Zakariyya 2:4 - NABUWWA KEE MALIKWA

⁴ Kaak iyyeemih, «Sissikuk gexay, ama baaxo edde yamittiren akat gabat le duubalik intaamah, ‹Yarusalaamal mango ummat kee mango lac sugeleemih sabbatah, inkih tan Yarusalaamat gaso haanam mabicta.

Zakariyya 2:4 ပူးပေါင်းရင်းမြစ်များ

Aster 9:19

Tohuk gexxaamah tohuk wadir, Yahuuduh yooboke maray qunxa magaaloolil sugehiyya taban kee fereyhaytoh ayro africuk qiidih edde asaah; kulsa le maaqo tittah edde yecee ayro tekke.

Yasaqya 33:20

Siyon-qaley qiidih elle asak nenehiyya wagitay; Yarusalaam magaalay qiidih elle asak nenehiyya wagitay. Yarusalaamay amaanak tanihiyya namma inti siinik ablele. Yarusalaam, siraaqay elle daabisan ikkek kate waahiyya kinni. Tet akat mayaggiriqaay masalaca.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Yasaqya 49:20

Sin maray xaleena seewah elle been baaxol yoobokehiyya a baaxo yaduure saaku, mangak gexxaamah, ‹A baaxo dabaaqah nee tabbixeh matanak, baaxo neh osisa› 'yaanam ken axcih aabbetton.

Yasaqya 54:16

Gabâ-birta bicsa mara tuklukem yoo; silaacat sinam qidda qaskar gintem yoo.

Ermiyaas 1:6

«Too waqdi anu Yallak exceemih, ‹YALLAW, Mulki le Dageltaw, anu innih qunxa num kinniyooh, elle yaaba'nna maaxiga› exce.

Ermiyaas 31:24

Ahak wadir ummat Yuudâ-rasu kee tet addal tan magaaloolil inkih dabaaqah titta lih gacele. Buqre-aba mara kee illit duwah yan mari titta lih dabaaqah gacele.

Ermiyaas 31:27

YALLI iyyeemih, «Yuuda kee Israayil baaxol ummat kee lac edde aymaggu waa ayroora amaatele.

Ermiyaas 33:22

Dawuduy yi naqasuh yenehiyyah durruyyat aymaggeyyo. Leewî-kedok rade mara kaadu tonnah assakaxxeyyo. Mangah qaraanal tan cutuuka kee baddi afal tan qiddey loowo num akak duude waah innah, loowo num akak duude waa mara ken abeyyo» 'yaanam iyye.

Yacedkel 38:11

Cato sinni baaxoh maray carbi able weeh, amaanah xiinaah, gaso sinni magaaloolil yanihiyya qeebit tabbixeemil malsetto.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Daaniyel 1:4

Ta mari yi qarih addal taamita'gidih, xagar qax-maqaane leeh hebeltoh ayma aalle waa maray kas kee cubbiiy ixxiga kee baritto lehiyya yakkeenim faxxinta» iyye. Asfanad, Baabelon marih af kee woo afat tunkuttubem, too mara barsam faxximta.

Miika 7:11

Yarusalaam maraw, Yarusalaam gasoosa nammeyhaak edde xisoonu waan wakti xayih. Too saaku sin baaxo kaxxa baaxo akkele.

Zakariyya 1:16

Ahaysa Yarusalaam emeeteh aniih, teetih racmateyyo. Yi Qibaadah Qari nammeyhaak xiseloonuuh, Yarusalaam kaadu nammeyhaak xissiimele. Tah intam yooy YALLAY Nabaamak Nabahiyya› 'yaanam siinik iyya, keenik inxic» yok iyye.

Zakariyya 1:17

Tohuk kalah too malaykatti yok iyyeemih, «YALLAY Nabaamak Nabahiyya iyyaamah: ‹Yi magaaloolil yan mara gaddaloola abeyyo. Yarusalaam qagitak anu doorite magaala akkeleeh; tet cateyyom ummatah waris› » yok iyye.

Zakariyya 12:6

«Too ayro Yuudâ-kedoh abbobti caffa takme gira abeyyo. Axaw axawah heen qaysot gexxa gira ken abeyyo. Dariifal keenik enna 'ta doolat inkih bayselon. Yarusalaam marah tu gactekiiy amaanah raaqelon.

Zakariyya 14:12

Yarusalaamat qeebi aba marat YALLI dalka ruubele. Rooci keenit anuk, arab kee cado keenik abicele. Namma inti elle tan aracal abiceleeh; arraaba afak addal keenik kafele.