Zakariyya 7:12 - NABUWWA KEE MALIKWA

¹² Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.

Zakariyya 7:12 ပူးပေါင်းရင်းမြစ်များ

2 Aydaad 36:13

Baabelon-abbay Nabkadnessar deqsita Xidkiya malik abe saaku, kay yab yaabbu waamih tiyal, Yallih migaaqal dirkih kaa xibsiiseh suge'mmay, Xidkiya kay yab moggolinna. Fiirik geerah YALLAY Israayil doore Dageltah yanit baaqid mahannaay; toobitta 'yeh kaal yaduureenim cineh.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 46:12

«Yab ayti akak cule waah, cakki faxe waa maraw!

Yasaqya 48:4

Yab ayti akak cule waah, xixxaqay lee adda akak cule waytah bis litoonum aaxaguk en.

Yasaqya 6:10

Sarrak kaadu yok iyyeemih, «Hawri ken cabsiisaay, ayti maleela kee inti maleelay tu able wayta ken ab. Tonnal tu mayablaanaay, tu mayaabbaanaay tut maradan. Intih yubleeniih, aytih yoobbeeniih, tut rade ken tekkek, yol yaduureenim takkeeh, yol yuduureenik urelon» yok iyye.

Yasaqya 65:12

Sin ellecabo tah teeti: Uma rabay ableh uma rabettoonum raq lem hinna. Sugdi-gadda sin abeyyo; tamah siinil baahu waama. Taham siinil 'kah baahu waam, siinih seeceeh yok cinteeniih sin lih yaabeh aabbe cinten. Yok foocal umaanet assen; yi yab cinteenih uf inten. Anu faxe waa gitittet gexxeenih tohum dooritten» 'yaanam siinik iyye YALLI.

Ermiyaas 17:1

YALLI iyyemii, «Yuudah-ummatey, isin edde tanin umaane birti-kalamat tunkuttubeh tan. Afqadok bagul siinik tunkuttubeh tan. Edde tankuttubem, birti-kalamay af akak gibdi-xaak yanihiyya kinniih; elle siinik tunkuttubem, afqado kee sadgat-bagul-akak-abtan-arooca.

Ermiyaas 17:23

Duma sin abbobtik tamah exceh suge'mmay, too mari yab yaabbeeh iyyeenim oggola marak masuginnaay, yi yab cineenih. Anu aba keenik excem moggolinnon.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Ermiyaas 42:21

Ta saaku YALLAY ni Dageltah yanihiyya siinik iyyem siinih warsah ani'mmay, cintaanah tanin.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 11:19

Qusba niya siinit heeyyo. Qusba kas siinih aceeyyo. Xaak yan lubbi siinik kalla heeh, algin lubbi siinit heeyyo.

Yacedkel 14:5

Toh akah abam, yol akah yaduuren innah keenik aba'gidi. Israayil mara yok teyxeerem, oson yaqbuden xeet kee cooxu.

Yacedkel 2:4

Deedalak sah yi yab mayaabbaanaay yoo yaynabeenim cabeenih. Tonna'mmay yoo YALLAY Mulki lehiyya iyyem keenih warissa'gidih, away ken fan koo ruubah an.

Yacedkel 36:26

Qusba afqado kee qusba misinkaca siinit heeyyo. Xaak yan lubbi siinik kalla heeh, algin lubbi siinit heeyyo.

Zakariyya 1:2

YALLI wacyih Zakariyyak iyyeemih, «Gexay ummatak intaamah: Yoo YALLAY Nabaamak Nabahiyya sin kaxxa abbobtit kaxxam bagcarrite saaku luk en. Awayah tu gactek siinik axceemih, Yol uduuraay, anu kaadu siinil aduureyyo.

Zakariyya 7:7

Aham dumî-dabaanal sugte nabuwwal YALLI ruube farmo. Too waktit Yarusalaamal ummat cayit teneeh; Yarusalaam kee tet dariifal ten mandarwal mango ummat dabaaqah ten saakuk ten. Too dabaanal ummat kaadu gabbi-qaxat raqta Yuudâ-baaxo kee ayrô-culmat raqta mango koomaami le baaxol inkih ten.