Zakariyya 9:13 - NABUWWA KEE MALIKWA

¹³ Yuudâ mara gayse abeyyo. Israayilih yooboke mara gaysê-baxa abeyyo. Siyon-mara seef abeyyooh; Giriik-marat qeebi abelon» iyye.

Zakariyya 9:13 ပူးပေါင်းရင်းမြစ်များ

Yasaqya 49:2

Yi-afak yawqe qangor inkih, gileh innah af bahsiise; isi gabat yoo dacrise; arbaqen (samlisen) gaysê-baxi innah, yoo samliseh, af bahsiise; sibah addat yoo dacrise.

Ermiyaas 51:20

Yalli iyyemii, «Baabelon maraw, qeebi edde absiisa silaacah sin luk suge. Qeebi edde aba birtah luk sugem siini. Doolat sin gabat bayisak suge.

Qaamus 2:11

Lab-xaylok nabi yakku waa mara siinik doore. Qahdi-culeyna deqsitta furrayna kaadu sin addak doore. Israayil maraw, toh numma kinnim taaxigeenih!› 'yaanam YALLI iyya.

Qobadya 1:21

Yarusalaam mari, Qiisoh yooboke marak qeebil ayseleeh, baaxo keenik xabba heenih keenil ackumelon. YALLI too saaku isih, malik keenik akkele» iyye.

Zakariyya 1:21

«A mari macah yemeete?» exce. Too waqdi yok iyyemii, «Akah yemeeteenim, Yuudâ-marat teeqeteeh ken fixixisse doolatwal umâ-yabulih tanim baahaana'gidiiy; too doolatwa baysaana'gidih yemeete mara» iyye.