Zakariyya 4:6 - NABUWWA KEE MALIKWA

⁶ Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Zakariyya 4:6 ပူးပေါင်းရင်းမြစ်များ

1 Malikwa 19:12

Woo baaxoh-angoyyih lakal gira obte. Woo girah addat kaadu mananna. Too girah lakal tutuctoh innah tanim yoobbe.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 3:10

Xisne aba mari, YALLIH Qibaadah-Qarik rakiibo heen saaku, seeka dallaabiyat gacca teh, *baanta gabat luk, elle sooloonu waan arac yibbixen. Leewi deqsitta kedok Asaf deqsita gulubuh yooboke mari kaadu, giyaagib gabat luk, keenih heen aracal soolen. Too waqdi Dawud dabaanak raqte qaadal akah abak yenen innal, YALLA saarisen.

Qedra 5:2

Saltiyál-Darabbabel kee Yahuuxadák-Yaasuwa too namma nabi yab yoobben waqdi, Yallih Qibaadah-Qarih xisne wadir qimbisen. Too namma nabi xisol kaadu ken catteh.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 32:15

Takkay immay sarra yan saaku, *Yallih-Roocaaniyya baaxol oobeleeh, bacarih tan baaxo baqurê-baaxo akkele. Baaxol niqmat gaceleeh mango murti orbele.

Yasaqya 34:16

A yab YALLIH kitaabih addal geytimaah, takriyeeni'gidih gorrisa. A alluwwa inkih anele; labim kee sayim inkih wokkel sugele. A yab akak yemeetem YALLA kinnuk, a alluwwak inki ali kinni way mabaata. Ta alluwwa tokkel gaaboyselem, kay Roocaaniyya.

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Daaniyel 2:34

Atu woh wagitak sugte waqdi, kaxxa xaa, num gabah kaa xage'kal, qalek baxsimma 'yeeh, rade. Woo ceeloh-ibay kalla kee birtak bicseenihiyyat boodeeh butukku hee.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Caggay 2:21

Kaak iyyeemih, «Yuudâ rasuk abbah yan Darabbabelik intaamah: ‹Qaran kee baaxo edde asgayyu waa saaki xayiih;

Zakariyya 6:12

Too waqdi kaak intaamah, ‹Ludda deqsita num saadeleeh, abinnaanim gabal kaak bicele. YALLIH Qibaadah-Qari nammeyhaak xisele.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:47

Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.