Zakariyya 2:9 - NABUWWA KEE MALIKWA

⁹ Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.

Zakariyya 2:9 ပူးပေါင်းရင်းမြစ်များ

Yasaqya 10:32

A saaku naqboyti elle anfiddigelem, Noob magaala. Tokkeek Siyon-qaley Yarusalaam magaalal tanihiyyal meysissoh feera ascasselon.

Yasaqya 11:15

YALLI, Qasa badih exxay Masrit xayihiyya bayseleeh; Furaat weeqaytu kafsa'gidih laqin caacay ruubele. Ummatta ibah akak tabta'gidih kaxxam qunxaamak malcina buyyi raaqele.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Yasaqya 19:16

Too ayro, Masri mari agbi innah gilic leela akkele. YALLAY Nabaamak Nabahiyya ken digaala'gidih gaba fakem yabloonu waan waqdi, cunxitelon.

Yasaqya 26:1

Too saaku Yuudâ-rasul qadar abelon. Qadarah iyyoonu waanamaa, «Ni magaala qandeey maqar le; Yalli isih maro teetit heeh yan; tet wada'gidih maro edde hee; is Yallih dacayri geyteh tan.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 33:21

YALLAY Misliino le tokkel ni amo wagtele. Mango weeqaytuy darah gexahiyya le magaala akkele. Takkay immay kaxxa maraakib elle magexa.

Yasaqya 33:23

Isiniiy gexu duude waa markabay dagal kee siraq edde haan akoota salacak akak tanihiyyah bis liton. Takkay immay too waqdi mango duyyey qadad sinni ni naqboytiitik buubenno. Iba-mali kinni-way gaba akak maraqsitay kaa duddam akak beele.

Yasaqya 4:5

Tohuk lakal YALLI, Siyon qale kee tet xaqul gaaboowe mari elle yani ikkel, laqo qamburre ruubeleeh, bar kaadu qer kee habug iyya ifu ruubele. Yallih nabna inkih tan magaala buuleleeh, umaanek tet waasele.

Yasaqya 48:16

Tonna'mmay ta way kabba 'xicaay anu axcem oobbeya. Dumaak qellite sinni yaabah sin lih yaabak sugeeh; edde yabba axcem inkih nummak macsiisam yoo» iyye. A saaku YALLAY Mulki le isi Roocaaniyya yot heeh yoo ruube.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 60:19

Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 28:9

Takkay immay baaxol wagari gacele iyya nabi, nummah YALLI ruube nabi kinnim kaak elle tamixxigem, edde yabba 'yem nummak maacissa waqdi» 'yaanam kaak iyye.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Yacedkel 39:10

Too silac girâ-bocoh haysiteloonuuh; tohuk gexxaamah bocô-goranah coox elle yan booxa magexaanaay, garbok bocoh coox mayargiqan. Ken warare mara warareloonuuh, ken buube mara buubelon. Tahat yabtam yoo YALLAY Mulki lehiyya» iyye.

Ayyuqel 2:27

Too saaku Israayil maraw, sin lih aniyom yok aaxigetton. Anu YALLA kinniyooh, sin Dagelta kinniyom aaxigetton. Yok sa Yalla alle waytaanam aaxigetton. Ahaysa sinam sin mabursutta.

Cabakkuk 2:17

Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

Zakariyya 4:9

YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.

Zakariyya 6:15

YALLIH Qibaadah-Qarih xisneh allal yan mari amaateleeh, xisnet gaba assagallelon. YALLAY Nabaamak Nabahiyya sin fanah yoo ruubem too saaku aaxigetton. Tonna'mmay tah inkih takku waytam, isin YALLAY sin Dagelta kinnihiyya aba iyyem dudda luk abtoonu waytan saaku.

Zakariyya 9:15

YALLAY Nabaamak Naba isi ummat umaanek catele. Kay ummat naqboytiitik aysele. Qinabak bicsen kamrik cayyeh yiskire numih innah, qeebi booxal tirtiriselon. Naqboytiitik qabala caxelon. Ken naqboytiitih qabal, sadgatah qiden saqih qabalay sacnik sadgat elle aban mansaf bagul caxaanahiyyah innah caxitele.