Zakariyya 9:11 - NABUWWA KEE MALIKWA

¹¹ YALLI iyyeemih, «Yi maraw, qabal fidah akah caxitta 'ye xaganay sin kee yi fanal yanihiyyah taagah, sin maray casbit yani currih ayyaaqeeyyo. Oson elle yanin aracay keenih lee sinni qeelih inna lek ken kaleyyo.

Zakariyya 9:11 ပူးပေါင်းရင်းမြစ်များ

2 Samuwel 13:13

Qagisseh, kaak inteemih, «Ah yot tikka 'teh, elle raaqa'kke mayyuuy; atu kaadu ahat assek, Israayil rasul qaybit radettom ixigay. Ahamat assaamak, ku maganak malik lih yaabay. ‹Tet yoh ab› intek, yoo koh abelek, ku maganak ahak raq» kaak inte.

2 Aydaad 7:17

Ku abba Dawud akah abak suge innah, agaagul sinnuk baguuk yoo tuqbude koo tekkeeh, anu kok aba axcem abteeh, yi amri duudusse koo tekkek,

Yasaqya 24:22

Casbi gurrah boodot titta lih ken heele. Too boodoh addat mango ayro sugga iyyeenik lakal, ken edde digaalan ayro amaatele.

Yasaqya 42:22

Takkay immay a mari buubeeniih, buxa akak wararen mara. Boodot qideeniih, casbit daanisen maraay, ken waddam wee mara. Seewah ken been saaku, ‹Ken gacisa› inteh keenih yabtem matana.

Yasaqya 42:7

Inti maleela inti geysiisetto; casbit yan mara casbik ayyaaqetto. Ditet yan mara woo casbik ayyaaqetto» iyye.

Yasaqya 49:9

Casbit yan marak, currih gexxaasita, axcettooh, ditet yan marak, iful eweqa, axcetto. «Giti qaxal baraya illih innah, gacelon; koomaamil yaloole illi akkelon.

Yasaqya 51:14

Away casbit yan mari casbik awqele; rabak waddiimeloonuuh, maaqok faxeenih gide geelon.

Yasaqya 58:12

Sin mari duma abuuruh sugte arooca wadir xiseleeh duma sugte rakiiboh bagul qusba qarwa xisele. Isin baateh sugte gaso xisaah abuuruh sugte qarwa bicsa mara deqsitetton» iyyah yan.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Ermiyaas 38:6

Too waqdi beyya kaa heenih akattat uxuyya kaa heenih, malik-qarih-daaratal yen birkatat tagra gurral kaa qiden. Too birkat, malik baxay migaaqah Malkiya deqsitak yenehiyyah birkatak ten. Too birkat kallak sah, lee luk manannaay; tonna leemiik too kallak addat cule.

Daaniyel 2:29

Malikow, qarkaytol deerih tan waqdi, sarra takku waytam cisaabisak teneeh; Yallay sirrih tanim yaaxige, sarra takku waytam koo yuybulle.