Zakariyya 9:16 - NABUWWA KEE MALIKWA

¹⁶ Illi dacrisa loyni saq alak elle cata innal, YALLAY ken Dageltah yani isi mara isih iyye ayro wonnal catele. Kay mari kay baaxol jawharatak bicsen kalabtah innah ifele.

Zakariyya 9:16 ပူးပေါင်းရင်းမြစ်များ

Yasaqya 40:10

«YALLAY Mulki le yamaateh, baaxo isi caylat xiinisuh, mamaatat yan, yamaateh yan; isi galto luk yamaate. Isi-ummatay isih wade, gabat baahak, yamaateh yan.

Yasaqya 54:12

Ku gasoh amol tan fayyat raqta arooca liliq iyya xeetik xiseyyo; afa kok xibcin inna le luuluk xiseyyo; maroh kot tan gaso limo gibdi xeetik xiseyyo.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 60:3

Doolatwa inkih, ku ifuy maaci ifih innah urahiyyah goranah amaatele; malikwa kaadu ku ifuh goranah amaatele.

Yasaqya 62:3

Atu YALLIH garil malik-kalabtay qaxmeqehiyyah innah gacetto; ku Dagelti gabat yabbixe kalabtah innah gacetto.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 31:11

YALLI, Israayil-mari away edde yan xixxibaanek ayyaaqele. Caylaleelâ-gabak ken ayyaaqele.

Yacedkel 34:11

«Yoo YALLAY Mulki lehiyya siinik axceemih, Inni illih goran innih abeyyooh, innih ken dacriseyyo.

Yacedkel 34:12

Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Yacedkel 34:31

«Isin yi illow, innih ayloole illow, yi mara kinnitoonuuh, anu sin Dagelta kinniyo. Tahat yabtam YALLAY Mulki lehiyya» iyye.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.

Caggay 2:23

Yi naqasu Saltiyál-Darabbabelow, too ayro bahha koo heeh, abba koo abeyyooh, migdi gabah ferranto koh acayuk, ummat yi migaaqal xiinisetto. Sinaamak addak doorem koo. Tahat yabtam yoo YALLAY Nabaamak Nabahiyya› » iyye.

Zakariyya 10:6

«Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.