Zakariyya 13:7 - NABUWWA KEE MALIKWA

⁷ YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

Zakariyya 13:7 ပူးပေါင်းရင်းမြစ်များ

Yasaqya 1:25

Amah siinit macabaay, liton nadaasak sin kaqliseyyo. Saabunut kaqlisen saroh innah nadaafatah sin heeyyo.

Yasaqya 27:1

Too ayro YALLI isi seefiy nabam gibdiih, qande kee nabna let, Leyyatan qidele. Leyyatan deqsita kaxxa abeesay makmakitak gexxa digaalele. Leyyatan deqsita kaxxa abeesay kudak sugte digaaleleeh, kaxxa alay baddi addal yaloolehiyya qidele.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 47:6

‹YALLIH seefow, sahdâ-qidimik taadayu waytam maa saakuu? Ahaysa isi sibah uduuray sahdâ-qidim koo xiqay inxic› 'yaanam axcelon.

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.

Yacedkel 21:3

Intaamah: YALLI, ‹Anu naqboytah kok aniih, seef sibak siibeh kol aniih; gitat yan mara kee umeynit tittak baxse'kal filla keenik kaleyyo.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 7:6

Sinim gaba kalteh; sin ellecabo xayyowteh; sin ikke tekkeh!

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Zakariyya 11:11

Too ayrok wadir too xagni maraaqinna. Taaxige xukkot yan illi yoo wagitak yen. Too mari, aham akah abem, YALLIH amri kinnim abinal yok yeexegen.

Zakariyya 11:4

YALLAY yi Dagelta kinni iyyeemih, «Yasguudoonu waan illit loynah yan num tik!

Zakariyya 11:7

Zakariyya iyyeemih, «Tonna leemiik, yasguudoonu waan illit loynah yan num ekkeeh; eddeey edde xukkot yan illit duwah gace. Namma caxxa gabat hee. Too namma caxxak caxxak teenak migaaqah ‹Maqaane› exceeh; aki caxxak kaadu migaaqah ‹Egla› exce. Too illi dacriseh.