Zakariyya 14:17 - NABUWWA KEE MALIKWA

¹⁷ YALLAY Nabaamak Nabahiyya isinni malikih intit able waah, Yarusalaamal kaa aqbude waa marih baaxol, rob marada.

Zakariyya 14:17 ပူးပေါင်းရင်းမြစ်များ

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

1 Malikwa 8:35

«Ku ummatta kol bahte dambik gexxaamah, qaran alfimeeh rob waytimam ubulla heenih; too saaku toobitta 'yeenih koh rammitak, a Qibaadah-Qari fan ufkunna 'yeenih dooqa aben ken tekkek,

2 Aydaad 6:26

«Ku ummatta kol bahte dambik gexxaamah, qaran alfimeeh rob waytimam ubulla heenih, too saaku toobitta 'yeenih koh rammitak a qibaadah qari fan ufkunna 'yeenih dooqa aben ken tekkek,

2 Aydaad 7:13

Rob keenik ayseede kee, tooboke daro selu waa qanaytu ruube kee, hinnay kaadu, numuk numut tabta dalka keenit ruubam yablen waqdi,

Yasaqya 18:7

Toh tekke saaku, weeqaytitte adda akak radde baaxo le maray qande le doolat leeh, tonnah kaadu, xeeriih xagar arab akak xamciniih addunyal inkih akak meysitaanahiyya, YALLAY Nabaamak Nabahiyyah acwa baahelon. Woo mattaco Siyon-qaley YALLAY Nabaamak Naba elle yaqbudeenihiyya fan baahelon.

Yasaqya 45:23

Anu abeyyo axcuk, culeemik kora Dagelta hinniyo. Akkele excem takkeeh, abeyyo excem abah: ‹Kulli num yi foocal gommoh yoh radeleeh, Kok sa tu manaqbuda 'yaanam axcuk qahdi culelon› inni migaaqal akah xiibitem, duuduse'kkal wadir maxca.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yasaqya 60:12

Takkay immay koh taamite wayta doolatwa bayele; ken baaxo abuuruh raaqele.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Ermiyaas 14:3

Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.

Ermiyaas 14:4

Robti waytih baaxo kaffa karacca 'ye. Tohuk gexxaamah, buqre aba marak niya tiddigilleh; aban wacarriyik gexxaamah, fooca isinnik reebisan.

Qaamus 3:2

YALLI iyyaamah, ‹A addunyal enna 'ya marak inkih addak dooreeh dacrisam siini. Tonna-leemiik abba haytan dambih sin akah digaalu waam, toh kinnim ixiga› siinik iyya» keenik iyye.

Zakariyya 14:16

Yarusalaamat qeebi abe marak saaboh raaqe mari, wohuk wadir YALLAY Nabaamak Nabaah Malik kinni yaqbudeeni'gidih, kulli sanatal Yarusalaam amaatelon. Tokkel Iraawô-Dabih Qiid assakaxxelon.

Zakariyya 14:9

Tohuk lakal YALLI, inkih yan baadal malikih anuk, baaxo xiinisele. YALLAK sah yaqbudeenim ane waytam kulli num aaxigele. Kaak sah tu mayaqbudan.