Zakariyya 8:13 - NABUWWA KEE MALIKWA

¹³ Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.

Zakariyya 8:13 ပူးပေါင်းရင်းမြစ်များ

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 25:18

Naharak, Yarusalaam kee Yuudâ-magaaloolil suggu 'ye mara kee, ken malikwa kee makaabon inkih too kobbaayat taniimik efqe. Toh akah abem, a saaku akah yanin innal, a magaalooliy oson elle sugeenihiyya num sinniih lac sinni abur takke'gidiiy; keenit tekkem yubleeh yoobbe mari, ‹Woo marat tekkem siinit takkay› axcuk sinam titta abaarinnaan waqdi, kulli way ceelalloh haan mara yakkeeni'gidi. Tonnah kaadu sinam buruttaah ilaqta mara yakkeeni'gidik ten.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 33:24

‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.

Ermiyaas 42:18

«YALLAY Nabaamak Nabah, Israayil doore Dagelta kinnihiyya iyyaamah: ‹Yi naqbi Yarusalaam maral akah oobe'nnah, uxih kaadu yi yab cinna heeh Masri gexu waa maral oobele. Woo marat tekkem net akke waytay akak iyyan mara akketton. Sinam titta abaarta waqdi, Woo marat tekkem siinit takkay akak iyyan mara akketton. Sahda bursutta mara akketton. A rasu ahak wadir matablan› siinik iyyeeh, YALLI tamah siinil gacseemi» keenik iyye.

Ermiyaas 44:12

Yuudâ-marak isi rasul raaqeeh, sarrak Masri fan gexe maraw, too gexo baatih siinik orbelem ixiga. Nabam kee qunxam siinik Masril rabele. Qulul kee carbit ambaxetton. Yuble mari akak wariggitu waa embexih ambaxetton. Ummat ilaqtaah ces akak inta mara akketton.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Yacedkel 34:26

YALLI kaadu qagseh iyyeemih, «Barkat keenit heeyyooh yi qaleelay taahirih tanih xaqul dabaaqah ken heeyyo. Tokkel faxxiima uddur rob keenih ruubeyyooh, niqmat keenil oobiseyyo.

Yacedkel 37:11

Too waqdi Yalli yok iyyeemih, «Bani-adantow, tama lafoofi Israayil marah ceelallo. Israayil mari, ‹Nanu lafoofih innah kafneh karacca inneh nani'kkal, tahaysa xiqnam linoh manan› 'yaanam iyyan.

Yacedkel 5:15

«Yi naqabu kee bala siinil obtam yableeh anu sin digaalam yable mari, siinik sakkiteleeh; sahda bursuttaah anqaasah elle rabta mara akketton. Siinit tekkem gersi marah sarrah kas akkele.

Daaniyel 9:11

Israayil mari inkih gitah taniimiy atu nee tuybulleehiyya maaqileh ku xinto intam abu cineeh ku yab cineh. Nanu dambi lem kol bahne. Tonna leemiik atu ku xintoy Muusay ku naqasuh yanihiyya baahel tunkuttube abaaro nel oobisse.

Miika 5:7

Marin baaxooxal, mango marih addat yan Israayil maray saaboh raaqehiyya, YALLI ruuba naafi qayso akah doogisa innah, too marah tonnah doogiselon. Yalli ruuba rob coox akah doogisa innah doogiselon. Keenik dariifal yan mari barkat keenik geele. YALLA akke waytek sahdal kibaal mahannon.

Xafanya 3:16

Too ayro tamaatu wayta way Siyon qalel tan magaalay, «*Yarsalaamey, mameysitin; niya isik margaqin» axcuk, teetih aytikuma aceelon.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.

Caggay 2:19

Darok raqtem ane waytaah, qinab xala cooxuk raqtem ane waytaah, rummaana kee *daytuun kee *subla coox ahayduma xaylo xaleh suge waamah, ahak wadir barkat siinit heeyyooh, sin gaddaliseyyo» iyye.

Caggay 2:5

Masrik tewqen saaku sin lih an 'yaanam siinik exceh sugeeh; tokkeey akke sin lih anik mameysitina. Toh siinik intam yooy YALLAY Nabaamak Nabahiyya› keenik inxic» iyye.

Zakariyya 1:19

Woo yo'lih yaabak suge malaykattuk, «A gaysoosik maqna macaay?» exce. «Amah, baadal kaxxa doolatwah ten doolatway Yuuda kee Israayil kee Yarusalaam ummat fixixih rubtehiyyah ceelallo» yok iyye.

Zakariyya 14:11

Yarusalaam magaala tahak wadir mabaataay; ummat tet addal amaanah xiinele.

Zakariyya 8:15

Awayah tu gactek, Yarusalaam kee Yuudâ marak, barkat siinit haam faxa. Tahaysa akak meysittaanam manton.

Zakariyya 8:9

«Yi Qibaadah Qari nammeyhaak xisoonuh rakiibô-xaa heen saaku, nabuwwa sin lih edde yabteh sugte yab a saaku nammey haak yaabbe maraw, agiira takkeenim siinil taniih, niya siinik fayya 'tay. Tah intam yoo YALLAY Nabaamak Nabahiyya.

Zakariyya 9:13

Yuudâ mara gayse abeyyo. Israayilih yooboke mara gaysê-baxa abeyyo. Siyon-mara seef abeyyooh; Giriik-marat qeebi abelon» iyye.