Zakariyya 9:17 - NABUWWA KEE MALIKWA

¹⁷ Baaxo too saaku kaxxam amqele. Baxuw kee furrayna inkih, mango daro kee qusbih bicsen qinab kamrik adoobitak ariiqo baahelon.

Zakariyya 9:17 ပူးပေါင်းရင်းမြစ်များ

Yasaqya 33:17

Inti siinik qaxa-le-malik ablele. Usuk reedah elle yan baaxo kulli kabuk ambulleele.

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Yasaqya 63:7

YALLIH kacanuy amurruqe waat walalu waa. YALLI neh abeemiy fayla kaa akah taguude warseyyo. Israayil ummattah kaxxa maqaane abe. Toh akah abem, isi racmatta kee amurruqe sinni kacanih sabbata.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Ermiyaas 31:14

Seeka kaxxa cayih cayiseyyo. Yi mari yi niqmatak cayyele. Tahat yabtam yoo YALLA kinni» 'yaanam iyye.

Ayyuqel 2:26

Ahaysa maaqoh takmeenim mawaytaanaay cayyetton. YALLAY sin Dagelta kinnihiyyay a axxul le maqaane siinih abe faylisetton. Yi mari ahaysa bursuten mara mayakka.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.