Zakariyya 6:13 - NABUWWA KEE MALIKWA

¹³ YALLIH Qibaadah-Qari nammeyhaak xissu waytam kaay; malikih taguude nabna geytu waytam kaa. Isi ummatak abba tikka 'yeh xiinisele. Malik dardaarinnih korsil gacele. Kay dardaarinnih korsih xaquk seekih yan num sooleleeh; too sek kee kaa abinnaanim titta lih abeloonuuh, muquk, wagarit titta xiiniselon. Toh intam YALLAY Nabaamak Nabahiyya› kaak inxic.

Zakariyya 6:13 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 22:24

Takkay immay kay ahli inkih kay gaba wagta mara akkele. Quukah kay fillal gacelon. Quuka kaal akkelon.

Yasaqya 54:10

Qaleeli bututtukka 'yaah, koomaami suge wayteh innah gactaamah, koh liyo kacni way mabaya. Amaanah koo xiiniseyyoomuh xagana koh cula» 'yaanam kok iyya. Tamah kok intam, YALLAY koh nacruurahiyya.

Yasaqya 9:5

Sinam gaada qaskarih kabel kee ken sartanay qabalat yutlukehiyya inkih girat carariselon.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 23:5

Qagseh iyyeemih, «Dawuduk radeeh cakki gitat gexa malik siinih edde reedisu waa ayroora amaatele. Too malikiy Dawud-Luddal muggaaqisaanahiyya reedu waa saaku, ummat kasat xiinisaah qadaalat le malik akkele. Baaxo qadaalatat xiinisele.

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Zakariyya 4:14

«Tamah, Yallay inkih yan baadak amoytah yanihiyya uskuttu heeh doore namma numuy kaa takdumu waytahiyya» iyye.

Zakariyya 4:9

YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.

Zakariyya 6:11

Oson koh yacoonu waan lakqo kee dahabak kalabta bicisaay woo kaxxa seekih yan Yahuuxadák-Yoosuwak amot hayis.