Zakariyya 14:21 - NABUWWA KEE MALIKWA

²¹ Yarusalaam kee Yuudâ rasul maaqo addat akak alaysan buutitte, YALLAY Nabaamak Nabahiyyah qibaadah aban sadgatih taamah, gersi duyyek baxissa heenih rikeek heelon. Sadgat baaha mari baahah yan saqih cado too buutittel alayselon. Tohuk wadir Nabaamak Naba YALLIH Qibaadah-Qarih addal tellemmo aba mari maraaqa.

Zakariyya 14:21 ပူးပေါင်းရင်းမြစ်များ

Nacmiya 8:10

«Ahaysa isinni buxa gexaay, meqe maaqo akumaay salfa le maqab aqubaay, qiidih asa. Liton maaqo kee maqab tu aalle waa marah acuya. A saaki ni Goytah garil taahirik tan ayrok markitina. Sin cayli, YALLI siinih yecee rufto» keenik iyyen.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 4:3

Too wakti baatik saaboh raaqe maray Yarusalaamal yani, taahirik yan mara akkele. Too maray Yalli Yarusalaamal raaqaana'gidih doore, migooqa akak tunkuttube mara.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Yacedkel 44:9

Tohuk gexxaamah, yoo YALLAY Mulki lehiyya sin aysixxigeemih: faxe allî-baaxoh maray solot sinni takkuu, yi yab cina mara takku, yi Qibaadah-Qari cule waanama. Tonnal yan allî-baaxol maray Israayil marih addal yanihiyya kinni-way cule waama» iyye.

Yacedkel 45:1

Baaxo sahdah kedo kedol kuran saaku, afak teena YALLAH cabaanama. Too baaxoy YALLAH cabaanahiyya xexxaarah taban kee namma kiilomitri kee garab takkeemi. Baguh tabna kiilomitri takkeemi. Too baaxo inkitanuuk saytunuk tan baaxo takkeemi.

Hosiqa 12:7

Yalli iyyeemih, «Israayil mari aamanti cabeeh, makot yan miizaanal duyye sinaamah keexan.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Xafanya 1:11

Toh tellemmo aba mari rabu waa ayro'mmay, Yarusalaamak guba raqta exxal yan maraw, weeqaay, boogisa» iyye.

Zakariyya 14:20

Too saaku faarisik fillat haan baadontak bagul, «YALLAH rikeek heenimi» 'yaanam kutbeh heelon. YALLIH Qibaadah Qarih addal maaqo addat akak alaysan buutitte, sadgat elle aban aracal tan sacnittek kaxxih, taahirik gacele.

Zakariyya 7:6

Tonnah kaadu makum kee maqub akah abak sugteenim, sinni nabsih taaga› keenik inxic» yok iyye.