Zakariyya 5:2 - NABUWWA KEE MALIKWA

² Too waqdi malaykatti «Maca tablee?» yok iyye. «Xambabbaqen warkat qaraanal caacay beyah ableeh, too warkat xexxaarah sagla mitri yakkeh yan. Affara mitri kee garab baguh yakkeh yan» kaak exce.

Zakariyya 5:2 ပူးပေါင်းရင်းမြစ်များ

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Qaamus 7:8

Too waqdi YALLI yok iyyemii, ‹Qaamusow, maca table?› yok iyye. ‹Gidaar xisan waqdi makot tanim kee ane waytam elle yaaxigen miizaan able› exce. Too waqdi YALLI yok iyyemii, ‹Hay tonnal, anu ta mansafat Israayil mari makot yan mara kinnim aybulleeyyo. Tahaysa ken digaaleyyo ikkal, wadir akak maxca.

Xafanya 1:14

YALLIH cokmih ayroy kaxxa ayro kinnihiyyah mamaata nabam xayiih, too ayroh mamaata sissikih. Too ayro uma weeqa abeloonuh, cunxitelon. Kaxxa agiirinna luk sugte labhak kinni way qeebil af awqeleeh, waagiselon.

Zakariyya 4:2

«Away tableemih tu maay lito?» yok iyye. «Dahabak bicsen caxxay faanus bagul akak haanahiyya ableh an» kaak exce. «Woo faanus elle haan caxxih amol malcina faanus yan. Kulli faanus malcina dubaalat edde haan arac le. Amol akak zeyti (saliid) edde yan sacni yan.