Zakariyya 14:7 - NABUWWA KEE MALIKWA

⁷ Dite magacta. Bar kinni way ifi gaceleeh, kulli way ifuk sa bari magaca. Taham edde takku wayta ayroy rikeek tani taaxigem YALLA.

Zakariyya 14:7 ပူးပေါင်းရင်းမြစ်များ

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 24:23

Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 45:21

Amaay, waytaanam cokmi-buxal haysita. Yistikyen maraw, intoonu waytaanam sitta lih malisa. Sarra takku waytaamat dumaak yabtem yoo. Ahat yabtem yoo YALLA; yok sa Yalli mayana. Anu gital tanim aba Dageltaay; wadeena kinniyooh, yi'nnah tanim matana.

Yasaqya 58:10

satqita marah isinni maaqo teceeniih xukkot yan mari faxam keenih abteenik, edde tanin dite siinik katta inteh laqoh innah yan ifi siinih gacele.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Daaniyel 12:4

«Kaadu yok iyyeemih, ‹Daaniyelow, ama kitab alifay ellecabo edde takke wakti fanah alifay asta edde hayis. Mango mari takkeemih maqna yaaxige'gidih, kaxxam taqabelon› iyye.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Qaamus 8:9

Yi cokmih ayro, laqo ayro suteleeh, wallaqenta baaxol dite qideyyo. Tah intam YALLAY Mulki lehiyya.