Zakariyya 7:14 - NABUWWA KEE MALIKWA

¹⁴ Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.

Zakariyya 7:14 ပူးပေါင်းရင်းမြစ်များ

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Yasaqya 17:13

Doolatwa baddi haffoh innah habbuy inta. Takkay immay Yalli ken yassacakku waa waqdi, qaleh amok caacay baahe siisah innah, wadir gacelon. Silayti baahe caffih innah wadir aduurelon.

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 60:15

Koo maaqileenih koo yinqibeenih sugeenih, dibuukuyitteh abur tekkeh sugte'mmay, kaxxa magaalay qaxmeqe koo abeyyo. Kulli way farci elle yan magaala koo abeyyo.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Ermiyaas 12:10

Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Ermiyaas 23:19

YALLIH naqbi mermeritta-caacoh gideey; umeynit baysele.

Ermiyaas 30:23

YALLIH naqbi mermeritta-caacoh gideey; umeynit baysele. Isih faxem abe'kal, kay bagcarra maxabbacowta; keenih loowe digaala keenit abele'kkal macaba. Kay ummat sarra yan saaku tahat radele.

Ermiyaas 36:19

«Ah noobbek, away koo kee Ermiyaas gexxa 'xicay aracak teenat ombooqoraay, sinaamah mamballayina» kaak iyyen.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

Ermiyaas 52:30

Labaatanna kee sidochaytô-sanatat, malciina bool kee morootom kee koona num Yuudâ-marak seewah bee. Ta mara beytem, Nabudardanak ten. Seewah been mari tittat affara alfi kee lica boolih num akkuk yen.

Yacedkel 12:19

Taham Israayil maray away isi baaxol yanihiyyat takku waytaamih ceelallo takke'gidih ab. Israayil mari yaaqubeeh yakme waqdi meysih axaxitele. Sahdah cakkiy yaaxigeenihiyya maloonuuy; edde yaniinim kulli way baatili kinnuk, oson elle yanin baaxo suge wayteh innah gacele.

Yacedkel 22:15

Ku mara fixixih marin baaxo kee aaxige waan marih addat baxciseyyo. Uma-taama koo cabsiiseyyo.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Daaniyel 8:9

A affara gaysak tiyak teenah addak qunxa gaysê-baxa tooboke. Too gaysak qande gabbi-qaxaay ayrô-mawqa le kabu kee Baaxooxak-qaxa-tayse-baaxol inkih fixixxe.

Hosiqa 9:17

Hosiqa iyyeemih, «Yi Dagelti isi mara cinele. Ken akah cinu waam, kay yab cineenimih sabbata. Marin baaxol marin marih addat meekita mara akkelon.

Ayyuqel 2:3

Ta qanayti, cafit gexxa gira kafin caxa elle selta innal, baaxol tanim sela. Foocat keenik tan baaxo Qadan bustaanih inna le. Salafat keenik raqta baaxo, caxa elle aabuke wayte bakarroyta celta. Tu matasillima.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Naacum 1:3

YALLI giffa 'ta qande le'mmay, tohuh dagoomut mabagcarrita. Takkay immay umaane aba mara digaale'kal macaba. Isih elle gexa kabul caacay kee caaco ugusa. Siisa sahdah ibat elle ugutta'nnal, qamburre kay ibih gubat ugutta.

Cabakkuk 3:14

Qaskarak abbah suge num, isi macaxut bayisse. Caacoh innah net yemeeten; kaxxam farcitak yemeeten; nee fixiixisaanam faxen. Boola akak dareemen marat, xukkutaanam faxak sugen.

Xafanya 3:6

YALLI iyyaamah, «Doolatwa bayseeh, magaalooli keenik bayseh aniih, xeetik xisen gasoy magaaloolit maroh sugtehiyya kaadu keenik bayseh. Megdebitte keenik foyya abeeh, magaalah addal gititte abuuruy num sinniih, lac sinnihiyya abe.

Zakariyya 2:6

YALLI isi marak iyyaamah, «Duma anu kulli ikke fixixih sin ruubeh suge. Ahaysa Siyon-maray Baabeloonul yanihiyyaw, uguta! Baabelon rasu cabay tokkek kuda» iyye.

Zakariyya 8:1

YALLAY Nabaamak Nabahiyya farmo yol oobise. Yok iyyeemih,

Zakariyya 9:14

YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.