Zakariyya 8:19 - NABUWWA KEE MALIKWA

¹⁹ «Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.

Zakariyya 8:19 ပူးပေါင်းရင်းမြစ်များ

2 Malikwa 25:1

Toh yuble waqdi, Baabelon-malik qaskarak tu cabe'kal beyya heeh, Xidkiya malik edde yekke sagalhaytô-sanatak tabanhaytoh alsak tabanhaytoh ayrot, Yarusalaam wararen. Magaalak irol megdebih edde gacan arac haysitta heeniih, sarrak magaalal yan mari akah awqe waa innah, dariifat maro teetik xisen.

2 Malikwa 25:25

Too sanatak malcinhaytoh alsat, Natanyá-Ismaaqiliy Yuudâ-malikik nasab luk yene, tabna num gabat hayya heeh Mixfa yemeeteeh, tokkel Gedalyat qeebi abeeh kaa qideh. Kaa'lih suge Yuuda kee Baabeloonuh yooboke mara edde qide. Natanyá-Ismaaqil, Alisamaq deqsita numuk baxi-baxak ten.

Aster 8:17

Kulli rakaakay kee kulli magaalah addal suggu 'ye Yahuud-mari, baahen-waraakitil-tanim keenih yikriyen waqdi, farcatah kaxxa xigla aben. Ummatta mangih Yahuuduk meysitteemih sabbatah, akah aabuke ween Yahuud yekken.

Aster 9:22

Ta namma ayro Yahuud mari naqboytit edde bayse ayro; ta alsat akke raarte rooka kee niyâ-digloh aftok africuk kee ruffu edde iyyen ayro. Tonna-kinnuk tama namma ayro qiidih asaay, kulsa le maaqo tittah ucuya. Masaakiinah kaadu acwa ucuya 'yaanam elle tan warkat keenih ruube.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Ermiyaas 36:6

atu ummat soomuh assa saaku Qibaadâ-Qari gexxa 'xicay, tama taway koh warse yaabay tuktubehiyya keenik foocal, anay fayya haay kawsa keenih ab. Tamah inkih YALLIH yaabaay; YALLI keenih warisa yok iyye yaaba. Tonna'mmay Yuudâ-maray magaaloolik yemeeteh agantah akah yaabben innah, keenik foocal anay fayya haak kawsa keenih ab.

Ermiyaas 39:2

Xidkiya malik edde yekke taban kee inikhaytô sanatak fereyhaytoh alsak sagalhaytoh ayro, magaalat maroh ten gasoosa yiggileenih.

Ermiyaas 52:4

Xidkiya edde dardaare sagalhaytô-sanatat Nabkadnessar deqsita malikiy Baabelon amoytah yenehiyya qaskarak tu cabe'kal, Yarusalaam gaaduh gexe. Too sanatak tabanhaytoh alsak tabanhaytoh ayro, Yarusalaam magaalah afa gufeeniih; magaalak irol megdebih edde gacan arac haysitta heeniih, sarrak, magaalal yan mari akah awqe waa innah, dariifat maro teetik xisen.

Yacedkel 18:8

Abuuduh kaak been lakqo kaah gacsan waqdi ossotina edde mafaxa. Baatilit maasa. Yoome mara qadaalatal mekla.

Yacedkel 24:1

Seewah nee edde been sagalhaytô sanatak tabanhaytoh alsak tabanhaytoh ayrot, YALLIH qangara yol obteeh; yok iyyeemih:

Zakariyya 7:3

Tohuk kalah kaadu, seeka kee nabuwwa essero esseraana'gidik ten. «Taham maa esserooy?» inteenik, «Dumaak mango sanatah akah abak sugne innah, konoyhaytoh alsat soom maay abnoo?» 'yaanam esseraana'gidik ten.

Zakariyya 7:5

«Seeka kee ummattak inkih intaamah: ‹A dabaanah malcina-tabanih liggidih gide, kulli sanatak konoyhaytoh alsa kee malcinhaytoh alsih addat abak sugten inki-inki ayroh soom akah abak sugteenim, yi nabna hinna.

Zakariyya 8:16

Tonna'mmay isin abeh meqeemiy siinil tanihiyya siinih warisu waa. Numma titta lih yaaba. Cokmi aracal amaanah sitta xiinissaana'gidih qadaalatat uckuma.

Zakariyya 8:18

YALLAY Nabaamak Nabahiyya qagseh farmo yol oobise. Yok iyyeemih,

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.