Zakariyya 8:14 - NABUWWA KEE MALIKWA

¹⁴ YALLAY Nabaamak Nabahiyya iyyeemih, «Sin kaxxa abbobtiy isin akak raddeenihiyya dumî-dabaanal yoo bagcarrisseeh; tonna-leemiik bala keenil oobisaamal gaba kale. Too bala fanat mayseediyyoy keenil oobiseh.

Zakariyya 8:14 ပူးပေါင်းရင်းမြစ်များ

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 14:24

YALLAY Nabaamak Nabahiyya xiibiteeh, «Anu ucsubem abeyyo. Akkele akak excem akkele.

Ermiyaas 20:16

A num, YALLI uma baatih bayse magaaloolik kaxxih, ibak-gibda baati kaa tabbaxay! Saaku boogisa marih xongolo aytil kaak radday; Laqo carbi addat yakke weeqi aytil kaak raday.

Ermiyaas 29:11

Siinih looweh an maqaaneh adda taaxigem yooy; siinih looweh abbixem, siinih meqe niqmata'kkal, sin biyakta umaane hinna. Takkay immay amaan akak geettoonuuh, isin geenno axcuk qambaalitak sugten maqaane akak geetton.

Ermiyaas 31:28

Duma ragidik ken siibak sugeeh, ragidik ken aggaluk suge. Deerik afah ken edde korisak ken bayisak suge. Duma umaane keenit edde aba uddur wagitak suge'mmay, ahak wadir edde ken xisaah daabisa uddur keenih wagteyyo.

Ermiyaas 32:42

A bala keenil oobiseyyo akah exce'nnal, keenil oobiseh. Tonnah kaadu, keenih abeyyo exce maqaane inkih, keenih duuduseyyo.

Ermiyaas 4:28

Tonna leemiik, baaxo rookitele; qaran dattoowele. Tah intam yooy; exce yaabat maqagita. Excem exceh ikkal, tohum abeyyo› 'yaanam iyye.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Zakariyya 1:2

YALLI wacyih Zakariyyak iyyeemih, «Gexay ummatak intaamah: Yoo YALLAY Nabaamak Nabahiyya sin kaxxa abbobtit kaxxam bagcarrite saaku luk en. Awayah tu gactek siinik axceemih, Yol uduuraay, anu kaadu siinil aduureyyo.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.