmo ɛɛ tè. È ɔ ji ili ɛ̈ moo tèǒ ɔ sèsae amoo wlòmo i moo kàan tè ɛ̈ di ɛɛ numa a mǐ Jùsuu tè kàan tè po ke.

Jɔ̀ɔ̌n 21:14

Tà Nyesoa dǔaa Jùsu jemǒ Ɔ sɔna lěe kǒla mǒ, dɛǒ nɛ̀ mooa ɛɛ wěe tan nenɛ keǒ Bɔ woǒa Ɔɔ mɔ̀ cheěn nyo je.

Jɔ̀ɔ̌n 3:13

È ɛɛ tee dɛ nɛ̀ moo nyu wùɛ nɔ̀ sěɛlaě jɔkɛn mi, ɛ̀ sìnʼǒ Jbɛjuu Jǔu doà Ɔ̈ sɔn lěe Jɔkɛn mǒ Ɔ̈ diɔɔ wɔ̀ɔn.

Jɔ̀ɔ̌n 7:29

Klě Ɔ mɔ̀ Ě sɔnʼě mǒ, Nɔ̀ dbo Mǒ, ii tè Ě ji Ɔlo.”

Jɔ̀ɔ̌n 8:38

Ě tmɛɛ̌ ane keǒ noǎà Ě jěe klě Ně Gbeǐ mɔ̀ ii tè. Tèǒ nì kɔn tè ba nu noǎ a wɔ̌nʼɔ ï sɔn lě Ɔɔ mɔ̀ mǒ klě tǐà wlòmo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:22

sɔɔnʼě tǐǒ kɔn jleě Jɔ̀ɔ̌n poaa Jùsu ně dlǒ bò jɛ chnɛ̀ jlǒ waěǒ Nyesoa sàla Ɔ ämoo slè Ɔ kpala Ɔɔ jɔkɛn. Nyuǒ ä mii sàba ɔ klee ämoo sɔ̌n mi sàse dɛ numa keǒ Jùsuu jeměne duduɛ̌ tè mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:41

ɛ̈ see nyopò wùɛ, kɛɛ ämoà moo Ɔɔ sàsepo ü Nyesoaa chɛ̀ sàlaa seela ü klee Ɔ diiaǒo tàa do dɛ ü nɛɛ̌aǒo tàa do tà Ɔ sɔna lěe kǒla mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:32

Nyesoa Nɔ̀ dǔa Jùsu jemǒ Ɔ̈ sàlaě Ɔ kǒla mǒ, è äa pɛpɛ wùɛ ä moo sàse keǒ ɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:15

Nyuà Ɔ̈ moo Fònfnoo Wlò Le Tùtuɛ Nɔ̀ a dbǎla, kɛɛ Nyesoa dǔa Ɔ jemǒ Ɔ̌ sàlaě Ɔ kǒla mǒ, äa wùɛà nɛ̀ kɔn sàse dɛ ä ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:32

Ä klee Ngmà Je Ne Sùsuà Nyesoa nyee nyopòà ü tùiǒ Ɔɔ bo ämoà tmɛɛ̌ nyopò tùu noǎà ii tè.”

Wlǔmɔ 8:3

Teteǎ seaě wɔ̀ bi nyea ä kmɔ̌ sie fònfno. Mɛ̌oǒ joo nɛ̀ moo äa tùonyu kmɔ̌à ɛ seaě wɔ̀ bɛ tùaǒ i bo. Tèǒ nì kɔn tè Nyesoa dbo Ɔɔ Jǔu do kělɔ kmɔ̌ɔ mɔ̀ Ɔ̌ poě Ɔ blǒ fǒo tǔn wlòmo wòje keà äa kpni kukwǐi blǒ fǒà ɛɛ ka nee je ɛ̈ di ɛɛ numa Ɔ mǐ chɔ̀no tù keǒ dɛ kukǔ mɔ̀, dɛǒ nɛ̀ kɔn mǒ Nyesoa sùeeě dɛ kukǔ gbè

Kalesiɛ̌n 4:4

Kɛɛ tà tɛɛ tǐ nyniaǒo, Nyesoa dboa Ɔɔ Jǔ. Nynɔ nɔ̀ kmàea Nɔ plě Ɔmo Jǔǒ Ɔ̌ tùiaǒ Nyesoaa teteǎ ble kpǎkpǎ

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

2 Timɛtě 1:10

È Nyesoa tee ä Ɔɔ wlòo jlajlǎ dɛ le ɛ̈ Ɔ kɔnʼɔ keǒ ä mɔ̀. Ke Ɔ nu ɛɛ nunuɛ nɛ̀à, Tentǎn Jǔ Jùsu Ɔ̈ moo äa Wowa Nyu Nɔ̀ diɔ kmɔ̌ɔ mɔ̀ Ɔ̌ sùe kokoɛ̌ɛ kpě gbè klee Ɔ̌ nye ä Nyesoaa kàan tuposà ɛ̈ poo kmɔ̌ sie fònfno pepě mǒ keǒ ä mɔ̀.

Taetɔ̌ 1:2

Tè wlò popoɛ nyna kɛn bo wlò je kuuan keǒ kmɔ̌ sie fònfno mɔ̀ ɛ̈ plě kmɔ̌à ɛ mǐaa wlò tùe Nyesoaà monoo Wlò Kpae Nyesoa Ɔ peeě keǒ ä mɔ̀.

1 Pitɛ̌ 5:1

Ě gbɛ̀ɛ ɛ amo Tentǎn Jǔu wǎnʼa bòlibo wan, ně chɛ̀à Ě moo bòlibopoi plě Ě moo Tentǎn Jǔu sàse keǒ Ɔɔ sònwɛ jejeɛ̌ mɔ̀. Tè jǐ boaboǎǒ Nyesoa mii tàmo sàba pase Ě miǒ ɛ wakǎ jleě mǒ kɔnma.

1 Jɔ̀ɔ̌n 1:1

Ä chleě a mɔ̀ ɛ̈ kwɛɛǒo Nyuà u dɛɛ Win Ɔɔ tè jleě mǒ bo Ɔ̈ nye ämoo kmɔ̌ sie fònfno. Sɔɔnʼě kmɔ̌ɔ wlò tùla mǒ Ɔ nea kmɔ̌. Äa chɛ̀ ä wɔ̌na Ɔɔ win ä kpalaǒ Ɔ jleě mɔ̀ plě ä jěa Ɔ, ä nua äa sonwe ä tǒa Ɔ le.

1 Jɔ̀ɔ̌n 2:25

Bɛ̌ nu bǎ nu ɛ, Tentǎn Jǔu chɛ̀ peeě ɛ keǒ Bɔ nye ä kmɔ̌ sie fònfno.

1 Jɔ̀ɔ̌n 3:5

A ji ɛle ɛ̈ moo Tentǎn Jǔ diě keǒ Bɔ poo äa kpni kukwǐi tè wlò le plě a ji ɛle ɛ̈ moo Ɔɔ̌ nu kpni kukwǐ.

1 Jɔ̀ɔ̌n 3:8

Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.

1 Jɔ̀ɔ̌n 4:14

Äa chɛ̀ ä jě Nyesoaa Jǔǒ lo plě ä moo sàsepo keǒ nyopò tùu mɔ̀ ɛ̈ moo Nyesoa Ɔ̈ moo äa Gbeǐ Ɔ dbo Ɔɔ Jǔ Ɔ mǐ tùonyopo gblà klě uu kpni kukwǐi plɔ tu kɛn bo maěa bobo.

1 Jɔ̀ɔ̌n 4:2

Dɛ a wɔ̀le je ba jboo loo Nyesoaa Sùsu nɛ̀ moo nyu wùɛà mi ɛ boɔba ɛ̈ moo Jùsu Tentǎn Jǔ diiaě tùonyugbe tǔn wlòmo, ɔ kɔn Sùsuǒ lo Ɛ̈ sɔn lěe Nyesoa mɔ̀ mǒ.

1 Jɔ̀ɔ̌n 5:11

È äa sàse dɛ ä nii nɛ̀ moo Nyesoa nye ä kmɔ̌ sie fònfno. Fònfnoǒ nɛ̀ moo dɛǒ Ɔɔ Jǔ Jùsu nu ämoo mǒ ɛɛ dɛ sɔnʼě ɛɛ mǒ.

1 Jɔ̀ɔ̌n 5:13

Ě chleě a mɔ̀ imo noǎà ii tè ɛ̈ di ɛɛ numa amoà poo Nyesoaa Jǔu nynɛ̌ɛ tè kàan tè a mǐ ɛ ji ɛ̈ moo a kɔn kmɔ̌ sie fònfno.

1 Jɔ̀ɔ̌n 5:20

Ä ji ɛ de ɛ̈ moo Nyesoaa Jǔ diě le Ɔ̌ nye ä tèe le jbojbɛ, nɛ̀ ni ɛ ä ji kàan Nyesoa. Ä neeě kàan Nyesoa mǒ klee Ɔɔ Jǔ Jùsu Tentǎn Jǔ. Dɛǒ nɛ̀ moo kàan Nyesoa klee kmɔ̌ sie fònfno.