Zakariyya 9:5 - NABUWWA KEE MALIKWA

⁵ Askalon magaalah mari taham yabalu waa waqdi, cunxo keenit heele. Gaadâ-magaalah mari aham yabalu waa waqdi, kaadu cunxok gexxaamah araadaqiselon. Ekron magaalah mari luk sugen niya luk maraaqaanaay meysitelon. Gaadâ-magaalah malik rabele; Askalon magaala abur akkele.

Zakariyya 9:5 ပူးပေါင်းရင်းမြစ်များ

Yasaqya 14:28

Malik Acad edde rabe sanatat temeete Yallih-farmo ah teeti.

Ermiyaas 47:1

Masri-malik, Gaada deqsitta magaala yabbixeemik duma, YALLI *Filistiin marih giddinaamak nabi Ermiyaasal qangara oobise.

Ayyuqel 3:4

YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Qaamus 1:6

Kaadu qagissa heeh iyyemii, «Aham YALLI iyyaama. ‹Gaadâ-mari fiiruk geerah dambi le taama abeenih; tohuk gexxaamah ken digaaleyyom digga le. Inkih yan ayyunta seewah beenih, Edom maral naqoosah ken yeylemmen.

Qaamus 1:8

Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Zakariyya 9:4

Takkay immay, anu YALLA kinniyo, lon gaddaliino kee midir ken waysiiseyyo. Ken maraakib badat finqa akkeleeh; Suur-qarwa cararteh gombod akkele.

Zakariyya 9:6

Mango kabuk yemeete mari Asdood deqsitta magaalal dabaaqah titta lih gacelon. *Filistiinih yooboke maray kaxxa kaxxiina lehiyya qawratak qideyyo.