Zakariyya 8:4 - NABUWWA KEE MALIKWA

⁴ Ahak sarra qagitak kaxxam bar naba idoolay caxxal dokkoowak gexxahiyya Yarusalaam magaalah gitittel daffeyak sugele.

Zakariyya 8:4 ပူးပေါင်းရင်းမြစ်များ

Ermiyaas 31:13

Baxuw saxxaqah digreleeh wallitele. Furrayna kee idoolah agantah africelon. YALLI iyyemii, «Anu ruffu ken heeyyooh, edde sugen rooka farcatah keenik gacissa heeyyooh; edde sugen cisab kee gadaamak farcat kee assamaq geelon.

Ermiyaas 31:24

Ahak wadir ummat Yuudâ-rasu kee tet addal tan magaaloolil inkih dabaaqah titta lih gacele. Buqre-aba mara kee illit duwah yan mari titta lih dabaaqah gacele.

Zakariyya 2:4

Kaak iyyeemih, «Sissikuk gexay, ama baaxo edde yamittiren akat gabat le duubalik intaamah, ‹Yarusalaamal mango ummat kee mango lac sugeleemih sabbatah, inkih tan Yarusalaamat gaso haanam mabicta.

1 Samuwel 2:31

Taway nagay yoo ankacisay raq. Ku buxah marih addat bar naba num akah ane waa innah, atu akah tooboke kedoh exxa kee ku buxah marak furrayna qunxih cabaariseyyo. Toh edde abu waa wakti yemeeteh.

1 Samuwel 2:32

Israayiliy ku abbah saqlih xayloh tanihiyyah abu waa maqaane tabalu wayta waqdi aysinettooh, yi aracat tekkem tabalu wayta waqdi bagi kok cararele. Ku buxah mari tahak wadir qumrih idoolitta 'yaanam fan masugan.