Zakariyya 8:9 - NABUWWA KEE MALIKWA

⁹ «Yi Qibaadah Qari nammeyhaak xisoonuh rakiibô-xaa heen saaku, nabuwwa sin lih edde yabteh sugte yab a saaku nammey haak yaabbe maraw, agiira takkeenim siinil taniih, niya siinik fayya 'tay. Tah intam yoo YALLAY Nabaamak Nabahiyya.

Zakariyya 8:9 ပူးပေါင်းရင်းမြစ်များ

1 Aydaad 22:13

YALLI, Israayil ummatah Muusal ruube xinto duudussek, tonnal, yi baxaw, kullim gabal kok bicele. A taamal digga xicay agaagul akak cab; tuk mameysitinaay, niya kok baxqe waytay.

1 Aydaad 28:20

Tohuk gaba kale waqdi kaak iyyeemih, «Tahaysa, yi baxaw, niya haysitaay abtaamak agaagul cabba haay digga 'xic. YALLIH Qibaadah-Qarih-taama qimbisaay, faxem takkeemih fanat akak maadayin. Dageltah yan YALLAY yi Dagelta kinni koo elle catele. A taamak gaba kalla haytam fan kol macabay koo elle catak sugele.

2 Aydaad 15:7

A saakuh tu gactek, agiira takkeenim siinil taniih; niya siinik baxaqe waytaama. A saaku abtan taamah galto Yallak geetton» keenik iyye.

Qedra 6:14

Nabi Caggay kee Qiddó-Zakariyya ken aydikumusak, Yahuud marih idoola kaadu is le kabuk, Yallih Qibaadah-Qarih xisnet tisissikeeh, meqe'nnal taamitak xisen. Israayil doore Dagelti elle amrissa hee innal, tonnah kaadu, Fursi deqsita rasuk malikwah ten Kooris kee Daryawes kee Artacsasta deqsitta malikwa keenik elle inxicca 'yen innal, Israayil doore Dageltah-qari xiseenih, gaba kalen.

Yasaqya 35:3

Gabak boolate maraw, gaba tamsiisa; gulub akak axaxita maraw, guluubat maqar haysita.

Yasaqya 35:4

Meysita marak, «Sin Dagelti yanik, mameysitinay ayti kibba haa» inxica. «Yalli sin wada'gidih, sin qaxat gaceleeh, umam siinil baahe mara digaalele» keenik inxica.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Caggay 1:12

Tohuk lakal Darabbabel kee kaxxa seekih yen Yoosuwa kee, wohuk kalah yan maray baatik saaboh raaqehiyyak yakkeenimiik, YALLI keenik aba elle inxicca 'ye innal, YALLI aba iyyem aben. Ayyunti YALLAY ken Dagelta kinnihiyyak meysitak yeneeh; tonna leemiik YALLI ruube nabi Caggay iyyem aben.

Caggay 2:18

A saaki, yi Qarih rakiiboh xisnek gaba edde kalten ayrooy; yi Qarih rakiiboh xisnek gaba edde kalteenim, ta sanatak sagalhaytoh alsak labaatanna kee fereyhaytoh ayro. Tahak wadir anu siinih abu waam cubbusa.

Caggay 2:21

Kaak iyyeemih, «Yuudâ rasuk abbah yan Darabbabelik intaamah: ‹Qaran kee baaxo edde asgayyu waa saaki xayiih;

Zakariyya 8:13

Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.

Zakariyya 8:18

YALLAY Nabaamak Nabahiyya qagseh farmo yol oobise. Yok iyyeemih,

Yoosuwa 1:6

Anu sin kaxxa abbobtik, ‹Siinih aceeyyo› axcuk xagana keenih akah culeh suge baaxo tabbaxoonu waytan saaku ken abba akketto'mmay, a taamal digga xicaay agaagul akak cab» kaak iyye.

Yoosuwa 1:8

Tama xinto elle tunkuttube kitab kulli waqdi kassitay mahawweenin. Bar kee laqoh kawis. Tama kitaabih addal tanim inkih duudussem keh nagay isik cubbus. Taham abtek kullim kol amqeleeh; kullim gabal akak bicta num akketto.