Zakariyya 14:13 - NABUWWA KEE MALIKWA

¹³ Too ayro too marat YALLI badit kee meysi ruubeleeh; tohuk gexxaamah kulli num isik cuggaaneh aninnaan numut qeebi abele.

Zakariyya 14:13 ပူးပေါင်းရင်းမြစ်များ

Yacedkel 38:21

Googul umaaneh innah tanim baaheyyooh, akak cunxitta 'ya umaane kaal ruubeyyo. Taham intam yoo YALLAY Mulki lehiyya. Kay mari qeebih tittal aduureleeh seefit titta qidelon.

Zakariyya 11:6

Too waqdi yok iyyeemih, «Anu ahak wadir a baaxol enna 'ya marah maxuwaawaay, ken macata. Kulli num, garil kaak yan num akkeey, amol kaak yan amoytih gabal hee akkeyyo. Too mari baaxo bayseleeh, anu kaadu woo baaxo baysoonay ken axceyyo. Tah intam yoo YALLA» iyye.

Zakariyya 12:4

Too ayro too mari edde yamaatu waa faarisit cunxo ruubeyyo; amot akak yamaatu waa marat moyya ruubeyyo. Yuudâ mara dacriseyyooh; keenit qeebi aba'gidih yamaatu waa marih faaris inti waysiiseyyo.

Zakariyya 14:14

Yuudâ mari, Yarusalaam marat qeebi aba marat qeebi abelon. Keenik dariifal tan ummat luk sugga 'te duyye keenik buubeloonuuh; mango dahab kee lakqo kee sartan keenik beelon.

Makaabon 7:22

Gidqoon mari yakkeemiik sidiica boolih baanta yoogoren waqdi, YALLI, Miidiyan mara qeebi tittat ken yuyfukuneeh, seefit titta qiden. Too mari tokkeek aben kudmah, Dareeda deqsita rasuk Beet-Sitta deqsitta magaala kee, Aabil-Macoola deqsitta magaala dariifal tan baaxoy Tabaaqot deqsitta magaalat xayuk raqtahiyya fan yoowwen.