Zakariyya 8:12 - NABUWWA KEE MALIKWA

¹² Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.

Zakariyya 8:12 ပူးပေါင်းရင်းမြစ်များ

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

Yasaqya 30:23

YALLI rob siinih ruubeleeh; buqre elle abinnaan ikkel, qidinnaan daro siinih aabukele. Mango daro orbisetton. Laahi siinik mango qayso geeleeh amaanah aloolele.

Yasaqya 61:7

Ahaysa wacarriy kee qaybik-radiyyak assaaqetton; luk sugten gaddal namma afah yaduure gadda geettoonuuh, qililisetton. Tonnal isinni baaxol assamaaqat xiinetton; amurruqe sinni rufto geetton.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Yacedkel 34:28

Irô baaxoh mari ahaysa ken mabuuba. Ahaysa alluwwa ken maqiddaay ken matakma. Sahda ken mameysissay, ahaysa amaanah xiinelon.

Yacedkel 36:12

Yi Israayilih ummatey, sin baaxo fanah sin gacseyyo. Tahaysa ta baaxo sin ikoyta akkeleeh, xaylo siinik rabi mahayta» iyye.

Yacedkel 36:30

Coox-xaylo kee buqrek daro siinih aymaggeyyooh; tohuk gexxaamah, ummat addal qawratak sin qida qulul matablan.

Yacedkel 36:9

Anu kaadu sin qaxat aniih, baaxol buqre abqurettoonuuh, away kaadu darqi elle aabukelem siinih diggoysa.

Hosiqa 13:3

Tohih sabbatah ta mari, saaku maacisa naafu kee qubul ayro tewqek wadir elle baata'nnal, bayelon. Anfiyan daroh caffa caacay elle beya innal qellitelon. Girak yawqe qer elle baya innal bayelon.

Hosiqa 14:5

Israayil mara, qabar le baaxo rob elle doogisa'nnal doogiseyyo. Qobor innah wir axcelon. Lubnaan rasih cooxih innah, qande le daabisiyyah ken daabiseyyo.

Ayyuqel 2:19

Ken dooqa oggoleeh keenik iyyeemih, «Tahak wadir, darooy, qinabak bicsen kamri kee caxâ xaylok bicsen *zeytik (saliidik) sin cayiseyyo. Tahaysa sahda sin mabursutta.

Ayyuqel 2:22

Lac kee dubalway! Ahaysa mameysitinaay ruffu inxica. Qayso siinih aabukeleeh; caxa xaylo siinih xalelek. Mango sublah-xaylo kee mango qinab aabukele.

Xafanya 3:13

Israayil ummatak saaboh raaqe mari tahaysa sahdal umam mabaaha. Diraabat mayaabaanaay, sahda maduquurusan. Yakmeeniih yaaqubeenim ken mawaysiisa. Ken xagtam matanaay, numuk mameysitan» 'yaanam iyya.

Caggay 1:10

Naafi akah rade waah, daro akah orbise waytaanam kaadu tohu.

Caggay 2:18

A saaki, yi Qarih rakiiboh xisnek gaba edde kalten ayrooy; yi Qarih rakiiboh xisnek gaba edde kalteenim, ta sanatak sagalhaytoh alsak labaatanna kee fereyhaytoh ayro. Tahak wadir anu siinih abu waam cubbusa.

Caggay 2:19

Darok raqtem ane waytaah, qinab xala cooxuk raqtem ane waytaah, rummaana kee *daytuun kee *subla coox ahayduma xaylo xaleh suge waamah, ahak wadir barkat siinit heeyyooh, sin gaddaliseyyo» iyye.

Zakariyya 8:6

Taham away raaqe marat numma macelta'mmay, tahat yabtam yoo YALLAY Nabaamak Nabahiyya. Yoh akke waytam matanaay, anu affarem mayyum yaaxigeenimi.

Malaaki 3:11

Tubquren daro qanayti-gadda akki siinik maha. Qinab xala cooxih ludwat qinab tiqu luk aabukele.