Zakariyya 14:4 - NABUWWA KEE MALIKWA

⁴ Too ayro YALLI Yarusalaamak ayrô-mawqa le kabut raqta Madeera-li deqsitta qalel gacele. Too qale ayrô-mawqaak ayrô-culma fan namma ikkel kurruumeleeh, fanal kaxxa daqar akak awqele. A qalek garab kilbat fanah angayyeleeh, garab gabbi-qaxal angayyele.

Zakariyya 14:4 ပူးပေါင်းရင်းမြစ်များ

2 Samuwel 15:30

Dawud ‹Madeera-li Qale› deqsitak ten qale boogisak yewqe. Too waqdi ib-qassih yeneeh, amot saro heeh yen. Kaa'lih yen mari yakkeemiik kaak kaxxih amô-sara isik hayya heeh, woo qale kaa'lih boogisak yewqen.

Yacedkel 11:23

Too ifuy YALLIH nabna yaybulle, magaala cabba heeh, ayrô-mawqa le kabut raqta qale fanah gexeeh, wokkel elle yeede.

Yacedkel 38:20

Kullunta takkuu, kimbir takku, naba ala takku, qunxa ala takkay, baaxol ibah gexxa 'tam takku, a baadal enna 'ya bani-adanti takku, yi meysik gexxaamah axaxitele. Qaleeli radele. Boolal bokokele. Magaaloolit maroh tan gasoosa addigillele.

Yacedkel 43:2

Tokkeek Israayil doore Dageltih nabna yaybulle ifuy diifu le uble. Yallih anay baddi haffoh innah xongoleeh, Yallih ifuy diifu lehiyya baaxo inkih duude.

Cabakkuk 3:6

Kay soolol baaxo tangayye. Inkih tan ummat kee ayyunti, kay wagittol axaxita. Addigille wayta qale kay wagittot riira takke. Dumî-dabaanal, xer saaku, usuk edde gexe gital sugte koomaami sutta inteh.

Zakariyya 14:10

Gabaq deqsita aracay kilbat le kabut raaqak xabba haanamaay, Rimmon deqsita aracay gabbi le qaxat raaqahiyyah amma 'yaanam fan booxa akkele. Yarusalaam magaala dariifal teetik tan baaxok fayya axcuk raaqele. Magaalak exxa Benyam-Culma deqsitta afak xabba haanamaay, duma magaala akak culak sugen af elle suge arac fan gexak, Rukni-Afah deqsita arac fan gufele. Sahda akak yabloonuh xisen Cananal-Qariy amo-xeerik, malik buxah marih qinab kamri axmuumuk elle bicisak yenen arac fan gufele.

Zakariyya 14:7

Dite magacta. Bar kinni way ifi gaceleeh, kulli way ifuk sa bari magaca. Taham edde takku wayta ayroy rikeek tani taaxigem YALLA.

Zakariyya 14:8

Taham takku wayta ayro, Yarusalaamak addal sila le lee darah innah caxitele. Too leek garab Rabe Bad deqsita bad fan caxitele. Aki garab Maditraaniyah Badat angalele. A lee cagayaay, karma, way mataggiriqay darah oobele.

Zakariyya 4:7

Qaleh innah kaxxaamay gibdaabina lehiyya kol xabbacooseyyo. Yi Qibaadah Qari atu xisetto. Qari xisnek gaba kaltuh ellecabô-xaa haytu wayta saaku, ummat anay fayya haak farcatah, ‹YALLIH maqaane a qaril tanay!› axcelon, 'yaanam kaak inxic» yok iyye.