Zakariyya 9:7 - NABUWWA KEE MALIKWA

⁷ Qabal tif hayta cadoh makumuk raaqelon. Caraamak tan maaqo mayakman. Raqqa 'ye mari yi mara akkeleeh, Yuudah yooboke marih gexsot gexelon. Ekron mari, Yabuusah yooboke marak kaxxih, yi mara akkele.

Zakariyya 9:7 ပူးပေါင်းရင်းမြစ်များ

1 Aydaad 1:14

Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

1 Aydaad 21:15

Yarusalaam magaala bayisu waa malaykattu ruubeeh; sarrak fanaak, abeyyo iyyeh suge baatik qaadeeh, malaykattuk «Ahaysa idiy. Abtem duddahak» iyye. Woo malaykatti woo waqdi Ornan deqsita numuy kedok Yabuusa deqsita marah yoobokehiyyah aracay darok caffa elle kalaanahiyyah garil soolak suge.

Yasaqya 65:4

Bar gablah addat xiinaanaah; kabaarah amol dooqa aban. Ceray cado adoobitaanaah; nadaasa leh yan marákak yaaquben; 'kak adoobitan. Inkih tan ayroy dudda le ‹Yol ama› axcuk namma gaba keenih fidseh, ‹Yol ama› exce.

Ermiyaas 48:47

«Takkay immay sarrî-dabaanal luk sugen gaddaliino keenih gacseyyo. Tah intam yoo YALLA. Anu Mooyab maral abe cokmi tokket yeede» iyye.

Ermiyaas 49:39

Takkay immay ken baysek sarra ken gacseyyooh, akah sugen gaddaleela ken abeyyo. Tahat yabtam yoo YALLA» 'yaanam iyye.

Ermiyaas 49:6

Takkay immay sarrî-dabaanal Qammon mara akah sugen gaddaleelah gacseyyo. Tahat yabtam yoo YALLA» iyye.

Qaamus 3:12

«Illi duwa-num, lubak afak namma lak takkuu, aytik exxa takku, saaboh elle raaqisa'nnal, Israayil maray Samaariyal dabaaqah yanihiyyak saaboh raqtu waytam, qarkaytoh iba» 'yaanam iyya.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Zakariyya 9:6

Mango kabuk yemeete mari Asdood deqsitta magaalal dabaaqah titta lih gacelon. *Filistiinih yooboke maray kaxxa kaxxiina lehiyya qawratak qideyyo.

Zakariyya 9:8

Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.