Zakariyya 4:9 - NABUWWA KEE MALIKWA

⁹ YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.

Zakariyya 4:9 ပူးပေါင်းရင်းမြစ်များ

Qedra 5:16

Too num Yarusalaam yemeeteeh, Yallih Qibaadah-Qarih rakiibo hee. Sarrak xiso akak too saaku qimbiseeniih, ta saaku fan too xisot nan. Xisok uxih gaba makalinna› 'yaanam nek iyyen.

Yasaqya 48:16

Tonna'mmay ta way kabba 'xicaay anu axcem oobbeya. Dumaak qellite sinni yaabah sin lih yaabak sugeeh; edde yabba axcem inkih nummak macsiisam yoo» iyye. A saaku YALLAY Mulki le isi Roocaaniyya yot heeh yoo ruube.

Caggay 2:18

A saaki, yi Qarih rakiiboh xisnek gaba edde kalten ayrooy; yi Qarih rakiiboh xisnek gaba edde kalteenim, ta sanatak sagalhaytoh alsak labaatanna kee fereyhaytoh ayro. Tahak wadir anu siinih abu waam cubbusa.

Zakariyya 1:16

Ahaysa Yarusalaam emeeteh aniih, teetih racmateyyo. Yi Qibaadah Qari nammeyhaak xiseloonuuh, Yarusalaam kaadu nammeyhaak xissiimele. Tah intam yooy YALLAY Nabaamak Nabahiyya› 'yaanam siinik iyya, keenik inxic» yok iyye.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.

Zakariyya 4:8

Kaadu wohuk kalah YALLAK gersi farmo yol obte.

Zakariyya 6:15

YALLIH Qibaadah-Qarih xisneh allal yan mari amaateleeh, xisnet gaba assagallelon. YALLAY Nabaamak Nabahiyya sin fanah yoo ruubem too saaku aaxigetton. Tonna'mmay tah inkih takku waytam, isin YALLAY sin Dagelta kinnihiyya aba iyyem dudda luk abtoonu waytan saaku.