Zakariyya 9:3 - NABUWWA KEE MALIKWA

³ Suur magaalah mari isi dacayrih megdeb xisen. Mangah loowo num akak duude waa lakqo kee dahab koboxsiteenih yanin.

Zakariyya 9:3 ပူးပေါင်းရင်းမြစ်များ

2 Samuwel 24:7

Too magaalak gabbi-qaxal geytimta Suur-magaalay gaso maroh edde tanihiyya yemeeten. Tokkek Ciiwi kee Kanqaan magaalooli inkih yemeeten. Ellecabol Yuudâ-rasuk gabbi-qaxat raqte Bersabaq deqsitta magaala yemeeten.

1 Malikwa 10:21

Malik Suleeman elle yaaqube kobbaayiy inkih dahabak ten. «Lubnaan Garboh kaxxa Goli» deqsita aracih addal ten mingilwa kaadu akak bicseenim saafik yan dahabak ten. Suleeman dabaanal lakqok bicsen duyye hebeltô-tu'xiq luk mananna. Tonna-leemik kay buxal lakqok bicsen duyye masuginna.

1 Malikwa 10:27

Suleeman dabaanal lakqo xeet manga luk teneeh; sariidâ coox kaadu, mango-koomaami le baaxol tan *sublah innah qadad cabeh yen.

Yasaqya 23:11

Yalli bad fanah gaba ruube. Inkih tan baaxo meysih axaxxe. YALLI, «Kanqaan baaxol koositih bicsen arooca bayisa» 'yaanamih amri yecee.

Yasaqya 23:8

Suur inaytâ-magaalay malikwa akak temeetehiyyak ten. Teetil tellemmo abak ten muddaqiyitte baadal migaq-gexxo le marak ten. «Annah tanim teetil bahtem iyyaay?» innek,

Yacedkel 26:12

Baaxol luk sugten gaddaliino kee tellemmô duyye siinik beelon. Magaalat maroh tan gasoosa siinik bututtukku heelon. Kaxxa qarwa siinik aggilelon. Woo qarwa edde xisseenih sugten xeet kee cooxuuy raqqa 'te duyye inkih badat qidelon.

Yacedkel 27:27

Too ayroy baati kot tekkehiyyal, gadda kee tellemmô-duyyeey, markab beyak suge mara kee, markab seeba maraay, naggarwa kee qaskaraay, raqqa 'ye maray markab addat enna 'yahiyya inkih sute.

Yacedkel 27:33

Ku badaaqat badak yamaate saaku, kulli mara faxan duyyek cayisak ten. Ku badaaqatat geyan duyyet mango malikwa gaddalitte.

Yacedkel 27:34

A saaku badak addal tiddigilleeh, badak ragid fanah sutte. Badaaqatah beyak sugte duyye kee ku taamat suge mari inkih ko'lih badat bayen.

Yacedkel 28:1

YALLIH qangara yol obteeh; yok iyyeemih:

Qaamus 1:9

Kaadu qagissa heeh iyyemii, «Aham YALLI iyyaama. ‹Suur magaalal yan mari fiiruk geerah dambi le taama abeenih; tohuk gexxaamah ken digaaleyyom digga le. Israayil mara luk sugen qalla hawweeneenih; magaala kee magaala deraafil tan gaandoodil sugga iyye mara inkih, Edom marih naqoosah xaamiten.

Yoosuwa 19:29

Tokkeek cuduud keenik Raama deqsitta magaala fan makka 'yah Suur deqsitta magaalay gasot maroh tanihiyya fan gufa. Tokkeek kaadu Coosa deqsitta magaala fan makka 'yah Maditraaniyah Badat idiyya 'ya. Maclab kee Akdib kee