Zakariyya 3:2 - NABUWWA KEE MALIKWA

² Too waqdi YALLI Seetanak iyyeemih, «Seetanow, YALLI koo yaynaaqalay! YALLAY Yarusalaam doorehiyya koo yaynaaqalay! A num girah addak handifen bocoytih gide. Kaxxa gadaamah addak handifeenih yeyyeeqen numih gide» kaak iyye.

Zakariyya 3:2 ပူးပေါင်းရင်းမြစ်များ

2 Aydaad 6:5

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisan magaala dooreh masuginniyo. Yi mara miraacisu waa num duma dooreh masuginniyo.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.

Daaniyel 12:1

«Too malaykattuy meqe-sarot sartanah yani yok iyyeemih, ‹Too saaku woo qande le malaykattuy Mikaayil deqsitaah ku ummatta dacrisahiyya amaatele. Kaxxa gibdaabini edde yan wakti sugele. Ummatta tunkullukeemik xabba haanamaay akke, sinaamat way akke wayte gadaama akkele. Too saaku ku ummattak migooqa Yallih kitaabal akak tunkuttube mari inkih cattiimele.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Zakariyya 1:17

Tohuk kalah too malaykatti yok iyyeemih, «YALLAY Nabaamak Nabahiyya iyyaamah: ‹Yi magaaloolil yan mara gaddaloola abeyyo. Yarusalaam qagitak anu doorite magaala akkeleeh; tet cateyyom ummatah waris› » yok iyye.

Zakariyya 2:12

Too saaku taahirik tan baaxol, Yuudâ-mari dumak kaxxih, YALLIH ikoytah akkeloonuuh; ken rasi kay rasu akkele. Yarusalaam qagitak YALLI doorite magaala akkele.