Zakariyya 14:8 - NABUWWA KEE MALIKWA

⁸ Taham takku wayta ayro, Yarusalaamak addal sila le lee darah innah caxitele. Too leek garab Rabe Bad deqsita bad fan caxitele. Aki garab Maditraaniyah Badat angalele. A lee cagayaay, karma, way mataggiriqay darah oobele.

Zakariyya 14:8 ပူးပေါင်းရင်းမြစ်များ

Yasaqya 35:7

Liiqih sinam cararisak yen daqaarak kulli ikke dora akkele. Bakarbakar luk ten baaxol, mango dori racele. Wakri-dabaaqah sugte baaxol, qayso kee bayreey gorrob aabukele.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Ayyuqel 2:20

Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Miika 4:2

Baadal tan ummat too saaku intu waytaamah: «Qibaadâ-Qari elle yan YALLIH Qale fan nee beya» tittak axcelon. «Israayil ummat doore Dageltih Qari elle yan arac nawaqu wayna. YALLI tokkel isih faxem nee barsele. Usuk faxe gitat gexenno» 'yaanam axcelon. YALLIH baritto elle tanim, Yarusalaam magaalaay; Siyon qalek isi ummat lih yaaba.

Zakariyya 14:4

Too ayro YALLI Yarusalaamak ayrô-mawqa le kabut raqta Madeera-li deqsitta qalel gacele. Too qale ayrô-mawqaak ayrô-culma fan namma ikkel kurruumeleeh, fanal kaxxa daqar akak awqele. A qalek garab kilbat fanah angayyeleeh, garab gabbi-qaxal angayyele.