Zakariyya 9:14 - NABUWWA KEE MALIKWA

¹⁴ YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.

Zakariyya 9:14 ပူးပေါင်းရင်းမြစ်များ

Yasaqya 18:3

Baaxô-bagul yan maraw ankacisa! Qaleh amol qalaamat ugsoonu waan waqdi wagita! Baanta yaaguroonu waan waqdi oobbeya!

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yasaqya 31:5

Kimbiro isi qari galwat akah reebissa'nnal, YALLAY Nabaamak Nabahiyya Yarusalaam-magaala umaanek reebiseleeh, tet wadele» yok iyye.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Cabakkuk 3:11

Ato lito gaysê-baxay habug iyyaah liliq iyya, qalaamisseeh qidde waqdi, qaran bagul alsa solteh, ayro kinnih edde solte. Ku macaxuy habug iyyah, ayro solteeh, alsa teede.

Cabakkuk 3:14

Qaskarak abbah suge num, isi macaxut bayisse. Caacoh innah net yemeeten; kaxxam farcitak yemeeten; nee fixiixisaanam faxen. Boola akak dareemen marat, xukkutaanam faxak sugen.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Zakariyya 14:3

Tohuk lakal YALLI dumî-dabaanal akah abak suge innah, too doolatwat qeebi abuh ugtele.

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Yoosuwa 10:42

Yoosuwa a gid takke baaxo kee teetil yan mara kee malikwak edde yeysem, inki adda abe gaaduk ten. Wohim akah tekkem, YALLAY Israayil doore Dagelta kinnihiyya ken lih yeneeh; taham akah tekkem tohu.