Zakariyya 14:9 - NABUWWA KEE MALIKWA

⁹ Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.

Zakariyya 14:9 ပူးပေါင်းရင်းမြစ်များ

Yasaqya 45:21

Amaay, waytaanam cokmi-buxal haysita. Yistikyen maraw, intoonu waytaanam sitta lih malisa. Sarra takku waytaamat dumaak yabtem yoo. Ahat yabtem yoo YALLA; yok sa Yalli mayana. Anu gital tanim aba Dageltaay; wadeena kinniyooh, yi'nnah tanim matana.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.

Qaamus 9:12

Too waqdi Edom rasuk raqtem kee, yi migaaqal elle dardaarak sugga iyyen baaxooxa Israayil marih im abeyyo. Tahat yabtam yoo YALLAY ah duudusu waahiyya» 'yaanam iyya.

Qobadya 1:21

Yarusalaam mari, Qiisoh yooboke marak qeebil ayseleeh, baaxo keenik xabba heenih keenil ackumelon. YALLI too saaku isih, malik keenik akkele» iyye.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

Xafanya 3:9

«Tohuk wadir baadal tan ummatak afkan korseyyo. Deedaltaamay yalla axcuk yaqbudeenihiyya cabba heenih yol aduureloonuuh, yoo dibuk aqbudelon. Dooqa aban way, ‹YALLAW› axcuk yoo kallacelon. Tikka 'yaanamaak yi amri oggolelon.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

Malaaki 1:14

Yi sadgatah yaguude nagay yan lac allih, ‹Too lac sadgatah aceeyyo› axcuk, xagana yoh culek sarra, ayma le saq baahaah yoo duquurusam yakkale numul yi abaaro oobele. Addunyâ-malik yooy; baadal tan ummat inkih yok meysitta. Tah intam yoo YALLAY Nabaamak Nabahiyya» iyye.

1 Samuwel 2:10

YALLI isi naqboytit foyyisele; Kulliimik daga raaqa Dagelti qaraanak keenit kaayele. YALLI inkih tan addunyal ackumele. Isi malikit qande heeleeh; isih doore malikih nasri aceele» 'yaanam inte.